عندي مشكله طارئه يا اهل الباترول

[جمس الشمال]

يا اخوان عندي باترول صالون 99 قير تماتيك

دوبي جاي عليه ومسافر مابه بلا
بس قبل شوي .. شغلت السياره ورحت ابي اوصل المطعم
لمحت الحراره مرتفعه حاجه بسيطه عن الحد الطبيعي (( للعلم بلف الحراره مفكوك ))
مريت البنشري وزودة القربه مويه ومشيت
لاحظت ان الحراره بقت مثل ماهي مانزلت
والمشكله بداء يضعف عزمه ويتـف تف

وماامداي اوقف عند الاشاره .. الا قال هذا مكاني

ادق سلف يدور المحرك بس مايشتغل والكهرب سليم ...؟

هقوتكم قفلة بلف ولا بليتين ولاكتاوت ولا وش الموضوع ؟؟

[جمس الشمال]

للعلم .. البواجي ماشيكت حتى عليها والموتر شاريه من 3 شهور وماشكيت منه شي ابدا ابد

[قناص الهمله]

يفيدونك الاخوان

[جمس الشمال]

إن شالله مايقصرون

فدني انت حتى لو خطء ... اهم شي نرفع هالموضوع

[جمس الشمال]

يالله إنك ترسل الي يدلنا على المشكله

[جمس الشمال]

على فكرهـ

السيـاره بخاخ

[برايدوي عنيد]

هلابك اخوووي ...

الحراره وش وصلت ؟؟؟ وصلت H والا لا؟

طيب مع تشغيله السياره تسمع صوت طقطقه بالمكينه ؟

شيك على زيت المكينه ؟ وش لونه وهل به ماء

لايصير الموتر خالط من الحراره لكن الامور بسيطه ان شاء الله .

تقبل مروري .....

[جمس الشمال]

لا اخوي مافي اي صوت للطقطقه
والحراره البلف مشيول .. والجو عندنا بالشمال براد
يعني على بداية الخط من عند الـ c

والزيت طبيعي جدا

انا خايف ان البلف مقفل

[جمس الشمال]

بس الي مخليني مشكك ان البلف قفل

لاني اعرف حتى لو يقفل البلف السياره تشتغل

الغريب السياره ماتشتغل يدور المحرك بس مايشتغل

[برايدوي عنيد]

طيب اخووي ..

ازين شي مالك الاتفك وتشيك على البلوف لايكون قاافل او منقطم البلف .

لان واحد من الربع يمشي على سرعه 90 ومير يطفي الموتر ويدق سلف زين بس مايتشغل

ومير يفك المكينه واثر احد البلوف منقطم ..

لكن تياسير مالك الابكرا .. والليل ماله عين

تقبل مروري....

[جمس الشمال]

مشكلتي ان هالصناعيه الي عندنا تعبانين الشغيله فيها واخاف يحوسون الدنيا

انا سئلت احد الاخوان قال اذا المكينه قفلت اكثر من 3 بلوف ماتطفي السياره
وتشتغل عادي بس مع تقطيع وتفتفه .... وبلف واحد المكينه تشتغل

يقول شيك ع الطرمبه او الصفايه .. ومحتار بصراحه

والسياره بكره بجيب لها كهربائي وربك ييسرها

جزاك الله خير على تعاونك

[مركز حراره]

اذا دقيت سلف تحس المكينه تدوربسرعه
شيك على الاديتر فيه ماء
شيك على الزيت لونه زين

[سوبر VTC]

الحمدلله على السلامه

هل انت بحائل ؟؟

شف رد احد الاعضاء


يالغالي من دافع خبرتي بالهندسة الميكانيكية
مشكلتك 100% من نظام الاشعال
تحتاج تغير البويبينة = 25 ريال
تغير البليتين = << اكتروني سعره قرابت 60 ريال
تغير الشاكوش = << لان فية نظام القطع للا ار بي ام سعره 55 ريال اصلي
بعدها وزن الديلكو بالمبة = 20 ريال
تركيب ماسبق معا الوزن قرابت 50 ريال بالكثير
اذا انت في الرياض و حاب ادلك على احد فنان بالشغله هذي راسني على الخاص
(( يوجد منظم هواء في الباترول الكربريتر يركب في الرفرف الايمن لابد من شبك لياتة والا قلل في العزم ))
بالتوفيق يالغالي
الاعطال كثيرة و الخراب يختلف من موتر لاخر
تاكد ان طرمبة البنزين له صوت عند فتح السويتش و تاكد من الكتاوت + الفيوز
ربما خراب احد منظمات اللهاة
كد صارت لاحد الربع العام الماضي باترول صالون م99 او هو 98 طفى عليه على سرعة 160
و حصل جنزير التيمن منقطع
و احيانا يخرب الكمبيوتر
تاكد لا يكون احد اسلاك البواجي راخي او يهرب كهرب او منفصل او سلك الكويل

اعانك الله

[سوبر VTC]

