استفسار قبل وقوع الكارثة

[كريم الطباع]

السلام عليكم ورحمة الله وبركاته
اخواني ابي استشارة وقائية ان صح التعبير
لأن عندي المحروسة"سيارتي" وديتها مرة لمشحمة وقام يقولي خل اغير لك زيت الدفرنس ومرة زيت القير>>طبعا قير عادي

فقلت اسألكم عن بعض الاسئلة


هل يغير زيت الدفرنس؟ وكل كم؟

هل يغير زيت القير عادي ولا يزاد؟ وكل كم؟

صفاية البنزين هل تغير دوريا؟ وكل كم؟

معلومات اخرى تفيد بها اخوك المسلم

[exsoskeleton]

الله لا يهينك عطنا نوع السيارة وبين المواصفات .....

[؟؟؟شادي نجد؟؟]

السلام عليكم ورحمة الله وبركاته

اخوي اذا زيت الجير ناقص زيده ولا تغيره نصيحه لك واحذر تغيره لأن الجير العادي يتحمل اكثر من الاتوماتيك

زيت الدفنس لا تجيه وحط مليووووون خط احمر عنده لأن الدفرنس ما يتغير زيته ابدا بل يزاد اذا ناقص

وبالنسبة لصفاية البنزين تتغير كل 30000 كم الى 50000 كم وهو افضل لك تغيرها وتشتريها شخصيا انت من الوكالة وهي رخيصه , تفيد تغير الصفاية بنظافة البنزين اللي يروح من التانكي للمكينة

اتمنى اني قدمت لك المفيد

وننتظر آراء الاخوان بالمنتدى

[كبسولة2]

زيت الجربكس التماتيك يغير كل 60 ألف كيلو أو كل 6 أشهر

زيت الجربكس العادي لا يغير أبداً أبداً أبداً أنما يضاف النقص فقط

زيت الدفرنس لا يغير أبداً أبداً أبداً أنما يضاف النقص فقط

صفاية البنزين تغير كل 50 ألف كيلو

[عميد سامودة]

بالنسبه للقير العايدي ما اذكر اني غيرت زيت القير والجيربوكس او زدته من عشر سنين

[تناساني]

زيت القير و زيت الدفرنسلا يغير.. تزيده إذا كان ناقص
حتى لو تروح الوكاله بيزيدونه ما يغيرونه

وإذا غيرت زيت الدفرنس إحتمال 90% إنه يخرب

لا تغيــره أبد


بالنسبة لصفاية البنزين
هي مجرد فلتر.. اذا بتغيره ركب وكاله أصلي

[بدوي جنوبي]

زيت الجربكس العادي لا يغير أبداً أبداً أبداً أنما يضاف النقص فقط
زيت الدفرنس لا يغير أبداً أبداً أبداً أنما يضاف النقص فقط

زيت الجربكس العادي لا يغير أبداً أبداً أبداً أنما يضاف النقص فقط
زيت الدفرنس لا يغير أبداً أبداً أبداً أنما يضاف النقص فقط

زيت الجربكس العادي لا يغير أبداً أبداً أبداً أنما يضاف النقص فقط
زيت الدفرنس لا يغير أبداً أبداً أبداً أنما يضاف النقص فقط


:)
:)

[kal]

المعلومة هذي خطأ ومنتشرة عند اغلب الميكانيكيين وطبعا كتيب السيارة يذكر فيه فحص الزيت وتغييره عند الحاجة والوكالة تنصح تغييره كل
50الف كم وأتذكر مره غيرت زيت الدفنرس تدرون أيش لقيت؟ لقيت برادة حديد (رايش) حول مسمار التصريف بكمية كبيرة جدا والزيت أسود ومحروق مثل الفحم وريحتة الحرق تشمها بوضوح وغيرته أما بالنسبه للدفرنس الامامي كان الزيت نظيف ومليان لانه يستهلك مع استخدام الدبل فقط ولم أغيره

احب اقول للاخوان اللي يقولون الزيت مايتغير مافي شي في هذي الدنيا يدوم يعني الزيت له فترة صلاحية ولازم تغيره ولا بيعدم لك شي ماتتوقعه.واهم شي انك تنظف بقايا الزيت القديم من الكرونة قبل ماتعبيها بالزيت عشان ماتتلف التروس .

[صالح الفريح]

زيت القير والدفرنس لايغير ابدا بل يزود اذا كان ناقص الصفايه اذا حسيت بتقطيع السياره غير الصفايه

[بدوي جنوبي]

المعلومة هذي خطأ ومنتشرة عند اغلب الميكانيكيين وطبعا كتيب السيارة يذكر فيه فحص الزيت وتغييره عند الحاجة والوكالة تنصح تغييره كل

50الف كم وأتذكر مره غيرت زيت الدفنرس تدرون أيش لقيت؟ لقيت برادة حديد (رايش) حول مسمار التصريف بكمية كبيرة جدا والزيت أسود ومحروق مثل الفحم وريحتة الحرق تشمها بوضوح وغيرته أما بالنسبه للدفرنس الامامي كان الزيت نظيف ومليان لانه يستهلك مع استخدام الدبل فقط ولم أغيره



احب اقول للاخوان اللي يقولون الزيت مايتغير مافي شي في هذي الدنيا يدوم يعني الزيت له فترة صلاحية ولازم تغيره ولا بيعدم لك شي ماتتوقعه.واهم شي انك تنظف بقايا الزيت القديم من الكرونة قبل ماتعبيها بالزيت عشان ماتتلف التروس .




