المساعد الشخصي الرقمي

مشاهدة النسخة كاملة : أبحث عن محادق في قطــر


الدبلوماسي
18/06/2005, 12:28 PM
يالربع الي عنده احداثيات حق محادق في قطر يوافيني فيها وشكراً لكم
gulfhunter
19/06/2005, 02:28 PM
السلام عليكم ورحمة الله وبركاته

حياك الله أخوي الدبلوماسي في منتديات مكشات وبالأخص الخيمه البحريه....... بالنسبه إلى طلبك أن شاء الله أخوي ابوعبدالعزيز يشوف الموضوع ويرد عليك لأنه هو الوحيد اللي من دولة قطر الحبيبه...... اللي أعرفه

وبعدين على اللي سمعنا عن قطر وحفاضه على الثروات البحريه ..... أعتقد كل اللي عليك تروح في غزر وتسمر وانت وفالك...... وان شاء الله فالك طيب ;) إذا عندك فشفيندر بتعرف عن طريقه شوف الغزر وروح له وإذا كانت القوعه غير الطينيه أبشر بالخير......

في طريقه ثانيه الله يحفظك وهي قوم من الصبح وروح شوف العمال الصيادين وخلك وراهم وين مايروحون وراهم ...... واسألهم إذا كانو يحدقون او يبارون قراقير..... وإذا هم من اللي يبارون القراقير انحش عنهم

والله يوفقك

GULFHUNTER
الدبلوماسي
20/06/2005, 01:45 PM
مشكوووووووور يالغالي

أنا عندي كم احداثية لكن ودي في المزيد .. يمكن في مناطق ماحدقت فيها

والحمد لله الحداق في الدوحة شئ رائع

قط خيطك .. وجر

واكثر سمك متوفر هو الشعري :)

وشكراً لك
gulfhunter
20/06/2005, 03:39 PM
السلام عليكم ورحمة الله وبركاته

حياك الله اخوي الدبلوماسي........ انت تامر.......الله يوفقك اخوي ولا تنسانا بالصور الزينه ......

وإذا ودك بالهامور على بالمحاياه...... أو لفاح.......

GULFHUNTER
s7aab20
21/06/2005, 12:37 PM
هذي احداثية بالهمبار و الموقع شرق راس لفان اذا جيت الموقع بتشوف بويه المحادق غربي البوية
N25'57'575
E051'52'277

http://www.mekshat.com/pix/upload/images8/mk7142_P7030012.jpg
gulfhunter
21/06/2005, 03:23 PM
السلام عليكم ورحمة الله وبركاته

حياك الله اخوي سحاب 20 معانا في الخيمه البحريه...... والله يعطيك العافيه على المساعده والصوره الحلوه......

وهذي الصوره اللي انت حاطها.....بس حلوه حركت الهامور :eek:

http://www.mekshat.com/pix/upload/images8/mk7686_SEHAB.jpg


GULGHUNTER
الدبلوماسي
21/06/2005, 04:42 PM
تسلم يالغالي سحاب

وإذا عندك محادق غير ذي جنوب باكون شاكرلك

وأبشروا بالصور
الدبلوماسي
22/06/2005, 09:49 AM
وينكم .... نبحث عن مزيد من الاحداثياااات الله يخليكم
s7aab20
22/06/2005, 12:40 PM
السلام عليكم ورحمة الله وبركاته
بنسبة لمحادق الجنوب ما عندي شي وبحر قطر من الشرق تقريبأ انتها من كثر الجراجر الضايعة و احسن مكان في قطر الحين هي الغارية و نت رايح شمال بس تضهر من الغارية تقريباً 15كم شمال شرق ما يصك خيطك و السمك من كل نوع
الدبلوماسي
23/06/2005, 12:26 PM
عطنا ياخوك الاحداثية وجزاك الله خير
الدبلوماسي
29/06/2005, 10:13 AM
عطنا ياخوك الاحداثية وجزاك الله خير
بوعبدالعزيز
29/06/2005, 02:07 PM
السلام عليكم ورحمة الله

هلا وغلا بك اخوي الدبلوماسي وان شاءالله حصلت احداثيات زينه للمحادق ؟؟

اخوي الدبلوماسي انا بالنسبه لي ماستعمل ماجلان واكثر المحادق إلي اروح لها قريبه من السيف يعني اذا رحت بعيد 5 كيلو عن السيف
لكن البس قفازات حتى يدك ماتقطع شعري وهامور وسبيطي وفسكر وخذ صيد .. المكان يالغالي في الشمال قرية العريش ..
بس طبعا تشوف لك مكان زين للحداق والله بوفقك .. والسموحه منك لأن ماعندي احداثيات ..انا الصراحه ماحب البحر الغزير ولاتعجبني سمكته .. احب سمكة الرق ...

