استفسار حول صيد الميد(( البياح ))

[بوراشد911]

بسم الله الرحمن الرحيم

السلام عليكم ورحمة الله وبركاته

اخواني الاعزاء سؤالي لكم شلون اقدر اصيد الميد بالخيط (( حداق )) لانه المكان الموجود فيه الميد ممنوع فيه استخدام الشباك حتى الساليه ممنوعه الطريقه المسموح بها هي الحداق فقط لاغير غيره ممنوع حتى الغوص ممنوع؟؟؟

كيف الدبره مع البياح من كثره الواحد يتشفق عليه وبعضهم كبار طول الذراع

والسلام عليكم ورحمة الله وبركاته

[شراوي99]

السلام عليكم أخوي
بالنسبة للميد الصغير أذا جاك على شكل مجموعات كبيرة حاول تشكها شك(يعني تحط الثقل في آخر الخيط وتحط فوقه بحوالي 60 سانتي ميدار ثلاثي وتحاول تنزل الخيط وسط مجموعة أسماك الميد وحاول يكون الميدار تحتهم وتسحب سحبة سريعة راح يطلعلك الميدار وفيه حبة أو حبتين أحياناً... وممكن ترميلهم فتات خبز عشان تجمعهم في مكان معين

أما بالنسبة للبياح ماقد صدته الصراحة

أتمنى أني أفدتك تقبل تحياتي

[مكشتاني]

مو مشكله اخوي بوراشد
ممكن تستخدم الغفايه (( المشخال )) وهو عباره عن طشت للغسيل المعدني وتعمل فيه فتحات بالاسفل بواسطة الدريل ومن فوق تغطيه بالبلاستيك القوي وتلقاه عند محلات تنجيد السيارات وتعمل له فتحه بالوسط مقاس يدك ومايحتاج عليك بالطحين تدهن فيه من داخل وبره البلاستيك بعد ما تبلله بالمويه علشان يلزق وشوف شلون الميده والبياحه تدخل فيه وعلى فكره هذه الطريقه مو ممنوعه وغالبا ما استخدمها اول ما انزل بالطراد علشان الييمه للسبيطي ولاتنساني بالدعاء

[عاشق تويوتا]

اذا بتحدق له
عليك بالعجين
او طريقه المشخال ممتازه

[كنعد]

يبغالك خيط صغيير جداً بس لازم يكون فية قوة يعني اشتر شي نوعيته ممتازة

وميادير صغيرة جداً بس ماراح تحصلها في كل المحلات

وطفاحة فلين ثقيلة اشوي

تركب الطفاحة وتنزل منها 4 ميادير اصغيرة بس يكونون بعيدين عن الطفاحة 60 سم

وبين كل ميدار وميدار مسافة شبر

والطعم عجين


تقريباً صيدهم زي صيد السلس بس الخيط اصغر والميدار اصغر

وان شالله ربي يوفقك


انا صايد منكوس في هذي الطريقة بس الميادير صغيرة جداً

[صياد متهور]

وعليكم السلام ورحمة الله وبركاته
انا اوافق اخوي كنعد بس سمعت كمان انه يبغالو هدوء تام
والطريقة اللي قالها كنعد صحيحة بالتوفيق

[صيادالشرقيه66]

يبغالك خيط صغيير جداً بس لازم يكون فية قوة يعني اشتر شي نوعيته ممتازة

وميادير صغيرة جداً بس ماراح تحصلها في كل المحلات

وطفاحة فلين ثقيلة اشوي

تركب الطفاحة وتنزل منها 4 ميادير اصغيرة بس يكونون بعيدين عن الطفاحة 60 سم

وبين كل ميدار وميدار مسافة شبر

والطعم عجين


تقريباً صيدهم زي صيد السلس بس الخيط اصغر والميدار اصغر

وان شالله ربي يوفقك


انا صايد منكوس في هذي الطريقة بس الميادير صغيرة جداً




يعطيك العافيه طريقه جيده وفعاله باذن الله

[بوراشد911]

بيض الله وجيهكم وعساكم على القوه وان شاءالله نجرب طريقة المشخال

تحياتي لكم

[نبض الحياه]

ماشاء الله الاخوان ماقصرو

[بحرالخبر]

ترى المشخال ممنوع من قبل حرس الحدود وانا واجهت مشكله معاهم وتقدر تصيد الميد او البياح بواسطة
خيط النشل حق الحمام وتحط اول الخيط ثقل خفيف جدا وبدون طعم واذا ماضرب استعمل عجينه مكونه
من سردين مضروب بمكينة اللحم بعد نزع العظم وقليل من الماء وطحين

[بحرالخبر]

طريقة اخرى لصيد الميد وال والبياح هي نفس ماذكره اخونا كنعد بس الطعم حب قمح كامل غير مجروش ينقع
في ماء حتى تنتفخ الحبة وتثبت في الميدار وهي اقوى من العجين واضرب

[accentkool]

ماشاء الله الاخووووووان افاااااااااادوك

[فش-أندرتيكر]

و عليكم السلام و رحمة الله و بركاته

ما شاء الله تبارك الله

الشباب ما قصروا

الله يعطيك و يعطيهم العافيه

تحياتي