باترول ربع 2006

[الفتله]

السلام عليكم

حالتي حاله ركبت مراوح سوبارو وانطلق الموتر وجازلي لكن من تالي متوهق

اذا مسكت خط وتعديت ال 140 توصل الحراره للنص؟؟

كان معي موتر باترول 99 باب وركبت له مرواح عند نفس الرجال والى الحين تمام ولله الحمد لكن جيبي هذا اشغلن ياناس وش الحل

[سوبر VTC]

سرعة 140 الظهر ؟؟؟

تاكد ان المرواح يشتغلن تمام

لايكون حساس المرواح خربان
او السلك ينفصل مع السرعة
او انك ملغي البلف

امش على سرعة 150 او 140
اذا ثبتت الحرارة لمسافة 20 كيلو او اكثر
فموترك مابه الا العافية

لاتنسى اننا الان بجمرة القيظ اوغسطس
مواتر جديدة الان و العام الاول الحرارة على النص

اذا وقفت الظهر مع المكيف و كانت الحرارة مستقرة
فاعرف ان الموتر تمام

[سوبر VTC]

اذا كان الموتر يلقلق فغالبا يسبب حرارة
فلازم توزن الديلكو و البلوف

[عبدالله العواجي]

السلام عليكم ورحمة الله وبركاته ..


أول شي نشكر مشرفنا الغالي على جهوده لنفع أخوانه وزملائه بالمنتدى سوبر فتك ..


والحقيقه كفى ووفى لكن لي تجربه مع الحراره والباترول طوووووووووويله جدا وأبحاول أفيدك به عسى الله يقلع عنك هالحراره .. :D


من خلال تجربتي الشخصيه على موتر 2007 عندما أتعدى الـ 155 أو حوله ..


على طول الحراره ترتفع بشكل غير طبيعي وإذا هديت تنزل إذا كان هذا الحاصل معك ..


عندك ثلاث حاجات ويظبط :good2: ..


1 بلف حراره جديد 2 غسيل المكينع عند راعي الرديترات وإهتم إنه يكون ممتاز شغله 3 تسييخ الرديتر ..


وإذا كان من غير هالشياء ترى غالبا الباترول بأي ظرف حتى لو حر مهب بسيط هاليومين ..


ماياصل النص يكون قبل النص بشوي إذا وصل يرجع على طول ..


فلذالك يكون الراس منشعر .. وهو سبب الحراره الزايده بالوقوف والسرعه ..


والله يوفقك ويسهل عليك ..


تحياتي .. أبو سليمان ..

[مركز حراره]

يوم انه بمروحت البلد يحتمي اولا
أذاكان مايحتمي قبل عالج مشكلت المراوح
للافاده ركب بلف 82 تايوتا

[مركز حراره]

لاتنسى تغسل اديترالمكيف تراه احيان يرد الهوء

[مكشات بلس]

اسمع اخوي
انا معي نفس موترك وركبت مراوح سوباروا
واذا تعديت 120 ترتفع توصل حول النص
وارجع البلد وارتاح
لا تزين شي بموترك بس رجع مروحة البلد
وعلمن وش يصير عليك

[مكشات بلس]

نسيت اقولك الباترول 99 تركب علية 2 كبار
و2006 تركب علية 2 صغار

[عميد سامودة]

لاتغير شي عن شد بلده ويعدم لك الظفيره

[اول 9099]

المراوح ماتنفع على ربع الباترول علشان رديتره بالطول وماتركب الا ثنتين صغار ولا تسوي شي على مكينته

نصيحتي فك المراوح وريح راسك

[الفتله]

جزاكم الله خير وبارك الله فيكم

ماقصرتوا وانا بجرب بعض الحلول وعسى الله ينفع

الان انا احاول اركب مروحه فورد وابجربه

[الفتله]

وعلى فكره مراواح البلد ابد ثابته الحراره ولاتغير

بس مشكلته بمراوح البلد مايمشي ابد الموتر تقل ديزل بالخط

[رااعي الفزعات]

اللـــــــــــــه يسهل أمرك ويستر عليك ..
الشـــباب ماقصروو بيض الله وجيههم . .
تقــبل مرووري . .

[سوبر VTC]

طيب
وين موقعك ؟؟؟

[adil33]

غير الرديتر بواحد اصلي المنيوم طبقتين من الوكاله مو من الي عند المحلات الي برا وركب بلف من الوكاله حق موديل نفس السياره واهتم بالزيت مع الفلتر

[الفتله]

موقعي الرياض اخوي سوبر

[الفتله]

اخوي adil33 الرديتر مافيه شي ولله الحمد وان كان تقصد اركب الي تقول

لانه طبقتين فهذا اعنقد انه مكلف وراح يكون اخر الحلول وان شاء الله ماناصله :)

اما بالنسبه للبلف ابركبه بعد ما اجرب مراواح الفورد الي ركبتها اليوم وبشوف علمهن وارد لكم بإذن الله

[Inch]

السلام عليكم ورحمة الله ..

الباترول من موديل 2005 وفوق ما يركب عليه إلا مروحة قراند شيروكي ..

أنا معي باترول 2006 ..
ومركب له قراند شيروكي .. و الحرارة تمام التمام الحمدلله ..

لأن الأديتر حقه يختلف عن الأول ..

وللعلم فإن 3 من أفضل الكهربائيين عندنا أجمعوا على أن المراوح السوبارو ما يشيلن الجديد ..

إلا في حالة لو بتضيف مروحة أمامية .. ممكن تشيل السوبارو ..

تحياتي ..

[الفتله]

ابشركم ركبت مرواح الفورد وجازت لي مره وفرق الموتر عن اول ومرواح السوبارو

بس باقي امسك خط طويل واجربهن وعسى الله ييسر وتظبط وارد للجميع

وعلى ماقال اخوي inch يمكن السوبارو ماينفعن للموديلات الي فوق 2005

[مكشات بلس]

^^^^^^
امسك خط وعلمنا
الحراره ثبتت على وش
وبالتوفيق

[راعي الهدد 7]

ياجماعه ابي اركب لسيارتي مراوح كهرب دلوني وين وكيف وكم يكلف

[الفتله]

والله ابشركم ولله الحمد والمنه الموتر ظبط بعد مرواح الفورد 98

ومسكت عليه خط للقصيم وماوصلت الحراره الا فوق الخط بقيليل وثابته نوعا ما لكن

فررق كبير بينها وبين مراوح السوبارو وانا انصح اي واحد معه باترول فوق 2005 انه مايركب الا مروحه فورد.

[الفتله]

اخوي راعي الهدد وين مكانك وان شاء الله الشباب يفيدونك

انا اقدر ادلك باالرياض اكثر من واحد

[راعي الهدد 7]

اخوي راعي الهدد وين مكانك وان شاء الله الشباب يفيدونك

انا اقدر ادلك باالرياض اكثر من واحد
انا موظف بالشرقيه ودايم روحاتي لحايل يعني بين حايل والشرقيه

[اول 9099]

اخوي الفتله
قص الياي الامامي 5 سانتي
ارفع من ورا 3 سانتي
ركب هدرز
شف الممشا المهبول فالخط
انا مجرب