هل سمعتم بالشقاعة..؟ مفعولها عجيب ...!

[صياد الدبدبة]

الشقاعه هذه النبته البريه العجيبه التي لم اعرفها الا قبل اربعة ايام.............. :eek:
سير علي شايب (ن) من شيبانا لاحق على( طبخ العرفج) وتارك الصقاره من ثلاثين سنه المهم قعد ينشدني عن طيوري هن حذفن او لا وشبقا عليهن من الريش قلتله يابوفلان الشياهين احذفن لكن الحر للحين محذف مدري ليه قالي عن عشبه اسمها الشقاعه كانو قبل يعطونها الشياهين عشان تحذف قال خذهاودقها وحطها بقطعة قماش وخلها في صحن الماء حق الطير وبلفعل وصيت رجال يعرفها وجابها لي وسويت الي قال الشايب وحذف الطير اليوم اربع ريشات :confused: واليوم هو اليوم الثالث من حطيتها في الماء.... وحبيت اطلعكم على هالتجربه ويمكن يكون احد مجربها او سامع عنها منكم :good:

[المري]

نعم اخوي صياد الدبدبة اعرفها

قبل ثماني اسنين وصفها لي واحد من الربع وقمت وجبتها ودقيتها وحطيتها في قطعة اقماش ونقعتها بالماء ولكن بدون فائدة بس

تراني معطيها فرخ شاهين بحري.. ماهو حر!!

بس هل هي فيها مثل الشوك ولا لا؟؟

في انتظار ردك

[فارس العجمي]

السلام عليكم
مشكوور اخووي علي المعلومه القيمه
بس انا اول مره اسمع عن العشبه ممكن تزل لنا صوره او توصفها لنا
وهل هي لها اضرار لطير لانك تقوول الطير حدف اربع ريشات يا ولد اتخوف اربع انا انصحك انك تسئل عن الشايب عن الطير وتعلمه انه حدفاربع ريشات في يوم واحد
اخوك قرناس الجزيره

[صياد الدبدبة]

اخوي المري اشكرك على مرورك الكريم وبالنسبة للشياهين ماجربت العشبه عليهن لانهن حاذفات بدري ولله الحمد لكن الشايب مجرب ويمدح والحر الي انا مجرب عليه قرناس رابع

اخوي قرناس الجزيره اشكرك على مرورك وبالنسبه للاضرار مالها اي ضرر على الطير واخونا المر ي يقول مجربها ماذكر اي ضرر....
وحذف الطير اربع ريشات مايخوف لانه امر عادي 2منيمين 2منيسار شي طبيعي.....
وبالنسبه للصوره ماعندي لها صورة مع الاسف لكن ابوصفها هي بحجم الرمث والعرفج لهااوراق صغير لونها اخضر باهت والاغصان لونها اصفرودقاقه بالحيل وفي اعلى الاغصان ازهار اصغر من ازهارالعرفج لونها اصفر والشوك الي فيها مايذكر ولهاريحه طيبه تقارب ريحة
شجرة المسيكا............. اتمنى ان يكون الوصف وافي وكافي ....واعذروني على الاطله

[صقر]

مشكور اخي صياد الدبدبة

نتمنى أن تدرج لها صورة حتى تسهل عملية التعرف عليها.

ومن المهم ذكر التجارب هنا حتى يستفيد الجميع.

بارك الله فيك.

[ابو عايد]

السلام عليكم ورحمة الله وبركاته

تسلم على الموضوع الطيب


نتمنى أن تدرج لها صورة حتى تسهل عملية التعرف عليها.

ومن المهم ذكر التجارب هنا حتى يستفيد الجميع.

وتقبل تحياتي // العاشق الولهان

[فارس العجمي]

السلام عليكم
مشكووور اخوي علي المعلومه القيمه
عندي طلب لو سمحت ممكن تنزل لنا صوره عنها عشان نتعرف عليها عدل وممكن طلب ثاني اسئل الشايب هل جربها علي الشواهين وشنو كانت النتيجه

[turhob]

يعطيك العافية والصورة مهمة

[صياد الدبدبة]

اخواني (صقر+ابوعايد+قرناس ^الجزيره)
راح احاول اصورها وانزلها عشان تتعرفون عليها....
وبالنسبه للشايب يا قرناس^الجزيره يقول ماجربها الاعلى الشواهين قرانيس وفروخ والنتيجه طيبه.......وترى كلن يذكرماواجه ماهو شرط انها تنجح دايم لان اخونا المري جربها ومانجحت معاه والتجربه مافيها ضرر ابد

[راعي مسكت]

مشكور على الموضوع وياليت صوره وتفكنا من البودر والحبوب.