فقط لاصحاب اللاندكروزر 2008-2009-2010 [الأرشيف]

مشاهدة النسخة كاملة : فقط لاصحاب اللاندكروزر 2008-2009-2010

ابو العز بلس

23/07/2010, 02:11 PM

السلام عليكم ورحمة الله وبركاته

اعزائي اعضاء المنتدى وبالاخص مستخدمي مفخرة الارض

كثر في الاوانة الاخيرة الكلام عن اعطال وعيوب مفخرة الارض والمشكلة ان من يتكلم في عيوبه
لم يجرب المفخرة بنفسه انما سمع من شخص اخر او قرا في الانترنت وغير ذلك ونريد ان نجعل في هذا الموضوع فصلا في هذه المشكلة .

بسم الله نبدأ

اذكر موديل سيارتك و فئتها g ' gx ' gxr...الخ
وهل اشتريته وكالة والا مستعمل
واذكر المشكلة واذا كان هناك سبب مثلا احتراق الكلتش السبب غرزت ولاعشقت الدبل وغير ذلك
ارجو التفاعل كي نعرف الحقيقة عن مفخرة الارض
توكلوا على الله

وشكرا لكم

بعيد الهقاوي6

23/07/2010, 02:48 PM

sab770

23/07/2010, 02:51 PM

لا إله الا الله

- النشمي -

23/07/2010, 02:54 PM

اخوي حيدون الله يجزاك خير

اذا منت مصدق كلام اخوانك الله لايهينك رح جرب الموتر بنفسك

وان شاء الله نستفيد من تجربتك

ابو العز بلس

23/07/2010, 03:18 PM

اخوي الفاضل بعيد الهقاوي اولا مشكور على الرد الجميل
ثانيا انا ماكذبت احد وياليتك قبل لاترد على الموضوع تكون فاهم وش القصد ووش الهدف من الموضوع قبل لاترد واذا مارديت يكون افضل بس الحمدلله على كل حال لعلها خيره ان شاء الله

على العموم

انا اقول واكثر ما اسمع واشوف ان كل اللي جرب المفخرة مايذمه ويقول فيه عيوب واذا سالت شخص مجربه وهو يكون صاحب المفخرة يمدحه واذا سالت واحد مايعرفه يذمه وانا صراحة ماشفت احد يذمه من اللي حولي بس اني استغرب اكثر الشباب في النت يذمونه مادري ليه

صحيح والحمدلله اني مقتنع ان المفخرة مافيه شيء والكامل وجه الله
بس قصدي ان اكثر الاعضاء يكونون على بينه مايكونون مثلي اول متخبطين مايدرون وش الصح من الخطا خاصة اللي ناوين انهم يشترونه ان شاء الله
وموضوعي مخصص لمستخدمي المفخرة فقط واللي يفهمون الموضوع بعقولهم مو بعواطفهم

اخي بعيد الهقاوي اذا لم تحترمني ولم تحترمني وتحترم موضوع احترم الاعضاء وردودهم لان فيه ناس اولى بالكلام منك...

بدوي جنوبي

23/07/2010, 04:06 PM

هذا بدل ماتقول جزاهم الله خير نقلو تجاربهم وخبراتهم لاخوانهم

تحذير
ارجوا منك احترام اعضاء مكشات
اذا صدر منك اى مخالفه
سيتم ايقاف عضويتك نهائيا
آخر تحذير

بدوي جنوبي

23/07/2010, 04:09 PM

تم حذف بعض الردود
ونعتذر لاصحابها

اليكي

23/07/2010, 04:18 PM

تم اقتناء 2010gxr V8 قبل اكثر من 6 شهو ... وكان ماشي 3000
والان ماشي 13000 ولله الحمد والمنه موتر 100 %

وهاذا طبعا بعد تجربتي للعديد من المواتر

ولا ارضى بغير المفخرة بديل .

وكان سبب اقتنائي له = صديق لي كان معه 2008 Gxr V8وكان رجل راعي مقانيص واشوف عمله بالسيارة وكان رجال رجله ثقيله ولا يهتم بالسيارة نهائيا .. وبمجرد رجوعه يغسل السيارة وتطلع جديده ولا فيها اي شي وموتره ماشي الان فوق الـ100 ولااشتكى من اي خراب نهائيا وهاذا الي شجعني اني اقتني هاذه المفخرة ...

