الديعجان
20/07/2010, 01:00 AM
بسم الله الرحمن الرحيم
اخواني الاعزاء اعضاء خيمة القصائد الموقرين
السلام عليكم ورحمة الله تعالى وبركاته
اكتب هذه القصيده وأرجو ان ترقى لشامخ ذائقتكم ولكم مني التقدير
شبيت نار الكيف بأرض ٍ سفاسيف=داويتن قفر ٍ بعيد ٍ مداها
يلعب به الذعذاع هيف ٍ هفاهيف=يدعي هجوس ٍ غافله عن نداها
وقلطت ما تشدا البطاط المهاديف=رسلان صفراء والمعذرب عداها
وشفيت ما يصفى على ناعم الليف=يطفي لظى نفس ٍ تقلل جداها
ولاحت لي الذكرى بوقت ٍ لها ريف=يدوي على مسمع فؤادي صداها
وأغضيت مار انه تجي لي مزاهيف=مثل الركاب اللي تخافق يداها
بأسبابها عيني تقل نايشه شيف=هلّت دموع ٍ حابسه عن قداها
وأمست عيوني من دموعه مذاريف=هلّت كما نكباء تهامل سداها
على الزمان اللي به الطيب والكيف=إقبال والدنيا تغيّب رداها
ما ناشنا منها سيوف ٍ مراهيف=ولا جفّله عنا شجاع ٍ حداها
تارد علينا ورد وضح ٍ معاطيف=ليا صوّت الراعي تجاوب نداها
وعقب اكتماله في جميع التكاليف=وذوّاقها ما قال يقضي مداها
غرّت بنا مع جال عيطٍ مياهيف=وأعمارنا غوّال الانفس وداها
اللي قضى واللي تحرّا المناكيف=للموعد اللي حط من مبتداها
موعد اله الكون عدل التصاريف=منزل على العالم شرايع هداها
شي ٍ مقدّر حق ماهو تصاديف=والناس يبعدها عن الله عداها
ابليس والنفس الشقيه لها كيف=كيفه يورّيها محاوس رداها
من عانده يرقى بروس المشاريف=ومن طاوعه منهاة نفسه بداها
والله وهب عقل ٍ ودين ومعاريف=وبكل عقل ٍ حكمته ليا شداها
اخواني الاعزاء اعضاء خيمة القصائد الموقرين
السلام عليكم ورحمة الله تعالى وبركاته
اكتب هذه القصيده وأرجو ان ترقى لشامخ ذائقتكم ولكم مني التقدير
شبيت نار الكيف بأرض ٍ سفاسيف=داويتن قفر ٍ بعيد ٍ مداها
يلعب به الذعذاع هيف ٍ هفاهيف=يدعي هجوس ٍ غافله عن نداها
وقلطت ما تشدا البطاط المهاديف=رسلان صفراء والمعذرب عداها
وشفيت ما يصفى على ناعم الليف=يطفي لظى نفس ٍ تقلل جداها
ولاحت لي الذكرى بوقت ٍ لها ريف=يدوي على مسمع فؤادي صداها
وأغضيت مار انه تجي لي مزاهيف=مثل الركاب اللي تخافق يداها
بأسبابها عيني تقل نايشه شيف=هلّت دموع ٍ حابسه عن قداها
وأمست عيوني من دموعه مذاريف=هلّت كما نكباء تهامل سداها
على الزمان اللي به الطيب والكيف=إقبال والدنيا تغيّب رداها
ما ناشنا منها سيوف ٍ مراهيف=ولا جفّله عنا شجاع ٍ حداها
تارد علينا ورد وضح ٍ معاطيف=ليا صوّت الراعي تجاوب نداها
وعقب اكتماله في جميع التكاليف=وذوّاقها ما قال يقضي مداها
غرّت بنا مع جال عيطٍ مياهيف=وأعمارنا غوّال الانفس وداها
اللي قضى واللي تحرّا المناكيف=للموعد اللي حط من مبتداها
موعد اله الكون عدل التصاريف=منزل على العالم شرايع هداها
شي ٍ مقدّر حق ماهو تصاديف=والناس يبعدها عن الله عداها
ابليس والنفس الشقيه لها كيف=كيفه يورّيها محاوس رداها
من عانده يرقى بروس المشاريف=ومن طاوعه منهاة نفسه بداها
والله وهب عقل ٍ ودين ومعاريف=وبكل عقل ٍ حكمته ليا شداها