ابشركم بشتري قارمن 276سي بس عندي كم سؤال بروح بكرى ان شاء الله اشتريه اذا جاوبتوني

[نشمي2]

بسم الله الرحمن الرحيم
قررت اشتري قارمن للبر و للبحر و المدينه >>> مره وحده
المهم مالكم بالطويله لقيت لي قارمن 276 سي
وش فيه عيوب ؟؟
يعني البطاريه تخرب على طول ؟؟
و استقبال الاقمار سريع ولا بطئ ؟؟
و هل تنصحوني فيه ولا لا ؟؟
و هل ينفع انزل له خرايط من النت زي النوفي ؟؟
و اخر سؤال كم سعره اذا كان عربي ؟؟ او انقليزي ؟؟
و العيوب يا ليت تقلون لي عليها قبل لا اشتري و اتورط
و انا اسف من كثرت الاسئله اذا كانت طويله
مع الشكر مقدما
اخوكم عبدالله

[نشمي2]

يا كافي15مشاهده ولا حتى رد واحد نصيحه ولا دعاء

[غرة سهيل]

يارجل توكل على الله

الجهاز غني عن التعريف

وتبي يطمأن قلبك ابحث عنه بقوقل مكشات وراح تكتشف الكثير

[ابو سعود الغامدي]

الله يهنيك به وذا شريته خبرني عنه بعد ما تجربه لاني ادورلي هالايام على قارمن لاكن مدري وش اشتري وبيه حق بر اذا جربته بالبر خبرني والله يعطيك خيره ويكفيك شره ويكتبلك مافيه الخير

[ابو...فهد]

افضل جهاز قارمن موجود حت الان

يعني خذه وانت مغمض:)

والله يطعمك من خيره ويكفيك شره

[ابو عمر النوح]

بالنسبة لجهاز الــ 276 يعتبر قمة الهرم في أجهزة القارمن و بالنسبة لي ما أقارن أي جهاز بــ 276 عملي ، قوي . . . ، و لكن أنا عندي بعض الملاحظات أتمنى من الشباب يفيدونا عنها بأذكر منها ملاحظتين :
1 . حسب معلوماتي إن الجهاز توقف تصنيعه ، و أنا أعتبر هذه مشكلة ، لأن المفروض إن جهاز القارمن يبقى مع راعيه 10 ـ 15 ـ 20 سنة و لا يفرط فيه و إذا وقف تصنيع الجهاز قد يقف تصنيع قطع الغيار و لو استهلكت بطاريتك و خربت بلشت بالجهاز إذا ما له قطع غيار . مثل البطارية أو الشاشة أو غيرها .
2 . كرت الذاكرة في 276 غالي جدا آخر علمي بقيمة الذاكرة 64 ميقا 200 ــ 300 ريال ، بينما كرت ذاكرة النوفي ( 2 ) قيقا = 2000 ميقا بحوالي 50 ريال .


و بالنسبة للعيوب أنا ما أشوف فيه عيوب إلا كبر حجمه بالنسبة للنوفي .
و تقدر تنزل عليه خرائط
و سعره هذا هو المشكلة لأنه انقطع تصنيعه ارتفع سعره بزيادة أذكر إني شريته قبل عدة سنوات جديد مع الخرائط 2200 أو 2400 ريال أما الآن يقولون ما تلقاه جديد بــ 4000 ريال و أنا ما ني متأكد من سعره و لكن شفت مستعملات عند العامة مخرج 12 في الرياض يقول بــ 2200 و 2300 ريال .

[sab770]

276 ماعليه كلام في البر بس
اما كانك تبيه في المدينه ما يصلح لانه غالي ويكفي عنه النوفي
لكن لا يضيق صدرك اذا عرفت سعره جديد وما ابي اقولك خلها لك مفاجأه
وبالتوفيق

[نشمي2]

اشكركم واحد واحد والله ما خاب ضني في رجاجي مكشات و ان شاء الله بشتريه و الي محمسني اكثر ان السعر مغري و انا صراحه ابيه للبر و المدينه و البحر
مع الشكر

[tammam]

بسم الله الرحمن الرحيم
قررت اشتري قارمن للبر و للبحر و المدينه >>> مره وحده
المهم مالكم بالطويله لقيت لي قارمن 276 سي
وش فيه عيوب ؟؟
يعني البطاريه تخرب على طول ؟؟
و استقبال الاقمار سريع ولا بطئ ؟؟
و هل تنصحوني فيه ولا لا ؟؟
و هل ينفع انزل له خرايط من النت زي النوفي ؟؟
و اخر سؤال كم سعره اذا كان عربي ؟؟ او انقليزي ؟؟
و العيوب يا ليت تقلون لي عليها قبل لا اشتري و اتورط
و انا اسف من كثرت الاسئله اذا كانت طويله
مع الشكر مقدما
اخوكم عبدالله
انصحك تبتعد عنه لانه محدود الذاكرة والامكانيات والميموري غالية ومحدودة اذا انت راعي بحر اظن اوريقون انسب شي لاهل البحر ولا تستعجل

[عابر الموج]

اخوي 276 افضل جهاز وانا قد استخدمته ولايوجد عيوب فيه ولكن اكتشفت فيه سابقا الترك حيث اذا تعدت الذاكرة 7% لايحفظ الخط وقد استبدلوه لي بعدة اجهزه جديده من قبل دار موجة وبعد ذلك تم الكشف الخلل من خرائط دار موجه لانها كانت منزله بطريقة خاطئه وقد اقتنعو وعدلو الخراائط ولان ميه ميه والي معه جهاز من الاخوان ولم ينزل الخرائط من سنتين رايح يلقى نفس المشكلة التي واجهتها وانصحه بتنزيل الخرائط الحديثه تقبل تحياتي