صدقنى برادة الحديد هى الدواء للدفرنس :D
وتكتم بلفه ما يطلع صوت .

كلامك صحيح لكن هذا في حالة الانتظام في الصيانه الدوريه
ينعى اذا انت معود السياره تغير زيوتها كل 50 الف انا معك ما يحصل اي مشاكل في القير
والدفرنس ،،،
لكن السيارات اللى مشت 100 الف او 200 ،،، اذا غير الزيت راح يظهر صوت
ولو كان خفيف .

بالتوفيق

[MjNo0oN]

خوي نصيحه لوجه الله اذا كنت بتغير زيت قير او دفرنس لاتغيره الا في الوكاله حتى لو ان الموتر كسره ومايستاهل ولو تدفع زود 100 او 150 ريال لاكن شغلهم اضمن من ابو يمن واسمع نصيحتي لاني غيرت زيت القير((عادي)) وماتم معي اسبوع الا والقير طاق والسبب نوعية الزيت الرديئه رجعت للمحل وقالي ماهو من زيتي ورحت وشكيته ولين يومك هاذا مامن منادي ولافيه حماية مستهلك والله يعوض علي هاذي 5000 طارت بسبب رفض دفع زيادة 150 ريال لاكن شغل اصمن

[راعي الطلعات]

المعلومة هذي خطأ ومنتشرة عند اغلب الميكانيكيين وطبعا كتيب السيارة يذكر فيه فحص الزيت وتغييره عند الحاجة والوكالة تنصح تغييره كل

50الف كم وأتذكر مره غيرت زيت الدفنرس تدرون أيش لقيت؟ لقيت برادة حديد (رايش) حول مسمار التصريف بكمية كبيرة جدا والزيت أسود ومحروق مثل الفحم وريحتة الحرق تشمها بوضوح وغيرته أما بالنسبه للدفرنس الامامي كان الزيت نظيف ومليان لانه يستهلك مع استخدام الدبل فقط ولم أغيره



احب اقول للاخوان اللي يقولون الزيت مايتغير مافي شي في هذي الدنيا يدوم يعني الزيت له فترة صلاحية ولازم تغيره ولا بيعدم لك شي ماتتوقعه.واهم شي انك تنظف بقايا الزيت القديم من الكرونة قبل ماتعبيها بالزيت عشان ماتتلف التروس .


كلامك سليم اخي الكريم

انا مغير زيت الدفرنسين الامامي والخلفي وكذلك زيت القير والحمدلله بس يبيلك ميكانيكي امين في الزيت وفي التغيير

والله ييسر امرك

[العسكري]

أخي الحبيب ... زيت القير وزيت الدبل والدفرنس يغير ... وأنا أغيره كل 40 ألف من يوم طلعت السياره من الوكاله كما هو مذكور في كتالوج السياره لأنني أستخدم سيارتي للمقانيص أي( قياده شاقه )ولم أجد مشاكل . ولكن أذا لم تغير الزيوت المذكوره لمده طويله أول بأول فأنصحك لا تغييرها بل أضف أليها الناقص فقط لأن تغييرها بعد فتره طويله سوف يؤثر على الدفرنس ويعدم الكارونه .بارك الله فيك.

[كريم الطباع]

اشكر الجميع على اسداء النصيحة كل باسمه السيارة لاند ماشي قرابة 180000
يتلخص لي من كلام اكثر الاخوان ==== اني ما اغير هالزيوت والصفاية تقريبا كل 50000كم او اذا احسست بالتقطيع
ومن كلام kal اني اغير هالزيوت بشكل دوري ويؤيده راعي الطلعات
والعسكري يقول اما تغيره دوري ولا لاتغيرة

بصراحة حرت لكن اكثر الاخوان على عدم التغيير

[راكب الشفر]

نصيحتي لك مدام موتر ماشي 180000كم فلاتغير زيت الدفرنس زيده وبس

انا سيارتي صافقه ال450 ألف كم وماقد غيرت زيت الدفرنس
بس اغير زيت الجير كل 40 ألف من طلعت الموتر من الوكالة

[كريم الطباع]

ماشاء الله دام هذا ممشاه ولاجاه شي ان شاء الله مب ضار
لكن قيرك عادي ولا تماتيك

[كريم الطباع]

اشكر الجميع على تفاعلهم
وانتم اهل فزعة يا اهل مكشات

[musting 2002]

لا تغيــره أبد

[sadoon]

زيت الدفرنس من يتغير راح يضرب حتى لو بالوكاله وصارت مع واحد من الشباب من تغير احسب له شهر حسب استخدامك وهذا شي اكيد....... فقط تزيده اذا ناقص

اما القير ماعتقد انه يتغير نفس الوتوماتيك السبب لان مافيه بواجي وحرق زيت مثل المكينه كلها دسك وصحن