استفسار عن قدر الفخار(الطاجن) شريت واحد وانكسر من اول استخدام>>>>غشيم

[الخرج خرجك]

السلام عليكم



والله اني متابع لكم من زمااااااان والليوم احتديت لكم ولنتو مفشليني


المهم اخوكم تحمس وشرا قدر فخار من محلات الشفا اللي الظاهر يسمونه طاجن

زي هذا
http://www.aawsat.com/2006/10/09/images/fashion.386415.jpg



المهم خمرته في الموية ساعتين همن استخدمت وما امداه يقعد على النار ربع ساعه الا وهومتشعر والمرقة تخرخر من تحت


فهل طريقة الاستخدام خطا ولا وش السالفة




علما اني حاطه على عين الفرن اللي فوق
هل استخدامه كذا ولا لا







ياليت تفيدوني لاني شريت واحد ولا ابي اخسره من اول مره

[بن بدرااان]

الله يعوض عليك

الظاهر ما يصلح تحطة على عين الغاز

على فكرة انا الحين شاب على الفحم وبروح اظبط طاجن لاول المرة ..الله يستر عليه وبعلمك وش صار معي

وشوف هالموضوع يمكن يفيدك

http://www.mekshat.com/vb/showthread.php?t=285657

[لحن الوداع]

الله يعوضك وانا اخوك

والله اني مثلك شريته ويوم جيت اطبخ عليه

واحطه على نار هاديه واكشن البطل واحط الطماط الا وهو ينشلخ

[kaskas]

الله يعوضك خير يا ولد الخرج

بالنسبة للطاجن (الفخار) ما يصلح تحطه فوق اللهب مباشرة ... لازم تحط تحته صاج مشخل عشان يخفف اللهب
والطبخ يكون على نار متوسطة واقل ... لا ترفع النار على الاخر

ودي توصف لي المحلات اللي اشتريت منها الطاجن ؟؟

تحياتي لك وللجميع

[هبوب الصبا]

او ينحط في الفرن

ترا قدر الحجر احسن وأطعم
خذت لي واحد ومنتاز

[رعد الصحراء]

السلام عليكم ورحمة الله وبركاته

الأخ الغالي / الخرج خرجك



راح أشرحلك الطريقه :



أولاً تضع قدر الفخار أو الطاجن بقدر مليان مويه وتتركه من 4 ساعات وأكثر



ثانياً تدهن القدر أو الطاجن من الخارج بأي نوع من زيوت الطعام



ثالثاً الثلاث طبخات الأولى يكون على نار متوسطه



رابعاً بعد الثلاث طبخات الأولى اطبخ عليه سواء على فحم أو غاز ماعندك مشكله بس ماتكون النار عاليه


وبمشيئة الله راح يكون لي موضوع وشرح كامل ومدعوم بالصور



تقبل تحيتي

[المعلم تو]

الله يعوضك خير يالله هذي حال الدنيا

[shaheen70]

السلام عليكم ورحمة الله وبركاته



الأخ الغالي / الخرج خرجك



راح أشرحلك الطريقه :



أولاً تضع قدر الفخار أو الطاجن بقدر مليان مويه وتتركه من 4 ساعات وأكثر



ثانياً تدهن القدر أو الطاجن من الخارج بأي نوع من زيوت الطعام



ثالثاً الثلاث طبخات الأولى يكون على نار متوسطه



رابعاً بعد الثلاث طبخات الأولى اطبخ عليه سواء على فحم أو غاز ماعندك مشكله بس ماتكون النار عاليه


وبمشيئة الله راح يكون لي موضوع وشرح كامل ومدعوم بالصور




تقبل تحيتي


كبيييييييييييييييييييييير يامعلم :good2: :good2: :good2:
shaheen70

[بن حاضر]

.. انا عندي 3 كلها تشعرت ( فخار الغربية ) .. وشاريها من اللي في الشفاء ..
.. ونقعتها في ماء ودهنتها بالزيت .. بس لما استخدمتها على الفرن تشعرت بس كنت اول اصلحها على الجمر في المشب ولا تشعر ..
بعدها صرت احط المركاب حق المشب على العين واحطها فوقه ولا تشعرت ونار تكون اقل من متوسطة ..
بس ترى عندهم طاجن جديد ( فخار باكستاني ) لا يفوتك جربة احسن من حق مكة ..
تحيتي لك ..

[magoode]

ياريت تدلوني ع محلاتهم وين فيه بالضبط

لاهنتو....