نداء الى أهل الابل

[الشريف 2009]

:dالسلام عليكم ورحمة الله وبركاته :

اريد شراء من 5 الى عشر من الابل مع فحلها وتكون متوسطة في الحسن والجمال
علما باني اريدها لشرب الحليب ولعشقي لها

ارجو ارشادي على شخص ينوي البيع بسعر طيب

وجزاكم الله خير

[النتاوي]

الله يرزقك البيعة الطيبة ..

وترى حراج المدينة رخيييييص .. بس تحتاج وقت

[الشريف 2009]

في اي مدينة
ومتى بيكون تاريخ الحراج
وماهو افضل نوع من الابل بالنسبة لطعم الحليب وسهولة حلب الناقة وبأي نوع تنصحني من الانواع

الله يعطيك العافية

[العون]

السلام عليكم ..


أخوي الشريف ..
إذا تبي تبدأ بالبل اشتر لك لقحتين أو ثلاث لا تزيد وشوي شوي لمين يصير عندك الخبرة الكافية والوافية وتزيد العدد ..



لأن الدعوة مهب بالشراء وبس الدعوة به مصاريف من أعلاف وعلاجات ....

وكذلك لا تشري من السوق اشتر عن طريق أحد أضمن والله إن السوق فيه شريطية يفرون راسك ويغشونك وعيونك طايرة :eek: :p


وبالنسبة لأنواع الإبل


إذا كنت بالرياض وحوالية أو غرب الرياض أو جنوب غالبا يقدرون المجاهيم ( السود ) وطبعا تعتبر من أغزر النياق بالحليب ..


وأعتقد الحجاز يقدرون الساحليات والحمر والحليب ما شاء الله سكر بالغالب بس أقل من المجاهيم ..


القصيم وحوالية تلقى الدعوة مخلط بين الصفر والوضح والمجاهيم بس اللي دارجة بالبيع والشراء الوضح وهي من أقل النياق بالحليب والصفر وهي أكثر من الوضح بالحليب و كل حليبهن سكر ..


ومن حايل وشمال الظاهر الوضح هي اللي دارجه ...


هذا على حسب معرفتي البسيطة ....




والمناطق اللي ما ذكرته ما أدري وش الدارج عندهم ..


أتمنى إني أفدتك بعض الشيء ..


وتقبل مروري ..


وأي سؤال حنا والمكشاتيين بالخدمة ...


دمت بود ...

[عميد سامودة]

عليك بالمغاتير اذا تبي حليب سكر

[ألم وعشناه]

الله يعطيكم العافيه كل واحد قال معلومه وادلى بدلوه

[قليط]

الله يرزقك البيعة الطيبة

[ابوحمد 2009]

الله يرزقك ان شااء الله

[محمدالزبيدي]

اخي الشريف اذا انت من جدة او مكة عليك بسوق قهوة الجبل

خليك فيه مداوم ما طاب لك زاود فيه وان حصل لك نصيب رسى عليك

منه تكسب خبرة ومنه تشتري بأثمان معقولة

واذا انت بمدينة اخرى شوف سوق البل فيها ورابط فيه

والله يوفقك

[mnahi]

اصبح على الجميع...........
.................اخي الكريم............عزالله ان ((العون )) وفى وكفى.........ان كانك جديد في البل اشترلك منيحه او ثنتين
ممن تثق فيه.......وشوف وش يكون معك .......ولا تحكم الا اذا مضى عليك سنه........معضم الناس تشري دخلت الشتا !!!!!!
واذا هبت هبايب القيض......طفش وكسر قيمة حلاله............والله يوفقك

[zzzz1390]

الاخوا ما قصرو ماشاء الله اخوي اذا كنت من اهل المدينه او ضواحيها اتصل على او راسلني على الخاص ومايصير خاطرك الاالطيب .

[فيصل المحمد f]

الله يوفقك ان شاء الله تعالى
تقبل مروري

[ساحووق]

انا عندي بالقصيم نيااق حول عشر بدووون فحل اربع ابكاار ولقحتيين وثلاث خلفااات كلهن ووضح وفيهن حليب

[وليم]

لاتعدا الوضح تراها شيك والحليب سكر زياده والسوق لهاحامي