يقول راعي الرديترات انه المبرد...

[الهجاني]

السلام عليكم ورحمة اللـه وبركاته...

اخواني الاعزاء :

انا عندي باترول موديل 94 عندي تهريب مويه من اخر المكينه رحت لراعي الرديترات قالي هذا المبرد يبيله تغغير او يمكن يتلحم ...وانتبه لاتمشي عليها واجد

وقلت ان الوضع اجل خطير ...

ودي تعلموني وشهو ذا المبرد وش وظيفته في السيارة وهل عليه خطورة من ناحية الممشى عليه واجد..

وكم سعرة جديد الاصلي ..وهل القاه في التشاليح ولا لا...

[فوق هام السحب]

اذا موترك تماتيك يمكن يقصد مبرد الزيت يكون وسط الرديتر الكبير عشان يبرد الزيت

[الهجاني]

كان تماتيك محول عادي ..

[بدوي جنوبي]

والله ما اخبر فيه مبرد آخر المكينه
امكن يقصد طبه

[الهجاني]

الا فيه مبرد بس يمكن ماهو بالسيارات كلها ...

[نفداوي]

تاكد من جميع الليات (يمكن لليات المكيف الحار )

[الهجاني]

اخوي نفداوي..

انا اقصد المبرد بس ماظنتي انه حق المكيف لان المكيف عندي ماهو شغال ..

[مركز حراره]

انت قصدك المبرد اللي خلف السيفون ممكن ترسل صـــوره؟