وبالنسبة للي قلته انه كثرة في الاونه الاخيرة كلام عن اعطال بعض الجيوب ومنها المفخرة ... >> زي ماقلت اخوي كلاااااام

لكن تبقى التجربه هي خير برهان ..

وشكرا لصاحب الموضوع ...

عابر الموج

23/07/2010, 05:59 PM

اخوي الله يعطيك العافية على الموضوع بالنسبة لي املك المفخرة م 2009 ولم الاحظ اي شي يذكر تقبل تحياتي

فايف استار

23/07/2010, 06:58 PM

اخوي حيدون كلامك سليم طال عمرك...

لك كمن يوم اشوف مواضيعك كثرت عن الاند هههههههه ...لاتحتار ولاتعكر مزاجك الموتر مافيه كلام من ناحيه القوه والتماسك والمتانه سواء جي ولاجي اكس ار كلها سيارات حلوه ..من ناحيه الاعطال هاذا تعتمد على المحافظ على موتره وبعدين كل السيارات تعطل مافي مواتر ماتعطل ...بس الاند تقريبا افضل من غيره وقليل اعطاله من ناحيه المستخدم ومن ناحيه تصنيعه ماشاء الله عليه كامل والكامل وجه الله خالي من العيبوب والاخطاء مثل كهرباء قير مكينه الخ ..شغلهم فيه دقيق ماشاء الله عليه مجرب بالبر والخط ...عيبه الوحيد ثقيل مره اقصد جي اكس ار....وانت لاتستعجل فكر على راحتك المهم تاخذ الموتر بعون الله وانت راضي عن نفسك واختيارك وعن موترك..يعجبني فيك اهتمامك وتساؤلاتك بكل شي بالسياره ...ماشاء الله عليك

العسكري

23/07/2010, 07:25 PM

أخي الحبيب حيدون... كلامك صحيح صدقني وأنا أخوك معي لاندكروزر موديل 2009 جي أكس أر قير عادي ماشي فوق 42 ألف كيلو وأقنص به ما شفت منه ما يعكر المزاج بفضل الله . بارك ا لله فيك.

المساجدي

23/07/2010, 07:46 PM

الله يجزاك الف خير اخوي صاحب الموضوع

طيب انا عندي استفسار لاصحاب الجي اكس ار ال6سلندر فقط هل فعلا فيه صوت تكتكه في المكينه

لانه يقولون انه مالها حل وموجودة في كل الV6

ابوطاقية

23/07/2010, 10:29 PM

كانو الناس متخوفين بداية الموديل الجديد من المفخره 2008 من العيوب التصنيعيه وهي تحصل بجميع الشركات المصنعه لاكن قلب الموازين وصار الاقبال عليه منقطع النضير
اذكر قبل مده واحد عنده Vxr 2010 ومعروض للبيع بموقع حراج وكان ماشي 260 الف تقريبا مشي خيالي بثمانيه شهور وحسب صاحب السياره انها ماتشتكي من شي
هذا اعتبره اكبر اختبار بمده قصيره كذلك لاتنسي ان مكينة V8 والقير صارت بالخدمه لها 10 سنوات من موديل 98
وهذا اكبر دليل على انها عمليه جدا

سليمان 10

23/07/2010, 10:43 PM

مداخله ياشباب 0العيوب في موديل 2008 م وبالتحديد في مسامير الكفرات لان واحد من الشباب معه جي اكس آر 2008 اف 8 وتم استدعائه من قبل الوكاله بعد فتره قصيره جدا من شراءه 0وآسف على الازعاج يااهل المفخره 0الله لنا 000

ابو العز بلس

23/07/2010, 10:44 PM

اشكرك اخي بدوي جنوبي على تحذير العضو بعيد الهقاوي وعدم ايقاف عضويته فهذا ان دل فهو يدل على حلمك وجزاك الله خير

ابو العز بلس

23/07/2010, 10:46 PM

شكرا لكم على ردودكم الجميلة وخاصة ردود مستخدمي المفخرة فهي اكبر دليل على جودة او رداءة السيارة
وسنلاحظ باقي الردود ان شاء الله تعالى

ابو العز بلس

23/07/2010, 10:48 PM

[quote=فايف استار;4920729]اخوي حيدون كلامك سليم طال عمرك...

