من عندة قصيدة في ...........

[قرقاص مع شاهي]

السلام عليكم ورحمة الله وبركاته

مساكم الله بالخير يالربع ...........

ياليت لو أحد يفيدني بقصيدة لأي شاعر حول مخاواة الصاحب والرفيق وحرصك عليه أنه يكون معك في سفرتك ولا في طلعت للبر ؟

[محب الشمال]

القصايد كثيرة
قصيدة راكان بن حثلين (يا ما حلا الفنجال)
________________________________________
يا مـا حلا الفنجـال مـع سيحةالبـال= فــي مـجلسن ما فيــه نفسه ثقيـله
هـذا ولــد عـم وهـــذا ولـد خال= وهذا رفيق مـا لـقـيـنـا مـثـيلـه
يـا لـيـت رجـال يـبـدل بـرجــال= ويا ليت فـي بــدلا الـرياجيل حيله
يـا بـو هـــلا طير الهوى خبث البال= الطـيـر نـزر والـحـبــارى قـليله
يـا الله يـا الـلي طـالبه مـا بـعد فال= يا اللي مــن الضـيـفـات نجى دخيله
أفــرج لـمـن قـلبه غـدا فيه ولوال= والنوم ما جـــــا عـيـنه الا قليله
لا مـن ذكـرت ارموس عصر لنا زال= شـوف الـفياض وفقد عـــز القبيله
يـا زيـن شدتهـم آليـا روح الـمـال= يتلـون بـراق حــقــوق مـخيلـه
يســقـى خصيـفا والثمان أرضها سال= مـرتـع معطره السيــــوف الصقيله
عـجـمـان لا ركـبـوا على كل شملال= يفرح بهم راعـــى الـنـياق الهزيله
مـن جــو سـاقـان إلى السيف همال= وينوش حسنــــا والـرديـفةهميله
ولا قــادنـا مـن يـمـه الـقفر خيال= يـصـبح شديد البدو عــــجل رحيله
قــاد السـلـف واستجنبوا كل مشوال= والعصر يا محـلا تخيبـط نـزيــلـه
وإن شرف البادي عـلى روس الأقـذال= والـمـا كـثـر الـــزول زود جفيله
تـلافـحـت مـا بينــا شهـب الاذيال= ومن ضيع الـــمفتاح يـا عـزتى لـه
ركـبـوا على طوعاتهم كــل عيــال= وكل لبلج يحـرى بـكــــسب النفيله
تـغانـموا المـفزاع ذربيـن الافعــال= مـن قبـل تسبق غارة تنثنـــى لـه
يبغون طوعـه روسـهن قبل الادمــال= وتـغانمـوا خلف كــثـير هـجيلــه
وحال الكمى مــن دون عطرات الاجهال= ومروا ولحقوا مقحــمين الدبيلــــه
واللــى تريض عقبهم يلبـس الشــال= من صنــع داود دروع ثقيــلــــه
يلزم عليهم علة عـقب الانـهــــال= ومن غارته لـزم يـضيع دليـــلــه
والدم مـن قحص الرمـك يثعل اثعــال= يزعج عــلى وروك السبايـا وشيــله
هـذى براعيها مـن المعرقه مـــال= وهـذى شكـلها مطرق مــا تشيــله
من وقـع كـل مجرب قدله افـعـــال= وفـروخ صـاد الحبارى فـصيــــله
ولـيـا ركبنا فوق عـجــلات الازوال= وبايمنـا حـدب السيوف الصقيلــــه
ومـا حـن نحسب لا شتـبك عج واكتال= وتـرك صـبى يفتنع الفــشيــلــه
وصلاة ربي عـد مـا زايـــــل زال= على نبى الحـق راعـى الفــضيــله

[قرقاص مع شاهي]

بيض الله وجهك ياطير الشمال وما قصرت

[بن محارب]

بسم الله الرحمن الرحيم
والله ياخوك القصيد ضاع لكن عندي بيتين من قصدتين
((أحذر رفيقك يالسنافي أتناساه ... ترى الجفاااا عقب الوفاااا عندنا عيب )))
....
وهذا بيت
.....................
أنا رفيقك ليا جفوك المخاليق ... حتى الجرايم لو تبي نرتكبها
.................................................. ....
حسب نطق البدوية الشمالية .................
تحاياي لك

[جرير]

الله يرزقنا وياك بالخوي السنع اللي يونسك ان قعدت ويعاونك ان مشيت ويدلك ان غديت ويرشدك ان غويت وووو الخ

والحقيقه اني مستعجل لكن انشاء الله نجيب لك قصيده تسرك في القريب العاجل
وهالبويتات تمشي الحال.

ولنا لقاء انشاء الله




الخوي نقضي لزومه بالمطاعه=يوم ولد اللـاش مايرضي خويه


كل حي يفتخت عقب اجتماعه= ينمحون اللي مذاهبهم رديه


التمتع بالشرف لو ربع ساعه= خير من عمر طويل فيه سيه










يا ما حلا الخوه مع طيب الناس= دايـم خويـه ينفعـه ما يضـره

يفرح الا شافه سليم من الباس=وان غاب يسال عنه ولا يمره

هدا هو اللي خوته ترفع الراس=والطيب مع مثله يزيدك مسره

[قرقاص مع شاهي]

مساكم الله بالخير يالربع بعد السلام


ما منا من الطلطلة .....













ياليت تكفون من غير أمر أبي قصيدة في الخوي الي انت حريص أنه يسافر معك وتبي تعطيه أبيات تحفزه فيها على مخاواتك وتبين فيها حرصك على أنه يكون خويك في الطريق

أكون لكم من الشاكرين ،،،

[ولد سليمان]

السلام عليكم ورحمة الله وبركاته.....
روعتنا اخوي قرقاص مع شاهي جاي امشي الف قلت الدعوي فيها فك ارقاب نبي نفزع

بس السموحه ياخوي تراني ماعرف اقول بيتين على بعضهن وشلون عاد اكتب شعر

شف خوينا.... ريف النشاما يبرد تسبدك بالشعر

[راع الكحيلة]

قل له ؛

يا خوي أنا بخاويك لأن هذا البيت ينطبق تماما عليك ..




رافق رفيق(ن) رفقته تفرق بفرق=عن رفقة اللي رفقته مثل فرقاه


مدح قد يأتي بثماره :)

[قرقاص مع شاهي]

أخوي محارب وأخوي جرير الله يعطيكم العافية ومشكورين على مروركم

[قرقاص مع شاهي]

أبو سليمان :

حلوه جاي تمشي ألف ( زين الي ما ضري عليك كفر ) مشكور أخوي

راعي الكحيلة : ماقصرت وعساك سالم

[{السبيعي}]

سلام عليكم ورحمة الله وبركاته

ياما حلا رفقة رفيق الاجواد

رفيقك اللي ماتلاقي مثيلــــه
عزا ورفقه وجيه وســـرداد

وخويك النشمي ماتلاقي مثيله

[جرير]

خلوها

انا عندي اقتراح بس اخاف تزعل

ترا الخويا هالايام عمله نادره

عليك بلك هندي خذه معك للبر والله نعم الخوي يغسل ويخم ويسوي كلش ويمكن يقنص بعد
وتراهم سريعين بالركض
حنا هالايام اذا ركض عشرة متر جاك يناسم لو نطرد سلحفاه يمكن تسبقنا

لا تزعل تراها مداعبه لني مالقيت طلبك
سامحنا يا قرقاص

تسلم

[قرقاص مع شاهي]

أخوي السبيعي أشكرك