مطلوب راعي يا اجاويد الله

[سيل امسيان]

زي ماهو في العنوان مطلوب راعي يفضل هندي نفسه زينه وملم بعلوم البل
بارك الله فيكم

[عميد سامودة]

ما تلقى هندي يعرف للابل بشكل جيد ,, مالك الا سوداني والسودانية رواتبهم من 1300 وفوق حقين البل

[ساحووق]

صدق رااعي ساامووده

[بدر الزيادي]

حااول تزكي : وتجيك الفيزه ، بـ 2000 ريال .. وقدم ع راعي .. { نيبالي } نصيحة لكل الي عنده[ ابل ولا غنم] غير نيبال لآ أحد يجيب ... وسلامتكم

السودانية = زي البورصة اذا ارتفعت درجات الحراره يدور لو بـ 500 ريال . واذا جاء موسم البراد وكثرة الشغل .. طلب منك 1800 ريال ... قدم ع فيزة نيبالي . وريح مخك يشتغل . بكل قلـب .. ومخلصـين

[سيل امسيان]

حاولنا نزكي بس ماحصلنا حقين البروه بارك الله فيكم

[حطاب الرويضه]

دورنا قبلك مالقينا لكن شفلك احد من اللي بينقالون كفاله والله يعينك على تعيليمه

[ابوحمد 2009]

ان شااء الله افادووك الاخوان

[بازار شريف]

عندي لك سوداني ممتاز في الرعي والحليب راتب 1500ريال والمونه الشهريه هو الان في اجازه اذا تبيه ماعندي مانع ولا نبيمنك شي لاني مو محتاجه عندي هندي بنفس الراتب وكافيني بالغنم والبل ومن الله راضي عليه من هل الحلال رزقه بهندي وبانقل لك كفالته انت وين لاني فاكه يترزق الله ولا معي منه فايده وماسك اسمي كلما بغيت انقل كفالته جاني يبكي وحنيت عليه مابي احد يهينه والا يوجعه ..

[سيل امسيان]

اخي الكريم بازار شريف شاكر مرورك الكريم وبيض الله وجهك وكل من مر وقدر ونصح

ولك رسالة على الخاص

[راعي العشاير]

انصحك دور لك هندي وماعليك من اللي يقول الهندي مايعرف للبل انا نقلت كفالة هندي على كفالتي ماعمره اشتغل في البل وعلمته والحين ماشاء الله يحلب ويحجم الحيران ويشمل البل ويربط البعير بس يبي لك صبر عليه شوي

[سيل امسيان]

أخوي راعي المعاشير

لك الشكرووافرالتقديرعلى النصيحة بس وينه اللي بننقل كفالته ويكون كفو

[سيل امسيان]

مامن جديد في هذا الشهر الكريم