وش رايكم في الديانا الموجودة عند صاب

[ابن عكاش]

السلام عليكم
يالله حي الشباب رحت امس للرميح ولقيت الفايروخ اكثر الأنواع الزينه مسحوبه ولا فيه شي إلا بعد سبع شهور فقلت مالي إلا الديانا
وش رايكم فيها مع العلم ان سمعة التالية مهيب زينه

[مشاري 11]

وعليكم السلام

اخي ابن عكاش

انا بصراحه قبل شهر بحثت لاخي في محلات الرميح عن فايروخ 80 ما حصلت

يقولون خلصت

ما فيه غير الـ90 ونوع ما اتذكر وشهو بصراحه نسيت

وفيه نوع اتوقع انه حلو على كلام الناس والله ما قد جربته بصراحه 30 فايروخ وما بقي غير في فرع واحد

فروع الرياض مخلصه الـ30 ما بقي غير فرع واحد يقول عاد المحل لانه مرغوب ( ولا ادري هل هو ممتاز )

ولا الرجال يبي يسوق بضاعته

وانا بصراحه اخذت له فايروخ 80 مستعمله بس استعمال نظيف

لاني ما اقتنعت بالديانا

ولك الخيااااار اخي

والله يكتب لك اللي فيه الخير

[ابن عكاش]

لاهنت يا مشاري11 بس المشكلة حتى مقاس 30 خلصة والله انها نشبه الصيد جاي والبنادق مخلصه

[ابوصالح3]

ياهلا فيك -انحش عنها عيارها اكرمك الله زفت بزفت -شف عند صاب صينيات ارخص منها اخذت لي وحده ب450 ريال - لين احصل فايروخ 30واليوم هذا صايد فيها 34من الشحيمي الصغير( الدخل الصغير)وعلى فكرة ابشرك انه عندنا بالشمال بدى يظهر

[عبدالإله9933]

السلام عليكم إذا تبي الفايرخ مقاس85مو موجودة بالرياض وقالو موجودة عند محل نهار في الاحساء ورحت له وتراها مو جودة عنده مقاس85 ب1600 ريال

[عاشق تويوتا]

^^
اخوي انا ادور محل يبيع فايروخ بالشرقيه
هو يعطي ترخيص وضمان ولا
؟؟

[ابن عكاش]

ابشركم لقيت فايروخ 30 وشريتها ويقول هذي اخر حبه وإن شاء الله نشبع من صيدها

[مشاري 11]

الف مبرووك اخي ابن عكاش

انا اتوقع انك لقيتها بالرياض بالديرة لاني قبل فتره كنت عنده ويقول هذي اخر حبه

المهم الله يعطيك خيرها ويكفيك شرها

[عبدالإله9933]

^^
اخوي انا ادور محل يبيع فايروخ بالشرقيه
هو يعطي ترخيص وضمان ولا
؟؟

محل نهار يعطي ترخيص بس ما يعطيك ضمان
بس الفايروخ مو مثل الاسباني اعطاله نادرة
اتمنى اني افدتك

[ابن عكاش]

الف مبرووك اخي ابن عكاش

انا اتوقع انك لقيتها بالرياض بالديرة لاني قبل فتره كنت عنده ويقول هذي اخر حبه

المهم الله يعطيك خيرها ويكفيك شرها
نعم في محل الرميح اللي في سوق الزل شكل كل من جاه قال اخر حبه:D