مشكله في علبة الدركسون هدد 2007

[راعي المنهاج]

مساء الخير جميعا


أسعد الله أوقاتكم بالخير جميعاً بداية أنا توني مشتري لاندكروزر هدد 2007 وهاليومين طلع لي
صوت بسيط يجي ويروح مع اللفات خاصة عند الوقوف او المشي ببطء وشيكت على زيت الدركسون
وكان مليان وزودته ولكن لافائده ولاحظت ان القفزان اللي في علبة الدركسون مغيره يعني ماهي حقت
الوكاله ودي لو أحد يخبر لي ورشه في خميس مشيط والله لايهينكم

[؟؟؟شادي نجد؟؟]

غير علبة الدركسون او ابحث بالمنتدى اخبر فيه احد الاخوان حل مشكلة علبة الدركسون موضوع مفيد لك يمكن يحل لك المشكلة لأنها مشكلة ما يحلها اي مكانيكي اللا مكانيكي فاهم

تقبل مروري

[عبدالعزيز بن احمد]

يبيلك تشحيم الركب طال عمرك

[عبدالله الموسي]

مثل ماقل لك ابو عمعوم

او خطوه شحم الركب يمكن زمان ماحد شحمها وسارت قيله على العلبة لذالك تطلع صوت..

والخطوة الثانية تأكد من ان ليات الهديروليك الموصلة للعلبة السفلى لايوجد بها طعج يمنع مرور الزيت


والخطوة الثالثة ونرجوا ان تحل مشكلت قبل وصولها ..علبة دركسون علوية جديده من عند ابو جميل بـ 1200 ريال وانسى التصفير والـ ووووووي ووووووويييييوووو والسلام ختام

[راعي المنهاج]

الإخوة الكرام الذين شرفوني بالرد

بيض الله وجيهكم جميعا والله يجزاكم الجنة

تقبلوا شكري وتقديري

راعي المنهاج