لك كمن يوم اشوف مواضيعك كثرت عن الاند هههههههه ...quote]

صادق اخوي الغالي فعلا انا ناوي وان شاء الله ان الله يسر الامور ان اخذلي واحد بس من كثر ما اقرا عنه في النت خفت لكن الان مع ردود المستخدمين فهي تطمن بخير ولله الحمد
واسال الله العظيم ان يرزقنا جميعا

ابوالعبادل

23/07/2010, 11:59 PM

مشكور اخوي على الموضوع عندي والدي معاه 2009 vxr الحمدالله ما فيه شي وما شاء الله يسوقه كذا شخص ومكد ود والحمدلله ما عليه خلاف

ابو العز بلس

24/07/2010, 05:54 AM

الله يعطيك العافيه يالغالي ياابو العبادل على المشاركة

ساري 111

24/07/2010, 09:39 AM

الموتر ماعليه كلام ولعلمك تحتي الموتر اضخم وأفضل من القديم بمراحل

ولايهمك كلام المرجفين والخراطين هذولاء تقدر تقول في انفسهم حقد وحسد وغيره على النجاح اللي حققته هالسيارة ومالهم وسيله إلا خلق الاشاعات

ابو العز بلس

24/07/2010, 10:24 AM

بيض الله وجهك اخوي ساري والحمدلله لازالت الردود اجابيه جدا جدا جدا ولله الحمد
وننتظر المزيد باذن الله تعالى

ابو محمد 98

24/07/2010, 03:40 PM

السلام عليكم
ماهي افضل وكاله لبيع المفخره يمدحون عمان وكالة البريمي

fahad86

24/07/2010, 05:27 PM

السلام عليكم ورحمه الله وبركاته بصراحه موضوع جميل تشكر عليه اخوي .. بالنسبه لي انا احد ملاك جي اكس ار ٢٠١٠ ولايوجد فيه عيوب الي الان ولله الحمد ...
وولد عمي معه ٢٠٠٨ سعودي اشتراه مستعمل ولايوجد الاعيب واحد فقط وهوو تانكي البنزين فقط اذا صار فاصي الموتر وعباه يعبي الي عشرين ولاعاد يقبل زياده ... ويروح للمحطه اللي بعدها علي طول ويكمل التعبيه ويعبي معه ....
علما انه حاول اصلاحه لكن مااحد عرفله حتي وكالته للاسف

ابو العز بلس

24/07/2010, 08:24 PM

ابو رشيد

24/07/2010, 09:56 PM

الله يجزاك الف خير اخوي صاحب الموضوع

طيب انا عندي استفسار لاصحاب الجي اكس ار ال6سلندر فقط هل فعلا فيه صوت تكتكه في المكينه

لانه يقولون انه مالها حل وموجودة في كل الV6
فعلا هالصوت موجود بال v6 من وكالته وان شاء الله انه ما يأثر

سواح الحجاز

24/07/2010, 11:53 PM

يعطيك العافية

رقم صفر

25/07/2010, 04:56 AM

ملك الإحسآس

25/07/2010, 08:27 AM

تم شراء لاندكروزر موديل 2009 رقم 3 فل كامل سته سلندر
الموتر كمل سنه معي وماشي الان 44 ألف
ولله الحمد والمنه ما اشتكيت منه أبد ، موتر يطربك
نصيحه لا تتردد بإقتنائه
وصوت الطقطه اللي فيه هذا نظام المكاين الجديده نظام VVTi
لو تلاحظ نفس الصوت في الإف جي والفورتشنر والبرادو
موفق

ابو العز بلس

25/07/2010, 12:01 PM

بيض الله وجيهك وجزاكم الله خير على التزكية والان يحق لنا نعترف بان المفخرة ليس فيه مشاكل مثل غيره

واشكرك ملك الاحساس على هالشهادة كثر الله خيرك

ولازال الشهادات ان شاء الله شهادات جميلة وتقارير رائعة ولله الحمد
وليستفيد من كان ضد المفخرة خاصة من ردوا في اول الموضوع

