عمود الدبل بيصير سالفتنا (شيروكي)

[الأجودي]

بسم الله الرحمن الرحيم
السلام عليكم ورحمة الله

اخواني شريت شيروكي 2001 بدون عمود دبل لانه خربان على كلام راعيه الاول
شريت له عمود دبل وللاسف طلع فيه صوت ورجة عند سرعة مية
رجعته واخذت ثاني بقيمة 450 وكان ممتاز جدا
مامر عليه شهرين الا رجع فيه صوت عند سرعة 100
وش الحل هل لو اشحم العمود يروح الصوت ؟ والا اشتري جديد من الوكالة وبكم سعره ؟
والسؤال الاخير هل الشيروكي فيه مشاحم يعني لازم يشحم والا لا ؟
وشكرا لكم

[جيب ربع]

إذا كان الموتر مرفوع من الخلف يأثر على العمود حاول تسوي له وزن مثل شد البلد ( الإرتفاع)...

[الأجودي]

هلا اخوي جيب ربع
الموتر ماحركت فيه ساكن ارتفاعه طبيعي

[ابوصالح77]

أغلب الجيوب فيها حره
والعمود لازم تشحمه مع تغيير الزيت لأنه يأخذ ويعطي
شيك على العرموطة اللي قدام
وسعره وكالة تقريباً بـ 1300
على العموم كان الصوت والرجة(خفيف) ويروح بعد المية فخله على ما هو عليه .
بالتوفيق

[سوبر VTC]

لازم تنزل القير + تتاكد من ان الكفرات الامامية مهب محبلة
بمعنى دعسة الكفر مهب متاكلة من جهة
+ ترصيص + تتاكد من عدم خراب مساعد الدركسون و عادة يكون مهرب زيت

الحرة له عدة اسباب

ربما مصادفة و وافقت توسع الانثى حقت عمود الدبل
او
تركيب خاطئ للصليبات

هذي الاثنى بالصورة تحت
حركه بيدك فوق تحت اذا به فضاوة فهي تسبب حرة
و افضل حل تغير العمود بالكامل و تركيب عمود ياباني من التشليح
سواء المطيويع او كرامة الفعيم او الهاشل
والعرموطة الانثى لازم تشحم بالشهر مرة او شهرين عشان ماياكل الحديد بعضه
و من ثم تتوسع و يصير به فضاوة


http://www.mekshat.com/vb/../pix/upload01/prof005/mk53291_pbjpdj.jpg



رابط

الجزء2: طريقة واضحة السطوع للتخلص من حَـرّة الشيروكي المرفوع "مهم" (http://www.mekshat.com/vb/showthread.php?t=56781)




مثال بخصوص الحرة
احد الربع ركب 6 عمدان للدبل و ماراحت الحرة
و صار السبب انه اثناء تغيير العمدان صار فيه ميول بالعمود الخلفي قضاء و قدر وافقت و
ربما بسبب قومة الموتر القوية عند اشارة او ربما جلد و متل الموتر بالنفود
اثر على العمود الخلفي على الرغم من الصليبات ممتازة و اصلية
الشاهد
غير العمود الخلفي من التشليح ب300ريال و راح 60% من الصوت :good:
رجع و غير عمود الدبل من التشليح و اختفت الحرة نهائيا :good2:

من وجهة نظري الافضل
تنزيل القير 1 او 2 سم اريح لعمود الدبل + عمود الكردان


فك العمود الخلفي و حرك الصليب بيدك اذا كان خفيف فهو ممتاز
اذا كان ثقيل فلازم تضرب بالشاكوش على خفيف طبعا
من عند النقطة الحمراء و مع الجهة الاخرى المقابلة ايضا
و تشوف هل خف ام لا ؟
و ايضا تاكد من الصليب من عند جهة القير
وترى عادة يطيح رمانه واحده بوسط طاسة الصليب و تعترض بشكل عرضي
و بالتالي ما يركب الشنبر مضبوط و يكون الصليب ثقيل مايتحرك بيدك بسهولة
و ايضا يسبب حرة و نفضة للموتر

http://www.mekshat.com/vb/../pix/upload04/images168/mk53291_ooooooo.jpg


هنا الشنبر التامين اللي يخلي طاسة الصليب ما تطلع من محله
تاكد من وجود هذا الشنبر
لو كان الشنبر طايح فان الطاسة تطلع من محله و تسبب نفضة للموتر
و يمكن يطيح العمود لا قدر الله



http://www.mekshat.com/vb/../pix/upload04/images168/mk53291_oioiooi.jpg




و من جهة نظري ان الصوت اللي عندك من رمان العكوس الخلفية من عند الهوب
بدليل ان الصوت يطلع من سرعة 60 الى 80 ثم يختفي
و دايم تصير بالشيروكي
و به مواتر الصوت له سنتين و اكثر و لا ضرهن

[الأجودي]

الله يجزاكم عني خير
ويزيدك ياسوبر فتك علما الى علم

[فارس7]

الرجة اللي بالعمود سببها الرمان البلي اللي في الطاسة يعني الصليب اللي بالنص فيه حديدة (SPICER)ماسكها الصليب من الجنبين خذ العمود للمخرطة وخليه يلغي هذه القطعة وبدل ما يكون للعمود 3صلبان رايح يصير له بس صليبين في الأمام والخلف وراح تروح الرجة والصوت وما يضر السيارة أنا كان عندي شيروكي96مديله وغيرت له عمودالدبل ورجعت الرجة والصوت ورحت المخرطة وسويت الطريقة ونجحت لين مابعته وهو ممتاز
http://www.mekshat.com/vb/../pix/upload04/images168/mk53291_oioiooi.jpgم

[سوبر VTC]

اخوي فارس 7
هل انت متاكد من نجاح طريقتك ؟ كم جلس معك الموتر بعدها
كم كلفتك ؟ مكانك و المخرطة ؟

طريقتك فيها خطورة من ناحية انه مع جلد الموتر بالنفود ينكسر الصليب و يطيح العمود
الدبل رفيع و الدفرنس نازل
لذلك لابد من وجود فلنجة
تريح الدبل بحيث انه مايخرب
و ايضا تريح الصليب بحيث انه مايسبب حرة و لا ينكسر

اللي جاء صليب امامي و خلفي فقط على القراند شيروكي

اللي تمسك الصليبين تسمى فلنجة

[قناص الهمله]

الله ييسر اموركم

[الأجودي]

الله يجزاكم خير ماقصرتوا
وشكر خاص لاخواني فارس وسوبر فتك

[فارس7]

اخوي فتك لاتخاف سويها ولا عليك جلست السيارة معي ثلاث سنوات وكنت اجر عليه بالطعوس جر الويل ولو ماكنت متأكد انه يتحمل ماسويتها وكلفني قيمة 300ريال بالمخرطة بالرياض بس اني ناسي اسم المخرطة المهم انها ناجحة 100% وليس لها تأثير سلبي سويها وتوكل على الله سبحانة











غنه يتحمل