المساعد الشخصي الرقمي

مشاهدة النسخة كاملة : تغيير محرك بانزين بمحرك ديزل


nayf01
22/07/2010, 03:24 PM
السلام عليكم ورحمة الله وبركاته

ياخوان الله لايهينكم لدي جمس شكمانين مديل 86 اريد اغيّر محركة الى ديزل

ولا استغني عن نصحكم وارشاداتكم

واسبب ان المحرك الحالي محرك بلاده ويمكن يحتاج الى تغييّر احد الروس حيث ينقص الماء
بسبب حرارة ولالقيت له حل وانا ما ستغني عنه .

منتظر تفظلكم بنصحكم وتوجيهكم الله يجزاء من يرشدنا الجنة
ابوعقل
22/07/2010, 04:35 PM
وعليكم السلام

تراك غلطان لاتحوله ديزل ترا تبي تندم بعدين

وانت وين موقعك علشان كل عضو يفيدك بالورش الزينه
بو خليفه
22/07/2010, 05:03 PM
لا تحوله ديزل الديزل توفر وقود لكن في النهاية تدفع شغل يد وقطع خاصة في السعودية والخليج غير متوفر جمس ديزل
ابوطاقية
22/07/2010, 06:49 PM
اهل السطحات الجمس يرهمون عليها مكينة دينا ديزل
شفلك سطحه مرهم يدلك الطريق لترهيمها
فايف استار
22/07/2010, 08:00 PM
ياهملاااالي جمس شكمااانين؟؟؟؟ ياااوجه الله !!!

دامه شكمااااااانين موب شكمان واحد !!اقلب مكينه اف 15 تركب بالرااااحه بسيطه بس المشكله مشكله بنزيم الطيارات منين تجيبه !!!


ياااااوجه الله جمش شكمااانين
nayf01
23/07/2010, 10:41 AM
الله يجزاكم خير ياربع

ماقصرتم

وانا وجدت صاحب سطحة (ستيك بدي)
مرهم محرك دينا وويقول حلوا
وكذلك وجدت صالون جمس مرهم محرك ديزل بدل البنزين لكن يقول ثقيل
ومع الطلعة ضعيف عزمه وناظرت المحرك ووجدة صغير تقريباً (70)

وانا من سكان الرياض .
وابيكم تشوفون لي حل وحسب خبرتكم ومعرفتكم .
صراحة المكينه ما تنقص ولايتغير لون الزيت لكن دبلت كبدي الحرارة التي لم تكن موجوده من قبل .
nayf01
07/09/2010, 05:22 PM
وراكم توقفتم عن ارشادي الله يجزاكم خير

عموماً
رزقني ربي بشخص هندي الجنسية يقول اشتغل في ورشة الجميحخمسة عشر عام

واستاجر ورشة قريبه من بيتي غرب الرياض

وسلمت له السيارة وفحصها وقال لازم نفك الروس ونكشف عليها
وفعلاً فكها وكشف عليها في الصناعية حسب كلامة
وبلغني انها سليمة وانه سوف يدبل الوجة ويغير البواجي ويعمل تصفية
للمحرك .
نبي نشوف ونبلغكم بكل جديد
ومن لديه توجيه او نصيحة لايبخل علينا لاهنتم ياغالين .

مبارك عليكم العشر الاواخر من رمضان
الله يوفقنا فيها للعمل الصالح,