الحراره ترتفع والسياره بارده

[/ غير البشر /]

السلام عليكم ورحمة الله وبركاته

ياشباب اتمنى تفيدوني بحل للمشكله هاذي لانها من جد ضيقت صدري

اصحا الصباح ابروح العمل على الساعه 5 ونص يعني ما فيه شمس ولا حراره ولا شي

اشغل السياره الا الحراره فوق النص . . صارت معي قبل اسبوعين وغيرت البلف ولا ضبطت بعدها رحت سويت تسيخ لرديتر وضبطت معي لها اسبوعين بس فيه ملاحظه انه كنت بأي وقت اشغل السياره تطلع الحراره على النص صبح ولا ليل ولا عصر ولا اي وقت والملاحظه الثانيه انه اول ما سويت تسيخ كان تمام اول يومين اول ما اشغل ما ترتفع ولا شرطه وشوي شوي ترتفع للنص وبعدها صار بأي وقت ترتفع للنص ما دققت قلت مدام ما تتعدى النص مو مشكله.. والحين اشغل السياره على طوووووول ترتفع لفووق االنص

مع العلم اني لقيت سير الدينمو مشروط شوي هل هاذا يسبب ارتفاع للحراره ؟

اتمنى تفيدوني الله يجزاكم خير

[بو خليفه]

سير الدينمو لا علاقة له الا اذا كان سير واحد

لكن شيك على عداد الحرارة انه صح وشيك على ماء الرديتر ان السيارة فعلا ساخنة من خلال هوز الرديتر يكون منتفخ ولايمكن ضغطه باليد

شيك على مؤشر الحراره داخل الماكينه

[قرناس نجد]

يالحبيب مساك الله البخير شف وانا اخوك تأكد


من الماء اذا كان ينقص ولا لا واذا كان ينقص هذا يا تهريب الاديتر او الطبه حقت الاديتر


شيك على المراوح تأكد منها احتمال يكون الدينمو عطلان وخصوصا حقت المكيف

[بن عيد1]

يمكن البلف مقفل
شيك على المروحه
شيك على الثلاجه يمكن فيها تهريب
شيك على الاديتر والقربه
يمكن الاديتر كاسب هواء
شيك على امبير الحراره يمكن مخبط

[/ غير البشر /]

البلف مغيره
المروحه مشيك عليها ما شاءالله قويه ولا فيها شي
اللديتر ميه ميه ما فيه شي ومليان مويه
قربة المويه مالها غطاء بس بس ما اعتقد ان مشكله مثل كذا منها
الليات عادي احسها

وش الحل؟

[/ غير البشر /]

عداد الحراره كيف اشيك عليه ؟ واعرف انه يقرء صح

وترى انا ما اشغل مكيف يا شباب وسيارتي مازدا 2000 - 323

[رفيع المقآم]

افا وشلون قربه الموياء مالها غطاء هي المشكله
بعدين شيك على حساس الحرارة هو اللي يعطيك قراءةالحرارة فيه حساسين واحد بالكوع والثاني بالثلاجه شيك عليهن
شيك على طرنبه الماء والسير اذا ماكان مشدود زين تراه يسبب حرارة لان طرنبه الماء ماتدور بسرعه والدينمو مايعبي البطاريه عشان يشغل المراوح شيك على هذي الاشياء

[white heart]

شيك على المراوح ترى البلى فيها

[مركز حراره]

افصل سلك حساس الحراره ولمسه بسالب شف يتحرك معك الامبير تمام ولا
عندنا جهاز يفحص الحراره ليزرمجــــــــــــانا

[تناساني]

شف اخوي اذا تقول ان الحراره ترتفع والسياره بارده

شيك على الفيوز صارت بسيارة ولد عمي
ما راح تخسر شي

[/ غير البشر /]

الله يجزاكم خير يارب

ابشركم يا شباب تقريبآ الحل قربنا نوصله انا حسيت ان الحراره مو مرتفعه بس العداد يقرا خطأ وسويت تجربه ومشيت فيها وشيكت وطلعت مو مسخنه ومشيت بعد خط طويل وشيكت نفس الشي وخلصت مشاويري والحراره بلطبلون مرتفعه

ووقفت وشيكت وكل شي تمام ماهي مسخنه السياره والليات مو محجره ولا شي وفكيت الغطا ولا فارت المويه ولا شي بس العداد يقراء خطأ

وش الحل الحين عشان اخلي العداد يقراء صح ؟

[صالح الفريح]

يوجد لديك التماس بالكهرباء او احد الاسلاك مفصول من موقعه يعنى المشكله لديك كهرباء فقط

[/ غير البشر /]

الله يجزاكم خير يارب

بكره ابروح كهربائي واشوف وان شاءالله يطلع كهرباء او شي بسيط

الله يكتبلكم الاجر

[رفيع المقآم]

يالغالي اقولك من اليوم شيك على حساس الحرارة ولو المنتدى يسمح عطيتك رابط بمنتدى ثاني يشرح الاماكن والطريق تفكه وتغيره بمفك اسطوانه انا مغير حق الفورد بيدي ما يحتاج شي

[faris2006]

غير حساس الحراره في المكينه

[مركز حراره]

افصل سلك حساس الحراره ولمسه بسالب شف يتحرك معك الامبير تمام ولا
عندنا جهاز يفحص الحراره ليزرمجــــــــــــانا


هل طبقت الطريقة اللي قلت لك سابقا؟

[سليمان 10]

ركز على حساس الحراره 000