عاجل جداً ارتفاع حرارة جيب ربع 1982

[ابو شرير]

السلام عليكم ورحمة الله وبركاته


مالكم في الطويلة.....
عندي وعندكم الخير...جيب ربع موديل 82 ترتفع الحرارة إلى النصف تزيد..
وديته لمكنيكي قال يابوي غير الرديتر لنه اصلى حق بلدة والشبك معدوم حتى الرديتر والطبة
طيب كم سعر الاصلى قال حدود 1200 ريال...قال في وطني وسعرة حدود 500 ريال
السؤال هل احد جرب الوطني هل هو عملي أو اغير اصلى واريح راسي ارجو الرد عاجل


الله يرحم والديكم

[ابو شرير]

تكفون يااهل الخبرة عاجل

[علي العُمري]

سجلني معك في الاستفسار.. وياليت تطرحة في رابطة جيب العشة..

[ابو شرير]

سجلني معك في الاستفسار.. وياليت تطرحة في رابطة جيب العشة..


مافهمتك ياعلى....؟

[سوبر VTC]

حياك

الرجال يقصد هذه الرابطة

رابطة ملاك جيب العشة .. صور .. إستفسارات .. إبداع .. ترهيم ... إلخ (http://www.mekshat.com/vb/showthread.php?t=252993)


رد في موضوع سابق


انتهت صلاحية الرديتر (http://www.mekshat.com/vb/showthread.php?t=108326)



اذا كنت ماشي على سرعة 100 و طالع
ثم نزلت الحرارة فالمشكلة من
كلتش المروحة
السير راخي
سدد بالاديتر
اما لو مانزلت فالمشكلة بالمكينة

دور المروحة بيدك
اذا كان الكلتش مهب ثقيل و لا خفيف فهو تمام
اذا كان ثقيل فهو مجيم
اذا كان خفيف فهو خربان و تحصله مهرب زيت



و الحرارة لها اسباب
البلف قافل مجيم
الاديتر مسكر يحتاج تسييخ
انسداد وجه الموتر و الاديتر من
الطين و الشجر و القراطيس....الخ اغسل وجه الموتر كامل عند مغسلة ضغط عالي

طرمبة الماء مبوشة مجيمة متاكلة ما تدفع الماء
انصفاط الخرطوش مع السرعة و بالتالي يحتمي الموتر
رخاوة السير
المتهم الاخير راس المكينة


اي سدد للاديتر او ثقل بالبلف تولع الحرارة
دس بنزين و الغطاء مفتوح اذا دار الماء فالطرمبه سليمه و العكس صحيح
البلف يمكن مقفل نهائيا و ثقيل من الوسخ
تاكد من غطاء الاديتر خصوصا ربلته يمكن خربانه و اذا كانت تمتلئ القربه فالمشكله من الغطاء
الخراطيش اذا كان رخوه تنسفط مع السرعه و تسكر او تنعفط

اخوي الاجودي
ماتدري وش الخيره
و بالعكس احد الربع معه مثل موترك العام م2001
غسل السلندر و الاديتر ب70ريال
و يقول ليتني غسلته قبل سنين يقول طلع طين عجيب من الاديتر و الثلاجه و السلندر
و لو ماغسله راح يسكر الاديتر و يحتمي الموتر

اذا كان الاديتر جديد
لازم تغسل السلندر لوحده
عشان ما يطلع الوسخ الى الاديتر و يخرب عليك و يسكر و هو جديد

احيانا سبب الحرارة
عدم وزن البلوف و الديلكو




هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر



تاكد من كلتش المروحة + البلف + الخراطيش
البلف لو كان قافل بسيط تضرب الحرارة على الاتش
لان الماء مايدور بالسرعه الكافيه من الاديتر الى المكينه
تاكد من طرمبه الماء لا تكون خربان

[ابو شرير]

كفيت وفيت
جزاك الله خيرا

[صقر المقناص]

افادوك الاخوان ولا كان خبرتك ورشه للنيسان في الشفاء معروفين في النيسان

[مركز حراره]

ليش ما ترهم له اديتر المنيوم ارخص واحسن وابرد (ثلوج)