اول شي تشيك على فيوز طرمبه البنزين .. هذا اذا كان نظامه مثل الباترول الشكل الي فوق 98 .
. تلقى الديكور الي تحت الدركسون ينفك بسهوله , وتحته فيه علبه فيوزات كبيره على حجم البيضه تقريبا للفيوز الواحد
, شيك عليهم الين تحصل فيوز الطرمبه ..
بدله مثلاً بفيوز الطبلون وجرب اذا ماانحلت المشكله فأغلب الظن والعلم عند الله ان المشكله من الكلبريتر
.. والله يعينك عليه لانه اذا خرب يبي يبتل يطلب الكربيتر الين تغيره الا اذا كان نظام حلاب
http://www.mekshat.com/vb/images/misc/progress.gif



تاكد لا يكون الديلكو مسماره راخي


وهي
1/ تفك الغطاء البلاستيك الي على المكينه

http://www.q8boy.com/uploads/baa912ff63.jpg (http://www.q8boy.com/)

يطلع لك في وجه المكينه مقابل المروحه ديره سودا وهي الديلكو

http://www.q8boy.com/uploads/ad19ebca2c.jpg (http://www.q8boy.com/)

ترخي المسمار الاول والثاني (( مسمارين )) مكان المسمار الثاني موازي للاول من جهه الديلكو الثانيه

وتفره عكس عقارب الساعه الى يطق ثم اربط على المسمارين

http://www.q8boy.com/uploads/ab702b4047.jpg (http://www.q8boy.com/)

وبعدها شغل الموتر وادعس بنزين الى الضغط 1.5 وارفع عن البينزين اذا علق الضغط ثم شوي ونزل

فأن إن شاء الله المشكله انحلت

وجرب موترك بعدها

والله يوفق الجميع

واسفين على ردا الصور لكن كنت مستعجل عقب زعل بعض الاخوان وبغيتها مصوره وهذا احسن ماطلع

وشكرا مره اخرى على الثقه ويشرفني يكون لي اصدقاء مثلكم والله ولي كل الفخر بصداقتكم

وآسف على انقطاعي لكن لأسباب خارجه عن الإراده


أخوكم / حاتم

على هذا الرابط

عندك تفتفه في الباترول ... ؟ (( الحل )) (http://www.mekshat.com/vb/showthread.php?t=68213)


*******************





الديلكو
تقدر توزنه بيدك ياخذ دورته من عمود التيمن
شاهد صورته
مكانه بصدر المكينة من الامام راكب عليه الفيش

http://www.mekshat.com/vb/../pix/upload04/images169/mk53291_nmnmn9909.jpg

http://www.mekshat.com/vb/../pix/upload01/prof009/mk53291_mnmnnm98909%28large%29%20%282%29.jpg

شاهد صامولة الديلكو في الدائرة الحمراء
تحل المسمار و توزنه

http://www.mekshat.com/vb/../pix/upload01/prof009/mk53291_mnmnmnmmn99.jpg



وظيفة الديلكو
يعطي كهرب او معلومة الى الكمبيوتر
الكمبيوتر بدوره يعطي كهرب الى البخاخات و الكويلات
يعني الكويلات و البخاخات تاخذ كهرب و معلومة من الكمبيوتر
بناءا على امر و طلب من الديلكو
و زبدة مكينة الفتك و اساسها الديلكو
لو خرب الديلكو ماشتغل الموتر

اذا بغيت تقوي فزة الفتك
تفر الديلكو تقريبا من نص الى 1سم او اقل
تصير فزة الموتر قوية

لو انك قدمت فريت الديلكو فوق اللازم
اللي يحصل
تلقلق البلوف و يضعف العزم و قد يحتمي
لانك قدمت الشرارة و البستم مابعد وصل اعلى نقطة
اللي هي النقطة الميتة
بمعنى ان التفجير => بنزين + اوكسجين+ شرارة
يحصل و البستم مابعد وصل النقطة الميتة
و بالتالي العزم تعبان

ايضا لو اخرت الديلكو
البستم يصل النقطة الميتة و
ينزل و بعد ماينزل يحدث الشرارة => التفجير
يعني بعد مايتعدا البستم النقطة الميتة يحصل التفجير
و في هذه الحالة يكون التفجير متاخر
لان البستم نزل
و العزم صفر تعبان

اذا كان الديلكو متاخر
صرفية بنزين يحتمي الموتر ضعف عزم






شباب المكشات :

عندي تعقيب على هذا الموضوع ولا يهنون المشاركين . وزيادة الخير خيرين

انه يوجد في بعض الورش في الصناعية القديمة بالرياض جهاز يسمى مسدس ضوئي لوزن الديلكو ، ولهذا الجهاز سلكين الاول يركب على البطارية
والثاني على سلك البوجي الاول .. ويقوم الكهربائي بتسليط المسدس الضوئي على مكرت المكينة الرئيسية (التي تدور عليها السيور) حيث ينطلق من
هذا المسدس شعاعين غير متطابقين وفي نفس الوقت يقوم الكهربائي بتحريك الديلكو بعد فك المسمار فوق تحت حتى يتم تطابق الشعاعين معاً
وبهذا يتم وزن الديلكو .



وعسى ان يكون هذا الشرح المختصر مفهوم للجميع ....






