نيسان سوبر سفاري 2001

[ابو ليان 111]

السلام عليكم ورحمةالله وبركاته
ياجماعه عندي مشكله في الديلكو وعزم السياره ضعيف مره مالقيت احد يعرف لوزن الديلكو بالرياض ني الفزعه يالربع

[سوبر VTC]

اعطال اخرى للتقطيع
بواجي
اسلاك بواجي
صفاية بنزين
شق بخرطوش القربة يلفون عليه شطرطون و يضبط
بليتين
وزن ديلكو و بلوف
خراب منظم الهواء
و احيانا يكون الخراب من الكمبيوتر

اذا كان الموتر يلقلق لازم توزن البلوف و الديلكو و عادة اذا كان يلقلق يحتمي الموتر

اهم شي قبل الخساير تاكد من ضغط الطرمبة
لان طرمبة البنزين للباترول م2001 الى م98 غبية جدا
و دائما تخرب
و الحل يركبون طرمبة باترول فتك :good2: ب430ريال تقريبا
و بعضهم يركب طرمبة فكسار ب530ريال تقريبا
لكن حقت الفتك ممتازة جدا


وصف الورشة
من احد الاعضاء


اطلع مع مخرج 17 حق الدائري الشرقي باتجاه الغرب
يبي يجيك شارع علي بن ابي طالب ادخل من تحته غرب
اول اشارة خله
ثاني اشارة لف يسار جنوب
اول تقاطع خله حق شارع الجمعية
ثاني تقاطع حق شارع المنتزه
لف معه يمين غرب همن لف يمين شمال مرة ثانية
همن لف يسار غرب
تجيك الورشة على اليسار ورشة باترول
حول ميزان اليرموك

وصف اخر

طريق الخرج شمال يجيك محل السالم حق القزاز على اليمين
اللي عند اشارة شارع العنوز
خله يمينك و تعد الاشارة
رح شمال يجيك بنك الراجحي على اليمين
لاف يمين بعده مباشر باتجاه الشرق يوقف الخط تي
لاف يمين
بعدين يسار مباشرة
متجه شرق تجيك الورشة على اليمين


24°38'9.08"n
46°44'28.66"e

( مع وضع الحروف الانجليزية على اليمين )




اقتباس:
شف حبيبي فية ورشة ممتازة متخصص بالباترول ورشة ابو عادل
في الصناعية القديمة شفت الاشارة اللي قبل
السالم لزجاج تعدها لين يجيك بنك الراجحي بعدها فيه لفه يمين
اتركها اللفه الثانية يمين ادخلها تلقاه اول محل او ثاني محل
على اليسار ادخل وسئل عن ابو عادل ولا العامل سعيد هندي
ان شاء الله افدتك

[سوبر VTC]

الديلكو ليس الكتروني
و تقدر توزنه بيدك ياخذ دورته من عمود التيمن
شاهد صورته
مكانه بصدر المكينة من الامام راكب عليه الفيش

http://www.mekshat.com/vb/../pix/upload04/images169/mk53291_nmnmn9909.jpg

http://www.mekshat.com/vb/../pix/upload01/prof009/mk53291_mnmnnm98909%28large%29%20%282%29.jpg

شاهد صامولة الديلكو في الدائرة الحمراء
تحل المسمار و توزنه

http://www.mekshat.com/vb/../pix/upload01/prof009/mk53291_mnmnmnmmn99.jpg



وظيفة الديلكو
يعطي كهرب او معلومة الى الكمبيوتر
الكمبيوتر بدوره يعطي كهرب الى البخاخات و الكويلات
يعني الكويلات و البخاخات تاخذ كهرب و معلومة من الكمبيوتر
بناءا على امر و طلب من الديلكو
و زبدة مكينة الفتك و اساسها الديلكو
لو خرب الديلكو ماشتغل الموتر

اذا بغيت تقوي فزة الفتك
تفر الديلكو تقريبا من نص الى 1سم او اقل
تصير فزة الموتر قوية

لو انك قدمت فريت الديلكو فوق اللازم
اللي يحصل
تلقلق البلوف و يضعف العزم و قد يحتمي
لانك قدمت الشرارة و البستم مابعد وصل اعلى نقطة
اللي هي النقطة الميتة
بمعنى ان التفجير => بنزين + اوكسجين+ شرارة
يحصل و البستم مابعد وصل النقطة الميتة
و بالتالي العزم تعبان

ايضا لو اخرت الديلكو
البستم يصل النقطة الميتة و
ينزل و بعد ماينزل يحدث الشرارة => التفجير
يعني بعد مايتعدا البستم النقطة الميتة يحصل التفجير
و في هذه الحالة يكون التفجير متاخر
لان البستم نزل
و العزم صفر تعبان

اذا كان الديلكو متاخر
صرفية بنزين يحتمي الموتر ضعف عزم


http://www.mekshat.com/vb/../pix/upload01/prof009/mk53291_mnmnnm98909%28large%29%20%282%29.jpg
http://www.mekshat.com/vb/images/misc/progress.gif

[كريم الطباع]

ان شاء الله افادك الاخ سوبر فتك