احب الحيا

25/07/2010, 12:31 PM

السلام عليكم
صباح الخير
اخوي الواحد مهوب رايح يشتري سياره ب140 الى 160 الف عشان يقول جرب واحكم
عشان كذا انا اشجع هالموظوع سواء للنيسان او التايوتا
عندنا في الشركه ثلاثه جي اكس 8سرندل يخبث فال ام الموتر
ونضام الشركه عندنا اهم شي لا تسوي حاث يعني البدي لايجيه شي
اثنين الفين وثمانيه واحد الفين وعشره
الموتر لا يعلا عليييه مع العلم انه 24 ساعه شغال ومع سكرتيه وفي بر
يوميا لازم يمشي الموتر 700 كيلو وياطيبه اذا ((طفا)) له ساعه ونص متواصله
طبعا الصيانه كل 10 آلاف كيلو تغيير زيت وتشييك
لاحظ كل 10 آلاف كيلو الصراحه الموتر حلو لاكن يعيبه قيمته
شكرا لك عالموظوع الي يفيد الشخص اذا بغا يشتري له موتر
شوكرن

راكان 11

25/07/2010, 02:51 PM

انا شريت لي 2008 ماشي 50 الف
سته سلندر قير عادي
ولا لقيت به اي عيب
ومن ابدع ما يكون والحمد لله

fahad86

25/07/2010, 05:12 PM

وعليكم السلام ورحمة الله وبركاته

اشكرك اخوي فهد على المشاركة

ثانيا مشكلة خويك تدري وشي انه يعبي البنزين واليد حقت الطرمبة على اسرع شيء والتانكي يصير مليان هوى فعشان كذا مايقبل لكن خله قبل لايعبي يوقف السيارة على الاقل خمس دقايق بعدين يعبي ويخلي المسدس على الخفيف مرة وراح يقبل منه ان شاء الله

بس ابي اسالك اخوي فهد اللي معك جي اكس ار 6 والا 8 سلندر واذا 6 عادي والا اوتو
السلام عليكم اخوي حيدون لا اللي معي 8 سلندر ... بالنسبه لاولد عمي وقف مره عشر دقايق ونفس المشكله ومره انا من قمت بتعبئته وحطيته علي نمره واحد اقل شي ونفس المشكله لما يعبي بعشرين خلاص يدالي يقفل تقل انه فل عبي

ابو العز بلس

25/07/2010, 09:28 PM

الله يعطيكم العافيه على المشاركات

والله شيء غريب اخوي فهد بس علىالعموم الله يكون في عونك ويسهل امرك

الخِيال

25/07/2010, 11:24 PM

الموتر شاريه وكاله من اليحيى 2008
6 سلندرودايم في النفود ومركب عليه بوالين 17
الخرابات
يوم كمل الموتر 100الف بداى يخرب دينموا الدبل الخفيف والوكاله ماتبيعه لحاله تبيع الثقيل معه ولقاه1780ريال
وتوكله على الله وغيرته.
والصدام الامامي غثني بعد ولا ارتحة الا الين ركبة يايات استراليه ودعامه قدام.

اما الموتر مايعلى عليه في الخط والبر
وان سان عندك نية تشتري توكل على الله واشتر

ابو العز بلس

26/07/2010, 04:59 AM

شكرا لك يالخيال على المشاركة

والله ييارك لك فيه يارب

sa3d

26/07/2010, 10:45 AM

حياك اخوي صاحب الموضوع واهنيك على اسلوبك مع الاعضاء واحترامهم وعسى الله يكثر من امثالك
وانا قد اخذت موتر عمي 6سندر بريمي 2009 وسافرت عليه الكويت والصراحه صرفيه حلوه جدا ومريح في الخط والثلاجه جدا ممتازه ....

ابو العز بلس

26/07/2010, 12:07 PM

حق واجب اخوي سعد وجزاك الله خير

طيب كيفه مع الهوى في الخط يلعب

الخِيال

26/07/2010, 05:42 PM

لاماشاءالله راسي

ابو العز بلس

27/07/2010, 05:04 AM

ماشاء الله تبارك الله

الله يبارك لك فيه

-الساري-

27/07/2010, 07:03 AM

الله يعطيكم العافيه جميعاً ،،،،

ابو العز بلس

27/07/2010, 08:26 PM

الله يعافيكم ويعطيكم العافية

مالوكو

27/07/2010, 10:55 PM

السلام عليكم....معى 2008 .....6 سرندل وارد اليحيى ماشي الان 150 الف ولا يوجد مشاكل ولله الحمد

