سلم الهدد عند الصقاقير

[راعي مسكت]

السلام عليكم ورحمة الله وبركاته.ياخواني انا حبيت اتكلم في موضوع مهم جدا جدا ولم ارى في وقتنا الحاضر احد الاعضاء تطرق له الا وهو الهدد :في المقناص وخاصه في منطقه الخليج متعارف الشيمه عند الهدد فتجد الكل يحلف من الهدد ومبدي خويه عليه وهكذا ،ولكن في قله الصيد بدأت تظهر شروط عند كل جماعه ،مثال نجد سلم عند بعض الاخوان وهو بالدور (يعني انت خمسه وكل يوم نفس الشخص الي يعين مايهد الابالدور)والبعض الاوليه للي طيره مابعد صاد (على المناظر)فرخ او توه شاريه يبي يتأكد انه صايد او معلمه ويبي يشوف بيصيد والا لا،وفيه جماعه الي يعين ثرها (الحبارى)الهدد له وهو شيمته يبي يهد مالك عليه حق ولو عين الصيد كله.فاوالله اني استحيت فالبدايه من طرح هذا الموضوع ولكن قمت اشوف في المقانيص اختلاف الاصدقاء والكل عنده راي . فانا ودي الكل ينتبه لهنقطه لان بعض الشباب قام يروح بروحه وذلك للابتعاد من الاحراج ،وخوه اخوان شما تشترا بالغالي والنفيس لان حلاه القنصه اولا السوالف الطيبه والخوه الي على تقوى الله وشبه الظو وبعدين الصيد ،يااخواني والله من ورى القصد ودي للاعضاء الي لهم مقانيص كثيره وخاوو اكثر من جماعه انه يعطينا السلم المتعارف عند الجميع .واسمحولي على الاطاله .

[نايف الخالدي]

السلام عليكم ورحمة الله وبركاته مشكور اخوي على طرح هذا الموضوع الجميل والمهم في نفس الوقت

[أبو رداد]

السلام عليكم ورحمة الله وبركاته

الدور جميل
وصاحب الخطوه مبدى
وصاحب الفرخ او الطير الي بعده ماصاد مبدى
والخوه الطيبه والاتفاق المسبق ... مافي اجمل منه

[ابو هــاجــوس]

السلام عليكم ورحمة الله وبركاته


يعطيك العافيه اخوي راعي مسكت على الموضوع الجميل


أبــــــــــــــــــــــــــو هـــــــــــــــــــــــاجــــــــــــــــــــوس


http://www.mekshat.com/pix/upload/sign/images/mk15033.gif

[الجروووح]

تسلم اخوي .
والتفاهم والتعاون والله انههو ملح الطلعات

والأحترام لابد انه يكون هو المعقل الأسسي والرابط بين الخويا .

ولا لعن ابو شي يبي يخليني أفارق اخوياي وربعي .


والحقيقه المقصد م الصقاره من أساسها هي الهدد والطرد هذا لا يختلف عليه صقارين .

فأنا في رأيي أن الهدد يكون للطير اللي ظامنين صيدت هالمجموعه اعتبرها لهم كلهم لأنهم راح يتمتعون بهد هالطير

وتعليقه وطيارة وتفاصيل المعركة المنتظرة .

فأنا أبحث عن الطير اللي متمكن أكثر من غيرة .
.................................................. ............

تقبل تحياتي وشكري

[طيرحوران]

حياك الله راعي مسكت وتشكر على الموضوع .

والقاعده المعروفه أو التي يجب أن يتعامل معها الناس هي الإتفاق قبل الرحله وطبعا الرحله فيها أمير وقد أتفقو على الهدد .
والمفروض المفروووووووووووووووووض مايهد إلا الطيور الطيبه.أهم شيء أنك تصيد مايرووووووح شيء .
ولكن عندي ملاحظة على بعض الصقاقير .تعلمون في هذا الوقت قلة الحبارى .وليس من المعقول ابدا أن هذا معه طير توه فرخ أو توه شاريه مايدري عن علوم الطير . وبنفس الوقت يكون له المهد الأول .فهذا في وجهة نظري عين الخطاء .تبي تقولون ليش ؟
أفرض أن الطير ماطلب الحبارى وغزة ذنبها وشلعة فوق عند النجوم . وفي هذه الحاله ماعد تقدر تهد تخاف على الطيور من الضياع ولو كان معك الأجهزه لأنك ماأنت ملحق إلا طير طيب والطير الطيب صعب يفرط فيه صاحبه بهذه السهوله إلا إذا كان في مكان سهل مثل الدبدبه.وترى مايضيع إلا الطير الطيب الطيييييييييييب( من قلب)
ثانيا الطيور هذه لاحقين عليها أعزل وهد .
ثالثا أفرض أن الحبارى راحت فمن يتحمل الحسرة عليها .أنا راحت علي حبارى هالسنه والسبب ذلك والله العضيم إني تقريبا كل يوم أهوجس فيها وأسوي تحليل لها وشلون راحت ليش مالحقت وليش وليش والخ.

