قير الاند فيه طقة في التعاشيق الاولية وأبي أغيره في التشاليح

[marhoon]

أبي أغير قير اللاند وين أفضل التشاليح الشرقية , الكويت ولا الرياض.
واذا كان فيه أرقام او أحداثيات المحلات . أكون لكم من الشاكرين.

[ابويارا1001]

أبي أغير قير اللاند وين أفضل التشاليح الشرقية , الكويت ولا الرياض.
واذا كان فيه أرقام او أحداثيات المحلات . أكون لكم من الشاكرين.


الطقة في الغالب تكون من مشكلة في كهرب القير قد تكون خارجية

وممكن نتحل شوف لك واحد فاهم

اذا كان القير يمشيك ومشكلته الطقه شوري عليك بتشاليح الكويت ارخص

ادخل الرابط هذا بعد اذن الاخ عبد الرحمن


http://www.mekshat.com/vb/showthread.php?t=211523

[marhoon]

ابويارا1001
جزاك الله خير . بعد مشاورة الوكالة قالو القير يحتاج الى توضيب . أنا اخترت أن ابدله . بس مايضر أخد رأي ورشة ثانية

[؟؟؟شادي نجد؟؟]

تبي النصيحه وانا اخوك التوضيب افضل اذا المةتر على يدك وكالة لأنك عارف جير موترك وباخصه زين

لأن التشليح ما تدري وش فيه من مشاكل

انا سبق وتورطت في جير وبعد 7 اشهر تفتت التروس الداخلية وانفرط مره وحده لين كرهني بالموتر وبعته بخرابه

اشتر القطع بنفسك وروح للقصيم بتحصل ناس ثقه ويفهمون بالجيوب اكثر

الله يوفقنا واياك ويرشد للصواب والرأي السديد

[marhoon]

والله أنك حيرتني يا ؟؟؟ شادي نجد؟؟
السيارة مطلعها على يدي 2003 و رايحه تضل معي بأذن الله. وين الافضل واذا كان التوضيب هو الافضل ؟ كم رايح يكلف

[سوبر VTC]

موضوعك مبهم
وضح موديل الموتر ؟ القير تماتيك عادي ؟
المشكلة بالتفصيل الممل ؟ على سرعة كم يطق ؟
الطقة باي نمرة ؟

[marhoon]

السيارة موديل 2003 والقير تماتيك. والمشكله ان القير يطق التعشيقتين الاول والثاني

[ابويارا1001]

عزيزي مرهون انا سبق وكان عندي سيارة قيرها مكسور بدلته بقير من التشليح وصار فيه طقه جامده اذا عشقت Dوكذلك اذا بدل الموتر الى الثاني


وديت الموتر لمركز متخصص بالقير الامريكي


وشبك عليه الكمبيوتر وفحصه وقال لي ان القير يحتاج توضيت بيكلف 3000


قلت معصي والله ما اغيره دام الموتر يمشي



اخذت موتري ووديته لكهربائي قلت له شيك على القير وخليت الموتر عنده


رجعت له بعد يوم قال تم اصلاح القير والمشكلة في كهرب القير وتم اصلاحها


واخذ علي 200 مع تعبية فريون مكيف



ود موترك لواحد فاهم يتاكد من كهرب القير


ولاتاخذ بكلام الوكاله او كلام ورشة وحده تأكد قبل تخسر عمرك



وبالتوفيق

[؟؟؟شادي نجد؟؟]

كلام اخوي ابويارا1001 (http://www.mekshat.com/vb/member.php?u=101126) سليم وفي مكانه

لا تسوي شي ابد قبل ما تتأكد من مشكلة الجير بالتحديد وانصحك تمر محلات كثيره وتدور اللي يفهم فيها قبل لا تخسر واجد ولاتنسى تغير زيت الجير من الوكالة وقيمة العلبة من 80 الى 100 ريال خذها من الوكالة وخذ لك فلتر جير

وتكلفة التوضيب مقاربة لسعر الجير بالتشليح
وانصحك بشدة بالتوضيب اذا احتجت لأن على قولك الموتر على يدك وكالة فقهر تغير جير ما تدري هو صاحي واللا مجنون , لأن التوضيب بفك لك الجير مسمار مسمار ويشوف اللي خربان ويغيره وبطلع لك وكالة ان شاء الله

والله الورش وانا اخوك ما اعرف شي مختص بالجير لكن اتمنى انك تكتب موضوع تطلب افضل محل لتوضيب جير اللاندكروزر

[marhoon]

أخواني الأعزاء أبويارا 1001 & ؟؟؟ شادي نجد ؟؟
جزاكم الله 1000 خير , رايح أشييك على كهرب القير وفي نفس الوقت أغير زيت و فلتر القير قبل ما أعمل أي شيئ أخر.

[marhoon]

تم تغيير القير في الكويت وحالة القير ممتازة الى الان. نوعية السيارة : لاند 6 سليندر تماتيك. أخد وقت تغييرالقير 3 ساعات . أفضل البقاء ليوم ثاني في الكويت حتى تجرب السيارة. الضمان : 15 يوم المكان : سكراب المطوع - الجهراء - صناعية أمغرة تلفون رقم : 66851347 عبدالرحيم (أفغاني) السعر : 300 دينار كويتي = 3900 ريال سعودي أحداثيات السكراب (التشليح)e 047 44 126 n 29 18 113 الوصف للقادم من النويصيب : شارع الملك فهد الى طريق (الدائري) رقم 7 يسار (الجهراء) ثم طريق (الدائري) رقم 6 خد يمين مخرج صناعية أمغرة والسكراب على يسارك رايح تشوفه. لاتنسى أن يوم الجمعة الدوام من 9 الى 11 صباحا. نسيت حاجه مهمة وهي خذ معاك الجواز لان البطاقة المدنية غير مقبولة لدخول الكويت . فهي فقط للبحرين ودمتم سالمين