ابو العز بلس

28/07/2010, 10:04 PM

ماشاء الله تبارك الله اخوي مالوكو

مع انهم مايمدحون الستة سلندر بالله كيف عزمة ووشلونه من ولد في البر والخط

مغيضة

29/07/2010, 03:50 AM

السلام عليكم ورحمة الله وبركاته
اسعد الله صباحكم بكل خير
أنا معي vxr 2009 بريمي فل كامل وجميع المواصفات
فيه بعض العيوب بنظري
الاول
بالخط صوت الهوا شوي مزعج
الثاني
ماهو راسي مثل الـ 2007
الثالث
الصدام الامامي رفع ضغطي ينفك مع الجهة اليسرى مع اني غيرت الكرسي حقه ومع ذلك رجع مثل أول ورحت لوكالة البازعي ولقيت المهندس فؤاد وسألته عن هالمشكلة وقال عندنا وعندك خير تعال افرجيك على الجيوب اللي عندنا بالورشه والهايلكسات اغلبها فيها نفس المشكله
ويوم شفت السالفه كذا ارتفع ضغطي زود
موتر يشريه الواحد بأكثر من ميتين ألف وما مشى أكثر من 50 ألف كيلو ومع هذا يتفكفك الصدام من الهوا
الرابع
التانكي مايعبي عندي مثل اول يعني فوق النص بشوي ومالقيت له حل
واللي عنده حل يفيدنا الله يجزاه الجنة

خيال النفود

30/07/2010, 01:30 AM

اقول يالبيه يامفخرة الارض عزالله انه موتر بمعنى الكلمه
عزالله انه راحه وقوه وفرق كبير بينه وبين الموديل السابق
وللمعلوميه قبل لا اشريه كان معي جي اكس ار 2000 وبعده جي اكس ار 2003 بريمي فل كامل
وبعدها شريت ذيبان عطي الله 2008 فل كامل وارد اليحيى عطي الله
ونش وهزاز وفتحه وقير عادي
كمل سنتين معي
ولاعن ابو ابو خامسه
ولا عمره قال ابي ولا خرب ولله الحمد والشكر
تغير زيت وقماشات
وقت الشتاء ماعمره وقف اربعاء وخميس
الصمان التنهات ساموده شمال رفحاء وحفر الباطن اخطوط جلست فتره رايح جاي كل اربعاء وخميس الرياض حائل
والحين ماشي 125 الف
ومركب عليه طقم ياي استرالي قدام ورا وادخل على اسمي بتلقى كل مواضيعي عن الموتر
وبشتاء اركب عليه طقم كفرات بالون ماكسس 900
وربي قمت الطرب والراحه
بس اذ بغيت تركب بالون لازم تركب طقم ياي استرالي
امامي رقم 700
وخلفي رقمه 721
لانه بدون ياي استرالي يصير داخل الكفر شوا جوا الموتر ويثقل عليك الموتر حيل
بس بالياي يرفع الموتر ويتنفس ويصير اخف وارسى ... طبعا هالكلام اذ ركبت بالون

طبعا العيوب اللي اشوفها بنظري

المفخره طبلونه اسود ماصار يجي بيج زي الموديلات 2007 وتحت
السته سلندر قوي بس اتمنى انه يكون اقوى من كذا يعني لو قوة الاحصنه فوق 300 كان ياسلام
طبعا انا قبل لا اطلعه كنت ابي ثمانيه سلندر بس الخساره انه مانزلو الوكاله ثمانيه سلندر قير عادي فضحيت وخذت سته سلندر
وفوق كذا معجبني وبحطلك بعض الصور للموتر وان شاءالله تعجبك

وهذي صور موتري بالبالون بعد ماركبت الياي الاسترالي امامي وخلفي
صراحه البالون مع الياي الاسترالي عز للموتر بمعنى الكلمه
وصارت في متوتري ميزة الرفع والراحه بشكل كبير وملحوظ وانصح اي واحد راعي طلعات وخاصتا النفود يركب الياي امامي وخلفي مع البالون ٩٠٠ ماكسس
صدقوني ماراح يندم
اخليكم مع الصور
والتصوير من اخراج الفنان اخوي عاصم
مشاءالله تبارك الله مشاءلله تبارك الله

http://up4.m5zn.com/9bjndthcm6y53q1w0kvpz47xgs82rf/2010/1/22/11/6od3zus1d.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/nkdf8a4fs.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/23/12/deit9kh5h.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/6wmc7lp6s.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/riklc1efq.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/pkp488532.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/oim1bdi8w.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/g4c10161b.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/uojzh9hq8.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/nykabeapx.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/vukohpcxw.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/qcn888x6g.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/sfw6cs6px.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/wkhom78d6.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/zw17mmo9e.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/zpmcyasov.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/fx8wkjcnj.jpg (http://www.tobikat.com/)

http://up4.m5zn.com/9bjndthcm6y53q1w0kvpz47xgs82rf/2010/1/22/11/prd57vgvd.jpg (http://www.tobikat.com/)

