سمكة غريبة

[تركي مجرور]

السلام عليكم ورحمة الله وبركاته .
مساكم الله بالخير
اخواني ... بصراحة لقيت سمكة اول مرة أشوفها ربما تكون غريبة علي لقلة خبرتي في البحر .واعذروني اذا كانت السمكة ماهي غريبة . وهذه الـصـــــورة :
http://alfaris.net/up/60/alfaris_net_1279558403.jpg (http://alfaris.net/up/)


وهذي صورة من بعض صيدنا
http://alfaris.net/up/60/alfaris_net_1279558587.jpg (http://alfaris.net/up/)

وأعذرونا على ردائة التصوير .

[العودالازرق]

قعلا اخي تركي غريبه هذي السمكه . مشكور

[صياد07]

السمكة هذي لها اسامي
(اللزاقة-الجزمة الله يكرمك)

ولها السامي بعد كثير وهي سمكة تلصق بالقرش وتاكل بقايا اكله وتنضفه

بصراحه الميد كبير ماشاء الله

وبالعافية

[HIZOOM]

هذه السمكة تسمى (( اللازاق ))
تؤكل بعد قطع الرأس ورمية لحمها جداً طري وشديد البياض

http://alfaris.net/up/60/alfaris_net_1279558403.jpg



وهذا السمك ( الميد ) ومفرده ( ميدة ) وآخر الصورة ( دويلمي )
http://alfaris.net/up/60/alfaris_net_1279558587.jpg

مشكور على الصور الرائعة خصوصاً الميد مغري للشواء وهذا وقته

أجمل تحية

[صيادالشرقيه66]

مثل ما قالو الاخوان هذه السمكه تسمى (الزاق او المساح)له اسامي واجد
وكلن وحسب منطقته
يعطيك العافيه

[مرهف]

الله يعطيك العافيه على هذه الصور

[عامر11]

وعليكم السلام ورحمة الله وبركاته
ويسمونه بعد اهل الشرقيه ( طبق لزق ) فكلما شح عليه الاكل والغذاء في منطقته يلزق بطريقة الشفك ويسافر مع الحمسه واللخمه الرقيطه او القرش ولكن هذا الحجم كبير بكثير واتوقع انه انتهت خدمته في هذا المجال وماوجد الا ان يقترب من الشواطئ ويغير الصحبه واتوقع انه في هذا الحجم ليس امامه الا ان يبيض على الحيد الصخري ومن ثم يموت .بس انتو ماقصرتو طلعتوه قبل لا يموت .وان واجهك 2 مره رجعه انا بصراحه ما اكله واكثر الصيادين في الشرقيه لا يرغبون به لتطفله على السمك . وبصراحه الميد عجييييييييييب باوصيك عليه قبل لا يروح .لا تقشره بس نظف بطنه واغسله وامرخه بملح وبهار واعصر عليه ليمون في الداخل وقلبه على شبك على الجمر الي يحبه قلبك ولا تزيد عليه بالكثير 20 دقيقه على حسب ضوك. وعليك بالعافيه.

[rayan015]

في امريكا اسمها sucker fish وتراها تلصق في اي مكان ممكن تعلقها فيها

[SNIPER07]

بسم الله الرحمن الرحيم
وش ذي السمك
أول مره اشوفها و ماقصرو لخوان
تحياتي

[حياتي البحر]

اسمها في الغربية الزنوبة الله يكرمكم وهي تلتصق بالقرش وتتغذى على فضلاته

[شعور]

قملة القرش

[المجنوني]

يا خووك فعلا كما قال الشباب
لزقة
وفي الشمال يقولوا اسمها طلقة وهي مرافقة للقرش دائما
وما اعرف احد يا كلها
تحيتي،،،،،،

[A B D U L L A H]

والله ماطرالي آكله ( الحمدلله على النعمه )

[كيموالبرمائي]

سمكة تلصق بالقرش وتاكل بقايا اكله وتنضفه
تقبل مروري

[نبض الحياه]

ماشاء الله الاخوان ماقصرو

[تركي مجرور]

مشكووووووووووورين على التوضيح .
الله ينور عليكم .
ويجزاكم خير .

[موالي بحر]

والله ماطرالي آكله ( الحمدلله على النعمه )

ليه يابو عابد ياهوووو يقولوا (كل نعمة طعمة) لذلك عليك بالعافية :D ..

أما السمكة أول مرة أشوفها وشكرآ ع لمعلومة ياقميلين :good2: ..

[accentkool]

مامر على الا الميد والدويلمي

[ناجل سمار]

وعليكم السلام مشكور ع الصوره لكل شيخ له خدم والقرش شيخ ووحش وله خدم ومرافقين هذه السمكه احد خدم الشيخ القرش

[بحارتبووك]

لالالالالالالاخوي السمكة اللى تلصق بالقرش تسمى النملة هذي غريبة أول مرة اشوفها واعتقد ماتأكل
والله أعلم صيد طيب الصووورة الثانية (الميد) والعربي وعليكم بالعافية ويسلموووووو