اخوي gulfhunter تسلم وربي يعطيك العافيه ,,,
gulfhunter
30/06/2005, 09:15 AM
السلام عليكم ورحمة الله وبركاته

حياك الله أخوي ابوعبدالعزيز .......... الحمدلله على السلامه.... أقول ماتخلي عادات دايم تغيب .... ياخوك لاتحرمنا من مشاركاتك..... والله يبارك فيك......
HADi
02/07/2005, 05:14 AM
السلام عليكم ...

ابشر اخوي..

بس انت ماقلت لنا ... عندك طراد؟؟؟

ولا تحدق على السيف؟؟

بعطيك مكان جربه ... اذا عندك طراد

تعرف منطقة ام ظروف ....

تدري شلون بحطها لك مع الصوره ... لعيونك يا ولد بلادي

http://ymymqatar.jeeran.com/ام%20ظروف.JPG

شوف الخط الصفر الي في الصوره ... طالع من منظقة ام الظروف الى مكان المحدق...

الغزر فيه 10 متر ... وكان حلووو

وهذي الحداثيه

N26 10.001 E51 08.078

المكان يبعد من السيف 6 كيلوو
gulfhunter
02/07/2005, 10:05 AM
السلام عليكم ورحمة الله وبركاته

HADi

حياك الله أخوي هادي في منتديات مكشات وبالأخص الخيمه البحريه..... ماشاء الله عليك شغل عدل محدق وبالخارطه .... يعني الدبلوماسي مايقدر يعلق او يسأل كل اللي يبيه عنده.... تسلم وماقصرت......

نوخذه عتيج

حياك الله أخوي نوخذه عتيج ..... ماشاء الله عليك بتعب اخوي الدبلوماسي مابقى مكان للحداق ماعطيته اياه ....... اقول كفو والله بأهل قطر............

الدبلوماسي

حياك الله أخوي الدبلوماسي...... ماشاء الله الشباب ماقصرو عطوك المحادق الطيبه ...... يبقى الدور عليك أنت....... شوف لازم تعرف متى تحدق في القطع ........ او في البواخر الطبعانه..... شوف بداية السقي يمكن تكون زينه.... يبيلك تجرب اخوي ..... ودون ملاحظاتك ......وفي الطبعانه عليك بالمحاياه حق الهوامير
s7aab20
04/07/2005, 11:34 AM
بيض الله وجهك يا النوخذه على المحادك الزينه و الخميس انا فيها و ابشرو بالصور انشالله
gulfhunter
04/07/2005, 12:50 PM
السلام عليكم ورحمة الله وبركاته

حياك الله أخوي سحاب20 ........... الله يوفقك بصيد طيب .......... وبأنتظار صور صيدك.
الدبلوماسي
08/09/2005, 11:58 AM
الله يجزيكم كل خير والله يرحم والديكم .. ماقصرتوا وبيض الله وجهكم .. واسمحولي على التأخير لاني نسيت الموضوع صراحة .. خذت لي كم احداثية والمشكلة ان كل ما أبي أعزم انزل بحر يدور هوى !! ونزلت مرة وحده وطحت لي على مكان مضبوووووووووط .. نزلنا من فرضه سميسمه على بعد 15 كيلو عند البويه ..
جزاكم الله خير يالغاليين ومشكورين مرة ثانية

وأنا ماعندي طراد .. بس عندي قارمن .. لكن اروح مع أي حد من الربع

وكل مجموعه عنهم نوع
يعني مثلاً عندنا طراد 21 قدم مكينه وحده ياماها 85 (( الضاعن ))
وعندنا طراد كبير شوي 30 قدم او اكبر بشوي ماكينتين 200 × 200
وعندنا طراد 16 قدم مكينه وحده 45 ياماها

مش حالك حالك بيمشي اهم شئ تستمتع بالحداق والصيد

مرة من اسبوعين او ثلاث رحنا جدام مصنع لفان .. وليس الشعله والله صدنا صيد مب صاحي .. و النيسر بليــه من قلب (( سوبر جامــبــو ))

يعطيكم العافية ياشباب مرة ثانية
الدبلوماسي
08/09/2005, 12:19 PM
تفضلوا احداثيات هديه عرفان وتقدير مني لكم


N 25 04 358
E 051 48 292
أم سعيد حوالي 30 كيلو من الدوبه


حالة العسيري للي يحبون سمك ( الجش )

N 25 13 244
E 052 01 011

N 25 14 980
E 052 03 894