ان شاءلله تعجبكم

ابو العز بلس

30/07/2010, 09:43 PM

وعليكم السلام ورحمة الله وبركاته

اخوي مغيضة فعلا انا لاحظت بشكل كبير ان كلن يشتكي من الصدام الامامي للمفخرة بس شيء غريب بس اهون من شيء ثاني ان شاء الله

ابو العز بلس

30/07/2010, 09:45 PM

ياهلا بك اخوي خيال النفود
ماشاء الله تبارك الله عليك ووالله انك ماقصرت لا في الصور ولافي تزكية الموتر

والصور رائعة جدا

عسى الله يبارك لك في السيارة ويرزقك ابرك منها يارب

ماشاء الله تبارك الله فعلا نظرة ورزة

وانا والله ودي بالعادي 8سلندر بس وش نسوي مالنا الا الاوتو

قنوع

27/08/2010, 03:28 AM

من واقع تجربه

معي جي اكس 2008 بازعي قير عايدي ماشي 155 الف

وماشاء الله لا قوة الا بالله موتر ماعليه كلام

والعيب الوحيد عندي التانكي مايقبل يعبي فل

والغريب انه يعبي الى 60 لتر ثم يوقف ..................وبعد ساعه تقدر تفلله

رحت الوكاله والبازعي وبعض الورش وماعرفوا البلا

وقالوا غير التانكي ب3000 ..........

والا الباقي خذ ولد

المنيعي1

27/08/2010, 04:33 AM

مداخله بسيطة انا لسي من اصحاب هذه السيارة الجميلة
ولكن لدي تحذير بسيط حصل معي عند تجربت 2008 قير عايدي وهو الدبل أنتبه لا تشغل الدبل الثقيل قبل الخفيف
يجب تشغيل الخفيف اولا ومن ثم الثقيل .
الذي حصل معي أننا شغلنا الثقيل على طول وعلق معنا الخفيف فحاولنا لمدت ليله كامله الى ان فصل الخفيف وكذلك ذهبنا لراعي ورشه وحصلنا عنده واحد نفس المشكله وخربان عنده الحساس حق الدبل

فارجو من ألملاك ألأنتباه لهذا

ثامر الظفيري

27/08/2010, 05:27 AM

الجيب عال العال اخوي سيف الظفير شاري 2009 جكسار عادي ولا ازين منه ما شاء الله باقي تجربته بالنفود ونجيب لكم العلوم

بومحمد22

30/08/2010, 03:27 AM

يالشباب شريت 2006 وش تنصحوني بالنسبه لزيت المكينه

hle 2010

30/08/2010, 03:41 AM

السلام عليكم ورحمة الله وبركاتة

أخواني أصحاب المفخرة

كيف صرفية البنزين هل هي جيدة أو لا

وهل 8 سلندر يفرق عن 6 سلندر فرق واجد

وشاكر لكم

ابوحمدان1

07/12/2010, 05:09 PM

من واقع تجربه
2008 افضل من القديم
من ناحية القوة والرساوه من داخل وسيع ومريح
والعيبوب _ داخليه فقط اسود_
ومعي gx سته سلندر قير عايدي وماشي 120000الف وماشاء الله مافيه اي مشاكل اللهم لك الحمد
والي يبي يجرب سته سلندر قير عايدي ماعندي مشكله ...

Hwer

07/12/2010, 10:06 PM

الله يرزقنا نشترى المفخره

aliwww

28/08/2012, 01:21 AM

كيف عزم السته سرندل معاكم وهل الفرق بينه وبين الثمانية كبير

تميم2222

28/08/2012, 11:12 PM

لاند كروز الله يبارك لهم فيه

Vortech

29/08/2012, 12:11 AM

شريت 2008 من الوكاله..... 6 سلندر.... وللحين موجود.

