طفت وأنا أمشي ساعدونا لاهنتم

[ABU Soulaf]

السلام عليكم


معي سيارة مازدا 626 2001 توماتيك دفع أمامي


المهم ياطويلين العمر


اليوم العصر مشغل المكيف ورحت كم مشوار وطفت السيارة عيت تشتغل


أدق سلف بس ما تشتغل !!


وعندي البكرة حقت المكينة تطلع صوت إذا شغلت المكيف وتطلع لي لمبة البطارية


إذا مشيت شوي تختفي !!!


أنا توقعت تكون مشكلة كهرب !!! :(


منتظر أصحاب الخبــرة


لا هنتــم

[عميد سامودة]

حاليا تدق سلف ولا ما تدق

[no fear 78]

يا الدينمو حق الكهرب اتشكل او البطارية خرفت او في يمكن سلك يلعب من قاعد محله

نصيحتي اذا السيار عزيزة عليك ودها الوكالة لا اتخاف اسئل عن نوع المشكله واذا احتاج الوضع خلهم ايسون فحص شامل يمكن ايكون غالي اشوي بس احسن من انه اتبل نصف السيارة و السبه المكانيكيه على بل هذه او شوف او يمكن او اتوقع الوكالة يعطونك المختصر المفيد وانت بدل الشي الأساسي للمشكله او توكيل

الله ايسهل عليك

[MjNo0oN]

اخوي هاذي صارت لي على موتر العزيز الي يقضيلي كل مشاويري في المدينه ((الكورولا))

طبعاً مشكلتك مرت علي بطريقتين مره وقفت وعيت تشتغل نهائي والسبب البطاريه ايسي دلكو كمبيوتر وانتهت ومعاد تشتغل ولا تستقبل شحن وغيرتها وياله لك الحمد و الشكر ((هاذي المشكله حصلتلي بدون ظهور علامة البطاريه على الطبلون))

والخراب الثاني الي مر عليه والله اعلم يمكن هو نفس خراب موترك مره من المرات وانا رايح لاحد المشاوير ياطويل اعمر والسلامه سمعت صوت تقول كني واطيلي علبة ببسي هملتها فجأه اشتغلت لمبة البطاريه على الطبلون شوي الطاره صارت ثقيله ما امداني اوقف في المحطه الا والحراره مرتفعه طبعا السبب تهالك السير وارتفاع بصيط في حرارة السياره ((بسبب قلة موية الاديتر او انخفاضها)) ادي الى اعطال شداد السير وانكسر طبعا السياره سير واحد تقطع السير فا الدينمو طفا و الدركسون نفس الشي و البطاريه فضت مما سبب لوقوف سرعة المروحه الثانيه وارتفعت الحراره بشكل ملحوض وفي الاخير السبب السير ((القطع الي غيرتها شداد سير بـ 230 و سير بـ60 وزي اللوز))

طبعا موترك شيك على الامور التاليه الي فيه ((السير اذا كان سليم و الموتر مايدق سلف شيك على البطاره واعرضها على واحد فاهم واذا كانت سليمه ارجع شيك على بكراة السير او السيور اذا كانت سليمه شف احد فيوزات الكبوت تلقاه ضارب واخيراً عقب ماتشيك على هاذي الاشياء البسيطه وكانت كلها سليمه اتوقع والله العالم ان الي فيها دينمو))

طبعا موترك ياباني وفوقها صغيره يعني مافيها تعقيدات واجده مثل الامريكي والكهرب حقه لو تشيك على الامور الي قلتلك عليها اعتبر نفسك مشيك على 90% من الكهرب الموجود فيها


وانشاء الله انك تعرف علتها وتكون بصيطه

ورد علينا الله لايهينك وشي علتها اذا عرفتها

[ABU Soulaf]

...............

[ABU Soulaf]

حياكم يابعدي

فحصنا السيارة

يجيها كهرب وطرمبة البنزين سليمة والبواجي سليمة و الكويلات سليمة والسيور سليمة والبكرات سليمة

يعني فحصنها ولا طلع عطل بها ! !

كل شي سليم ؟؟؟
نسيبي يقول 90% سكيورتي (( من الحماية ))

وديتها علشان يفحصونها كمبيوتر لا عل وعسى ...