اخوي الطايفي السلام عليكم ورحمه الله

اخوي بالنسبه للفرقعه فهي قصر بالدائره الكهربائي للتردد العالي اي التشييك علي الكويل وعلي عضمه الكويل :hot: ولازم تغير اسلاك البواجي والبواجي والبليتين والبوبينه واهم شي يكون تسقيطت الديلكون مضبوطه

وصنفر رأس الشاكوش (النحاسيه موزع الشرار):butt3:

اذا بتغير كهربه نصيحتي لك نصيحت اخ لأخوه غير الطقوم كامله اي اسلاك بواجي بواجي بليتين بوبينه اي كامل
وبالنسبه لو طلع الكويل لازم تغير نفس الرقم الي فيه

وياليت تاخذ كل شي من الوكاله لان محلات القطع كلها تجاري في تجاري واتحدي اي محل موزع يثبت لك انه اصلي:director:
لان الوكيل ماراح يخلي معه منافس في السوق بفرق السعر

ولكم ارق تحيه
اخوي اصيل حجازي سلام خاص لك :heart:







تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333)



نـظـآ م الأشـتـعـآ ل لـمُحركآت الأشتعآ ل ا لدآخلي Ingnition System (http://www.mekshat.com/vb/showthread.php?t=216629)



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)




لــو فــُـجـئـة مـا أ شـتـغــلــت سـيـآ ر تـك مـا ذ ا تـفـعـل ؟ لا تـسـتـعـجـل!؟ (http://www.mekshat.com/vb/showthread.php?t=222698)

[جمس الشمال]

الله يجزاكم خير جميعا خصوصا مهندسنا الاخ فتك

اليوم جيت الجيب وشيكت عليه

للاسف السياره مافيها بلف والي مجنني الحراره ما امداها ترتفع شي حتى ماوصلت النص الا والجيب طافي

اليوم جيت دقيت له سلف اشتغل طبيعي .. وبعد ماشتغل حسيت الحراره ترترفع بتزايد ورجعت طفيته
وشيكت على موية اللديتر الا هي زيرووووووو فاضي

وشيكت على معيار الزيت لقيته خالط زيت مع مويه ولونه كنه حليبي

ومريت لي بالصناعيه واحد تركي قال الراس منشعر .. مع اني شاك انها الطبه بس

لاكن الله يعين على بهدلة هالصناعيه

الف الف شكر جميعا .. والي عنده اقتراح بخصوص الراس لايبخل علينا

[جمس الشمال]

للعلم صوت المكينه يوم يشتغل من احلا مايكون طبيعي جدا ... لاكن مامشيت فيها حتى اختبر عزمها

طفيتها ورحت ادربي براسي للصناعيه

[سامي 995]

أتوقع والعلم عند الله أنه فيوز
تأكد من الفيوز اللي تجي تحت الدركسوون قبل لا تسوي أي شي

مدري كيف اشرح لك :

تراها تجي حجم كبير شوي \

[سوبر VTC]

اعانك الله

اذا كان خالط الماء فعندك

شعر بالراس ربما بسيط
او
شعر من البلف
الباترول غالبا الراس ينشعر من عند البلف و يخلط الماء من عند البستم الثاني و الثالث
او
وجه الراس ضعيف ما يحجب الماء عن الزيت


ترى عدم وجود البلف يدمر الراس بالدرجة الاولى
البف اساسي جدا و الوكالة ما حطته عبث
فهو يجعل حرارة المحرك مستقرة و ثابته

اعانك الله

[جمس الشمال]

بارك الله فيكم .. الغريب اول ماطفت السياره شيكت عليى معيار الزيت
لاني خابر البلف مو فيه قلت لايكون انضرب الراس .. بس يوم شيكت على المعيار الزيت طبيعي جدا

ويوم رجعت لها اليوم الصبح وشغلت السياره واشتغلت طبيعي ..
وكل الموضوع ثواني الا الحراره زقحــت
جيت اناظر الزيت الا هو خالط

[ولد وايل..]

الله يعينك اجل طحينية...!!


الظاهر الراس جاوب ....


أنا كنت حاس من أول رد لك ..

دام ارتفعت الحرارة وطفت ولا عاد تشتغل فيا المكينه تجيم ولا الراس يجاوب....



لا تسلمه الا لواحد فاهم

[جمس الشمال]

ابشركم انتهت المشكله

الموضوع ومافيه
صدر المكينه ... الراس والوجه سليمات الحمدلله ماصار فيهم

اشتريت قطعه يسمونها صدر المكينه الي تجي وراء المروعه
القطعه قيمتها وكاله بـ 1200 وشغل يد 400 و100 ريال غيار زيت

الميكانيكي يقول الصدر مخزوق .. يعني مخرووم .. وش خارمه الله اعلم مع انه حديد

[مركز حراره]

اذا دقيت سلف تحس المكينه تدوربسرعه

الطريقه الاولىتحدد لك اذاكان الراس فيه مشكله اولا
شيك على الاديتر فيه ماء
شيك على الزيت لونه زين
الحمد لمن يستاهل الحمد