مشكلتي مع البترول الطـيب

[فلقه]

السلام عليكم
كيفكم اخواني
بعرض لكم مشكلتي اللي والله اتعبتني نفسين
اللي هي في هذي اصور :(




http://img104.herosh.com/2010/07/23/973524741.jpg



http://img105.herosh.com/2010/07/23/533440596.jpg



http://img102.herosh.com/2010/07/23/679992291.jpg



الموضوع واضح بصوره
يااا اخواني اناا ابي اشيل القبه اللي با البترول
بس ابي ورشه تظبطه لي الصراااحه اناا ماني مستعجل اي ورشه يقدر يقولي اقدر اصلحه
لكن انا ابي الورشه اللي تقدر تظبط ذا الشغله او بختصار اختصااصهم
كثير من اخوياي قالولي وده القصيم هناك احسن وافضل :(
بس الصراحه حلات الشي انت تاابعه يعني اشقر علي الورشه كل شوي بس لاصار با القصيم صعبه


بس يوم فكرت كل شي موجود با الرياض اكيد بحصل الورشه
واناا صررااحه ابي وقفتكم معي بهذا الموضوع
يعني كم تكلف ذا الشغله وش افضل ورشه

[فلقه]

مشكلتي العظيمه

[فلقه]

الله وكبر 31 يشوفون الموضوع ولا رد

[نفداوي]

السلام عليكم
((((( شربن على ايدين الرجال هماج)))))
1-ازرق لتشليح وشفلك تنده ( ويمكن هم يقصونها ويركبون عندهم )
ملاحظه : اهم شي يكون اللحام مليان وبعدين يصنفر من برا وجوا ااااااااااااا

[فلقه]

ابي ورشه اوكله بكل شي وهم يسون كل شي عليهم
مشكور نفدااوي علي الرد

[الواااااااافي]

أخيرا ياحزون الطير عرضت موترك في منتدى مكشات
اسمع نصيحيتي حط بالغماره اللي ورى مكينة عسكريم
واشترلك كراتين فشار وموياء ودر بلأستاد تبي تحصل مكسب ماتتوقعه
وترك عنك شيلة القبه ههههههههههههههههههههههههههههه



امزح



أتمنى من الأعضاء يفيدونك

[صلفان.نجد]

بيعه وخذ بداله بدون هالحوسه.

[قرم العيال]

نصيحه لا تلمسه ..
القبه وش به يكفيك لا نقز الموتر ما فيه امل يضرب راسك التنده ههههه

شغل القص واللزق ,, يبي يجدع من قيمه الموتر عند البيع + ما راح تلقى مثل شغل بلادهـ

يا تبيعه على حاله .. وتدور غيره ولا خله كذا افضل .. التنده يبي له وزن وتقصيص عمدان

شغله يالغالي

[الدبران]

افضلك تبيعه وتشتري واحد بدون مكينة ايسكريم:d:d امزح اقصد بدون قبه
اريحلك من القص والتلحيم بعدين يقولون انه منقلب

[عبدالعزيز بن احمد]

نصيحتي بعه وزد عليه وخذلك ازين منه
...بالتوفيق

[فلقه]

مشكورين علي الردود الطيبه
بعدين يا عيال هذاا له عندناا يمكن اكثر من 10 سنوات وش زينه لاخراب ولاشي
بس ابي ازينه ولاشغله ابيعه مابيعه احد يبيع شي له عنده ذكريات
بس الشغله كلها قلت العالم طايحه فيه ليش مازينه وظبطه وبس
بس اناا ابي اظبطه ماابي ابيعه بليز اذا احد يعرف ورشه او شي
يعلمني

[فلقه]

ساعدوناا يااشباااب

[سوبر VTC]

ههههههه :d
ذكرتن بموتر قديم عند احد الربع عام 1416 معه جيب صالون تماتيك م85
و كنا نعلق عليه جا ابو قبة راح ابو قبة :d

اعانك الله

[فلقه]

ههههههههههههههه
ماتشوف الوافي كيف يضحك علي
<الوعد قدام يا الواافي

[راعي الهدد 7]

الله يعينك على طاقية جحا ههههههه امزح امزح انا معك على انك تظبطه لان شكله كذا مايصلح واكيد الرياض فيها وانا راح ادور باذن الله لك واذا حصلت شي راح عطيك وصفهم

[ساحووق]

الله يعيينك ويوفقك

بس هل القبه هااذي انت مركبها ولا كييف ؟؟وغريبه تجي صرااحه

[سوبر VTC]

الله يعيينك ويوفقك

بس هل القبه هااذي انت مركبها ولا كييف ؟؟وغريبه تجي صرااحه

هالقبة :D شد بلد
تجي بالباترول
و ايضا الجيب الصالون التويوتا مثل م 85

[الصيهد.......]

لاتلعب بالموتر طع الشور وتراهاوالله ماعابته
شكله عندي عادي لاانه شد بلد ون كانك مااااااااااااااااال
انصحك رشه لونين مثل الباترول القطري ويضبط شكله
وبالتوفيق.................

[دددسن]

أنا مع الشباب

شد بلد أفضل

[احب الحيا]

سلام عليكم صباح الخير جميعا
شف يالغالي اقصد اسمع
الموتر مديله قديم ومرغوب عند الناس ...لا تخاف مناب قايل بعه :D
والموتر له ذكريات شف كم يكلف اذا انه من 1000 ريال وحوله وشغل ميه بالميه شي طيب
وانكان مناب واهم ورشة بن مرضاح بصناعية العويضه يشتغلونه لك
بس بن مرضاح غالي شوي وشغل قوه ما عنده لعب
مره شفت عندهم فكسار شايلين الشنطه وحاطينها صندوق((حوض))
وعلى فكره انكانك راعي مقانيص وعفل ومطامر عقوم :good2:الله يعينك على التلحيم
كل سنه ولاسنتين رح لحم التنده على حسب عفلك للموتر
اسف على الاطاله ولا اعرف رقم بن مرضاح لاكن يفيدونك الاخوان
ومن شاور ما خسر >>>جازتله السوالف ماوده يمشي :mad:
بمان الله

[أبو أسامة]

أخي الكريم :

أنا قد شفت في صناعية الخليج بالرياض مثل موترك قصو القبه وجاب لهم سقف عادي من الوكالة وركبوه وضبط ما شاء الله وأخذه للمنجد للصناعية القديمة بعدين رجع للورشه عشان يسون تلميع للبوية . بصراحة جلست أتفرج عليه وتارك موتري عن المكانيكي كان ما عندي شغله ههههههههه أعجبني كأنه شد بلد ........ ما عليك من اللي يقولك خله شد بلد أهم شيء المحركات والقبه أصلاً إذا جيت تبيع تطرح من قيمته مثلها مثل قصتها وتركيب شغل حي الله ....... للمعلومية موتر الرجال ما أخذ في الورشة إلا يومين بس يوم قص القبه ويوم ووزنها وتركيبها وبويه ......... بس الرجال ذيب ما جاب الموتر إلا بعد ما جاب السقف الجديد معه من الوكالة بكرتونه علشان ما يتعطل .................

والله يوفقك ......