[راعي مسكت]

اخي نايف الخالدي وبورداد وابو هاجوس والجروووح مشكورين على المرور الي والله افرحني لتفاعلكم مع الموضوع ولاانسى اخي طير حوران اولا مشكور على المرور ثانيا باقولك السلم الي ماشين عليه حنا (عندنا طبعا بالدور والشيمه حق الضيف والرجل الكبير الشور عنده ،ولكن نتفق الهدد لفلان على ان يكون يكون هناك طير مخالاه موجود اذا الطير المهدود مارغبها يكون الهدد لشخص واحد فقط لاغير ;) وابشرك الربع معلمين طيورهم المخالاه للتحدي بينهم وجات من صالحهم )يعني اول ما نسرح نحدد الهدد لفلان والمخالاه لفلان الا اذا طارت في وجه حد فيجوز انه يهد مناول او طيره اطلع فيجوز ايضاء ولايزعل راعي الدور .واخوي اقولك لاتندم على شي فا الي مهوب مقسوم عسر.

[المري]

السلام عليكم

واسف على التأخير

اخوي راعي مسكت الشيمة مطلوبة في كل شي .. والتواضع زين .. خل رفيقك يهد اللي حزين على الحباري

ان صادها فوالله انه ابرك الساعات وان راحت اللي يخالي يخالي (( وتراهم اشوي ربع المخالى )) لان الطير اللحوق الصامل

قليل جدا جدا... وان ماحصل صيدها وفرط خوينا انقول: ما الله قسم لها صيد .. وخيرها بغير..وانكمل القنصة وفي حرة

ابرك منها .. بس اهم شي ان الخويا كلهم نشامى ..

ايضا كبير السن ترى له حق ولاهوب اشوي.. يعنى اهم شي ان ربعك نشامى .. علشان تقول عليهم..

** اخوي طير حوران...

والله اذا جاني هدد (( مخالى )) وطير خابره سبوق وحنا في غابة والله ماخليه على يدي لو عينى ماتشوف عينه .. ترى الطير

اذا ضاع في ظهر الحبارى ترى ماعليه حسوفه.. اهم شي ان اعتقد ان متفرش ثناديها .. المهم ان اسمح منها ... ماخليها تروح

واوقف مكتوف الأيدي...

**

اخوكم المري

[فارس العجمي]

السلام عليكم
حنا يا الربع قنصة مع ناس من الربع عيد الفطر الي طاف وانا الي مخاويهم ومقناصنا في البطحانيه
طبعن الربع من كلهم من قبيله واحده وانا من قبيله ثانيه
كان شرطهم الي يعين الجره المهد له والباقي يستقطعون الجره ويقصوله وهو بس يشرف ويخطم عليهم ولما عينا الجره يقلون الفلان هو الي يجهز طيره لما تروح علي الطير الي معين الجره
طبعن عينا وحده وهد طيره الي معين الجره وثاني يوم عين الرجال الي معين امس جره ولما اجتمعنا عند الجره قال الهدد لي يقصدني انا شوفو من سلم الرجال رفيقهم وقانص معهم ومن قبيله ثانيه ويبون يتجملون فيني ويفرحوني

[راعي مسكت]