وتركت النيسان مع انه اقوى وافخم واوسع وأأأأأأرخص واخذت 2012 جكسار...

وكلها للحين موجوده عندنا في البيت... وشهادتي في السيارات هذي مجرووووحه.

ياخي هدووووء تاااااام على الخط.. لا صوت هوا ولا صوت القار تحتك يبين ولا ازعاج ولا شي ...

المكيف بارد والموتر واااسع والمشي ريف والخرابات ززييييرو....

من 2008 للحين ماشي 155 الف... ما بدلت فيه الا الاشياء الاستهلاكيه... مثل السفايف والايل... حتى البلكات للحين ما بدلتهم .. ذكرتوها علي ههههههه.
لكن للامانه... بدلت صوفة المكينه اللي قدام ودينمة الدبل الخفيف لانه عشق وما عاد فصل. فقط

والقير تماتيك ما بدلت الايل الا لما مشي 50 الف... واليوم بدلته على الـــ 155 الف.

------------------------

وبعد 4 سنوات.. رجعت لشركة تيوتا واخذت اخوه 2012 8 سلندر....

ياخي سيارات ما تبور فيك وقطع غيارها متوفر ورخيص.. وصيانتها سهله ...

هذي تجربتي مع الموديلات الحديثه من التيوتا...

وهي افضل نوعا ما من الـــــ 2007 وتحت

Vortech

29/08/2012, 12:12 AM

كيف عزم السته سرندل معاكم وهل الفرق بينه وبين الثمانية كبير
عزمه ممتاز ولا عليه كلام.... لكن الـ 8 سلندر افضل في العزم والخط

Vortech

29/08/2012, 12:13 AM

السلام عليكم ورحمة الله وبركاتة

أخواني أصحاب المفخرة

كيف صرفية البنزين هل هي جيدة أو لا

وهل 8 سلندر يفرق عن 6 سلندر فرق واجد

وشاكر لكم

صرفيته ممتازه والــ 8 سلندر اقوى منه

Vortech

29/08/2012, 12:14 AM

يالشباب شريت 2006 وش تنصحوني بالنسبه لزيت المكينه
زيت تيوتا....

لا تتعداه.... أو موبيل...

Vortech

29/08/2012, 12:20 AM

وللعلم .....

الــ 2012 طبلونه بيج ..... والتخشيب حلو وراكب على الطلبون... نفس الــ 2007

Vortech

29/08/2012, 12:26 AM

معلومه عامه... بالنسبه للدبل والدبل الثقيل...

قبل لا تعشق الدبل الخفيف لازم يكون القير في الــN وعقب تعشق الدبل الثقيل وتمشي.... وعقب ما تخلص ترد القير على الــ N وترد الدبل الثقيل وعقب تفصل الدبل الخفيف وعقب تتوكل على الله.

واللي يبغي يجرب ويتاكد .. يا ريت يتفضل.

اما بالنسبه للقير العادي فما عندي خبر الصراحه

وسلامتكم

بآوزير

29/08/2012, 12:53 AM

والله كنت انا و الوالد بقطر لقينا gx 2008 فلل .. خلاص الوالد بيدفع العربون الا كلم خالي ( خبير بالسيارات ) يقول ان مديل 2008 بالذات اذا اشتغلت لمبة يسمونها لمبة الدبل .. اعرف ان الموتر فيه بلا ..

عاد ان ما تأكدت من صحة الكلام واخر شي عيا ابوي يشري الموتر ):

yousif06

09/12/2015, 01:11 PM

جميع الاخوان السلام عليكم جميعا
سؤالي لطيبين عندي فكسار 2006 8 سلندر اوتماتيك عند المشي بسرعة 60 الى 100 ورفع الرجل من دعسة البنزين وعادة الدعسة مرة أخرى يطلع صوت طقه تحت واتحسسها تحت المرتبة الامامية
الشي الثاني عند المطبات الصناعية او الدعس بالفرامل خاصة عند الإشارات في رجة بالخلف كان في برميل موية مو مربوط بالشنطة علما باني شيكت على جميع المقصات والكراسي سليمة والجيب هايدروليك من لدية الاخبرة من الاخوان ارجو افادتي بذالك
تحياتي للجميع