فزعة النشاما على مكيف باترول فتك الثلاجة تبرد والمكيف لا وش لون تجي مادري

[راعي الجرعاء]

السلام عليكم
مثل ما ذكرت بالعنوان فجأة الثلاجة تبرد والمكيف لا وش لون تجي مادري شغلت المكيف الخلفي نفس الحكاية عبيت فريون ولا تغير شي علما بأنه كان فوق الممتاز فجأة طبعا بعد وقفه حول اسبوع كنت مسافر ورجعت ولقيته مثل ما ذكرت هل من فزعة

[سوبر2005]

تأكد من المواصير يمكن مسدوده واكيد تكون مسدودة
وان شاء الله يفيدونك الشباب

[برايدوي عنيد]

هلابك اخووي ....
انا زيك المكيف اللي قدام بعض المرات مايبرد زين
طبعا( يكون بارد ماتدري الا هو حار تمشي يصير بارد تاقف يبتل بارد ماتمسك له )
طبعا رحت يم كهربائي ممتاز جدا ووسيع صدر رحت يمه يوم الاربعاء جاك وشغل مكيف وراء واللي قدام قال اذا صار حار اللي قدام شف مكيف وراء هل هو بارد والا لا ؟
رجعت لمه اليوم قلت مكيف وراء بارد زين البلاء باللي قدام , قال رح واذا صار حار انزل والمس ماسوره المكيف اذا صارت بارده فالبلاء من بلف اللي براء واذا صار حار البلاء من بلف اللي منداخل .
طبعا قال البلف مو رخيص اني ابزع واغيره لك قيمته 200 ريال.
يعني فيه كم شغله , اهم شي تروح يم واحد يكون امين

تقبل مروري........

[الوافي99]

انا كذا موديله 99 لاكن انا اكتشفت اني اذا صرت مشغل الاثنين سوى مايبرد الا بطلعة الروح المهم طفيت اللي وراء وبرد بسرعه اللي قدام يعني بزمن 5-10 دقايق اما اذا كان مبرد وشغلت اللي وراء كلهن يبردن عادي ولا احلى ما شاء الله

[العابر2222]

أخوووي صاارت معااي نفس حكايتك

ورحت ولقيت الفريون ناقص وغيرته وضبط .... ولي يومين فيه شي غريب المكيف الي قدام مرة قلب حاار ومررة بارد ثلج والثلاجة والي ورى ثلج ما يتغير واكيد انه من البلف الي قدام

=================================

انت مر على حق مكيفات وشف الفريون اذا هو ناقص فمعناته من الفريون اما اذا هو تمام فأكيد ومليون بالميه احد البلوف مقفل واذا هي الثلاجة شغاله اتوقع البلف الي تحت السيارة من جهة السواق والله اعلم

[hz1oo]

انتبه للبلف يمكن يكون مسدود العلم اكيد بأذن الله

[راعي الجرعاء]

بيض الله وجيهكم جميع وبارك فيكم على كريم المرور لا خلى ولا عدم تسلمو