المساعد الشخصي الرقمي

مشاهدة النسخة كاملة : كيفية فحص طرمبة البنزين ووين أحصل واحد يصلح مثبت السرعه لليوكن


خبوبي تعاوني
19/07/2010, 06:30 PM
لو تكرمتوا يا شباب

أنا خايف من طرمبة البنزين حاس إن فيها مشكله

علما أن موتري يوكون 2008 بس حاب أتطمن

هل طريقة فحصها سهله بحيث أني أنا أفحصها؟!!

الشي الثاني مثبت السرعه عندي لا يعمل له أكثر من سنه ليه ما أدري

حبيت أسألكم هل فيه بالقصيم كهربائي يعرف له ؟؟


وشكرا لكم
كبسولة2
19/07/2010, 06:37 PM
حياك الله أخوي بالنسبة لفحص الطرمبة ومعرفة مدى صلاحيتها

إليك هذا الرابط

http://www.mekshat.com/vb/showthread.php?t=207564

وبالنسبة لمشكلة مثبت السرعة بسيطة قد يكون فيوز محروق

أو سلك غير موصل جيداً

والشغلة بسيطة مايحتاج تروح للقصيم ومشوار أقرب كهربائي يكشف لك عليها
خبوبي تعاوني
19/07/2010, 06:48 PM
حياك الله أخوي بالنسبة لفحص الطرمبة ومعرفة مدى صلاحيتها

إليك هذا الرابط

http://www.mekshat.com/vb/showthread.php?t=207564


وبالنسبة لمشكلة مثبت السرعة بسيطة قد يكون فيوز محروق

أو سلك غير موصل جيداً

والشغلة بسيطة مايحتاج تروح للقصيم ومشوار أقرب كهربائي يكشف لك عليها

لبى قلبك على هالرابط والله إنك خدمتني خدمه الله يجزاك عنها خير الجزاء

بس بالنسبه للمثبت أنا أساسا في القصيم وكل من مريته من الكهربائيين والميكانيكيين يقولون ما نعرف هالشغله
صدى الاطلال
19/07/2010, 07:32 PM
عليك بالوكالة اخي ان كان ساري ضمانه
او حتى يكشفوا عليه ويعلموك بلخراب
سوبر VTC
19/07/2010, 10:42 PM
اخوي كبسولة2 ما قصر
اسمع يالخبوبي به مير نيم :D
ههههههه تراي امزح امعك :);)

الجمس و اليوكون م2007 و طالع اقل اعطال من م2006 و تحت
و على كثر المواضيع في المنتدى لايوجد عطال طرمبة لم2007 و طالع

اقربائي معهم م2007 و م2008 و م2010 و طالع و ماشيات فوق ال100الف
و لم تخرب الطرمبة
فاطمئن



طرمبة البنزين تبين لراعي الخبرة بدون فحص ضغط الطرمبة
مثل قوة او ضعف العزم اذا دست بنزين
و قد يكون الخلل من حساس اللهاة تي بي اس
او من البواجي او من الديلكو او من الكويلات ...الخ
بالنسبة لفحص الطرمبة
تحصل بلف فحص الطرمبة
على ماصورة البخاخات يسار وايرات اللهاة
كما تشاهد



http://www.mekshat.com/vb/../pix/upload02/images76/mk53291_bjfpifj15.jpg
هذا عند محلات العدد مثل محل الغفيص او المطلق مقابل جوازات بريدة
او بالرياض بشارع الريل
لي مكيف ب10 او 15 ريال
الراس اللي يسار الصورة
هذا يركب على بلف ماصورة البخاخات
من اجل قياس ضغط الطرمبة
طبعا لو عندك عيار هواء تقدر مثلا تقص راس اللي حقه
و تركب عليه هذا الراس اللي يسار الصورة و تشد عليه بقفيز

http://www.mekshat.com/vb/../pix/upload04/images166/mk53291_jbiuhuh.jpg

راس اللي يمين الصورة
هذا تقصه بالسكين
و تركب مكانه ساعة فحص تحصله بالمحلات ب10 او 15ريال
او ركب ساعة ماطور هواء خربان مثل ابو جمل و غيره
تركب اللي على الساعة و تشد عليه بقفيز من محلات السباكة او العدد

http://www.mekshat.com/vb/../pix/upload04/images166/mk53291_huih0h0h.jpg

ساعة امريكية اصلية ب50ريال
و له داعي لانه غالية و يوجد البديل عنه مثل ماذكرت اعلاه

http://www.mekshat.com/vb/../pix/upload04/images166/mk53291_ojh0j0.jpg


هذا اللي بعد تركيب ساعة ماطور هواء خربان


http://www.mekshat.com/vb/../pix/upload01/prof005/mk53291_gb11.jpg


بالنسبة للطرف الايمن يمين الصورة
تقدر تلغي اللي الصغير
و تلحم عليه نحاس عند محلات الاديترات او محلات الشكامين


http://www.mekshat.com/vb/../pix/upload01/prof005/mk53291_gd22.jpg



طريقة الفحص
تطفي الموتر و تربط راس اللي على بلف ماصورة البخاخات
همن تشغل الموتر و تشوف الضغط كم يوصل
نقطة اخرى
افتح السويتش لكن بدون تشغيل الموتر
و ناظر ساعة الفحص اذا كان الانبير ينزل بشكل سريع نوعا ما
فمعنى كذا ان بلف الطرمبة السبرنق او الياي مايحجب البنزين بالمواصير
و لذلك يرجع البنزين للتانكي و يسبب ان الموتر مايشتغل باول دقة

بعد ذلك ياي او سسته


تحتها رمانه تمنع رجوع البنزين اذا كان الموتر طافي و اذا كان الياي مرتخي يبدا يهرب البنزين و هذا يؤدي الى انك اذا جيت تشغل الموتر وهو


بارد مايشتغل باول دقة بل يشتغل باخر الدقة الاولى و حيانا بالدقه الثانية و كله بسبب رجوع البنزين طبعا


هذا سبب من الاسباب يخلي الموتر ما يشتغل باول دقه


http://www.mekshat.com/vb/../pix/upload02/images76/mk53291_uhhs2.jpg






ادخل موضوعي بالتوقيع جميع اعطال طرمبة البنزين بالصور
تحصل صورة بلف الطرمبة
+
معاناتي مع الجمس
+
فك الطرمبة


بالنسبة للمثبت
اذا على الضمان مربه للوكالة
او ورشة العثيم بصناعية الروف
او ورشة خالد الشيبان بطريق خضيراء

اعانك الله
احمد الهادي
19/07/2010, 10:52 PM
انا صار لي مشكله في مثبت السرعه لموديل 2005
واكتشفت ان الانوار الخلفيه محروقه وغيرتها وانتهت المشكله
وهذا كلام اكيد ماهو مزح
YOU1
20/07/2010, 02:11 AM
بالنسبة لمثبت السرعة شيك علي لمبات السيارة الخلفية ترا اغلب الخراب يكون منها يعني تكون محروقة ....
saad.saud
20/07/2010, 04:55 PM
السلام عليكم
بالنسبة للمثبت مثل مقالوا الشباب شيك على لمبات الفرامل .... لأنها اذا احترقت يتعطل المثبت