ياجعل ربي يسلمك يالمري مابه تاخير ومشكور على المرور واقول عن طيور المخالاه ترى كثرت وفي قنصتنا الاخيره كنا سبع سيارات ووعشر طيور والطيور فيها الوحش والتفريخ والتههجين واربعه منها 2اباكير شواهين وجير شاهين بكر وفرخ شاهين عراقي 16*16 كلها تلذع وصامله ان هدت نادر جدا ماتفشل وماختلفين ماافضلها والباقيه 2 ماعرفها لخوي لواحد من الربع والباقيه طيور طيبه ماقدر اقول شي ولكن مهيب مثل الطيور الي ذكرت (اذا حذفت الواحد منها يحذف روحه فووووووووق لانها معيده في الصيد ولاشي راح ابشرك )وذالسنه احتجنا المخالاه مرتين .الاولى في غرب قطر حول دخان وكنا اربع سيارات والطير المهدود للي عزمنا على الهدد وخالا واحد من الربع بالبكر شاهين وبعد 7 كيلو من مكان الهدد عيناه صايد وبالجهاز (ساحبها تحت عوسجه)والثانيه في السعوديه الحبل وهد عليها واحد من الربع طيره وجاء تحتها ورفعها ويوم ارتفعت صف ،وخالا راعي الجير شاهين وشوي والا وهو قده معها وعلقها فوق .والحين الكل يدور الفلوس اذا قلتله طيرك 50000 قال هاه ليش لا وهو البارح مطلق مايبيع. :) ترى حداها للبيع .

[راعي مسكت]

قرناس الجزيره مشكور وهذا المفروض منهم يسونه بس بشر ارب الطير صاد وفرحك . كسار مشكور على المرور واولت العام خالاو الربع معا بعض وتشابكت الطيور 8طيور كل مايهدون واحد يروح للطيور وهكذا وهي راحت فالافضل الترتيب الهدد لواحد والمخالاه لواحد .وفيه ربع اعرفهم يتفقون الا رابع طير (اذا راحت بعد الاربع طيور مافي طيورهم خير )لكن الحبارى تخلف الرجال ويجب يتذكر من له المخالاه وان كانت له المخالاه فيجب انه مايرتبش (الي يحذف طيره غلط وهو صقار اغبر ،والي يهد طيره ببرقعه ويوهق الامه ،والي يطب مطب شين وويوجع روحه وطيره )حاول اكثر ماتقدر ان تحذفه وانت تشوفها وسق وتسهل وقبلها كلها توكل على رب العالمين .

[فارس العجمي]

السلام عليكم
اخوي راعي مسكت ههههههههههههههه الجواب اجباري
اخوك
قرناس الجزيره

[راعي مسكت]

افا على غيرك من قال اجباري ياقرناس الجزيره بل اختياري وفيه مساعده الي هي الخيارات 1-الطير ماشافها 2-شافها وطلبها لكن مغداء 3-فيه دود بطن وهو على الكورس ولكن احرجوني .4-طلبها ولكن الجماعه خلوني اهد وازعجوا طيري بالهرنات وكل ماتبي توقع طيورها (وهو موسه يسوق) 5-العين حق اول ماطار من يدي طالبها قاموا الي مجهزين طيورهم وشالينها على ايديهم حطوها وقالو يوووووووووو اشهد ماحولنا هدد.وسلامتك :)

[فارس العجمي]

السلام عليكم
ههههههههههه جهاز انت
مهي من نصيبي طلبه بس ما لحقها
وكل واحد حصله مهد والطير الرابع جير هو الي لحقه
اخوك قرناس الجزيره

[مارشال]

السلام عليكم
راعي مسكت ------ كلامك موزون ومثل مايعلّم انت ما خليت شي نقوله
تحب تكسب الطيب والجمالة
ورأيك يقتدا به
بالنسبة لسلم ربعنا نبدي اللي طيره ما صاد في حالة كونه يعرف الحبارى اما اذا كان طيره فرخ او قرناس وتخاف انه ما يعرف الحبارى ومن ثم يضيعها عليه وعليك, نبدي اخر طير ما صاد ونعزلها منه ......

[جعفر الخابوري]

ررررررررررررررررررررررررررررررائع

[راعي مسكت]

اخوي قرناس الجزيره الله يرزقك بالصيد ويعوضك ياخوك (مصيبتك مصيبه الله يكفينا شرها) ;)
اخوي مارشال شكرا لك وعلى مرورك.
اخوي جعفر شكرا على المرور.

[فارس العجمي]

اخوي قرناس الجزيره الله يرزقك بالصيد ويعوضك ياخوك (مصيبتك مصيبه الله يكفينا شرها) ;)
.

هههههههههههههههه
لا ابشرك الطير ماقعد عندي وكل واحد ورزقه

[راعي مسكت]

الله يرزقك بالي احسن منه