كيف اعرف ان هناك خلل في صلبان العمود

[منقذ]

السلام عليكم ورحمة
ينتابني شك في ان عمود الكردان فيه مشكلة
كيف اعرف ذلك وماهي الطرق لمعرفتها وعلاجها
مشكورين
السيارة قير عايدي باترول

[ابو شدخ2486]

وعليكم السلام ورحمة الله وبركانة
اخوي هي عن طريق انك توقف السيارة على حفرة وتنزل تحت السيارة وتحريك العمود
يمين ويسار وندفعة الى فوق وان كان فية فضاوة ملحوظة يكون فية مشكلة بالصلبان
واتمنى اني افدنك واكون على صواب

[ابوطاقية]

اضافة للاخ ابو شدخ
اذا عشقت السياره بالاول وتحركت تسمع صوت كانه طقطقة اصابع :)

[منقذ]

مشكورين ياخوان
ولكن الملاحظ هو التالي عند المشي على سرعة ستين وخمسين ومعشق بالثالث ثم رفعت رجلي عن البنزين
ودسة مرة اخرى كان السيارة تنتهض او بمعنى تنتع انتاع وتحس فيه فضاوة اما بصلبان الكرنك او بعمود الدبل
او بجنزير الدبل علمان اني مركب فرارات ولافاد
ارجو الافادة من الخبراء

[سوبر VTC]

عادة اذا اسرعت على الموتر
مثلا 100 او 130 يبدا الموتر ينتفض حرة تروح و تجي ورر ورر كل ثواني تروح وتجي
فهذي من احد الصليبات تعبان او العمود به طعج بسيط
و اسهل فحص للعمدان
فك عمود الكردان و امش على الدبل الخفيف يروح الصوت ام لا ؟
و احيانا اذا فكيت عمود الدبل يروح الصوت
و احيانا اذا كانت الكفرات محبلة ينتفض الموتر
عادة اذا كان الصليب تعبان تحصل طالع منه اثر صدا برتقالي

النتعة ممكن تكون كهرب بواجي اسلاك ديلكو بليتين طرمبة بنزين

جنزير الدبل تعرف خرابه اذا شبكت الدبل الثقيل بنفود هيار
همن دست يبدا الجنزير يطقطق و يفلت فاعرف انه خربان

دامك مركب فرارات => عمود الدبل و الكارونة و العكوس للدفرنس الامامي
فالمشكلة عندك بالخلف
فضاوة كارونة او مشكلة ببنيون الكارونة
او كهرب
و اذا كان رمان العكس الخلفي فعادة الصوت مستمر ماينقطع ابد
و قد يكون عندك شي منكسر بالدزق و الكلتش او يحتاج وزن او ترفع ميزانيته

[بدوي جنوبي]

۞ صيانة اعطال العمدان و الصلبان اكيد بالصور ۞ (http://www.mekshat.com/vb/showthread.php?t=87376) ‏

[web]

مره صارت معي نفس المشكله في الصليبات ..

كنت امشي طبيعي السياره لما توصل سرعه معينه مثلا80 ترج السياره رجه خفيفه وبعد واذا زادت السرعه راح الصوت واحياناً يظهر على سرعة 60 وان وصلت 80 او ميه يختفي ..

غيرت الصليبات وراحت المشكله على طول .

[منقذ]

مشكورين اخواني وهل تنصحون اني اغير الصليب حق العمود اولا قبل فك الدفرنس ام لا

[سوبر VTC]

الحلول كثيرة
رفع الموتر بالكامل بعفريته و ملاحظة الموتر عند السرعة اللي تطلع عندها الرجه او النفضة
او
طبق الطريقة اللي فوق بفك عمود الدبل و التجربة بالمشي
ثم تركيب الدبل و فك الخلفي و التجربة مرة اخرى

ايضا
ملاحظة الصليبات كلها بالعين
عادة اذا كان خربان تحصل طالع منه صدا برتقالي بسبب الماء

احيانا تكون المشكلة من شنبر اللي يسمك الصليب طايح
للتوضيح مع الصور ادخل هنا ===> 5 (http://www.mekshat.com/vb/showpost.php?p=4907464&postcount=5)

[musting 2002]

شكرااااااااااااا