يأهل المشورة باثفندر 2005 للبيع 47.000 لؤلؤي

[ذهب صافي]

السلام عليكم وحمة الله وبركاته


يقول المثل من أستشارك فقد ذممك


وانا ابي مشروتكم يا اهل مكشات



اليوم وانا في المعارض للبحث عن سيارة وجدت



باثفندر موديل 2005

اللون : لؤلؤي أو أبيض أنا ما افرق بصراحه

القير : تماتيك

عموم الموتر : نظيف ان شاء الله خالي من الروش والسمكرة والطقات ما عدا على الرفرف اليمين خلف أثار خرق عدد أربع مسامير تركيب قاعدة أنتل سألته هل هو لشركه قال لا كان مركب عليه كنود


السوم وصل 46,500 وحده علي 47,000


والرجال مطفي المكيف بالحر وبزحمة المعارض وسألته ليش مطفي المكيف قال ترتفع الحرارة للأقل من النص يعني الثلث


وانا سمعت عن حرارة الباثفندر انه راعي حراره


وما أدري هل تشيرون علي علماً انا قروشي بـ 50,000



وأبي المشوره يا راعين المشوره

[عاشق البسمه]

وانا لك ناصح لو يحصلك غير الباث يكون احسن.... والله مااكثر من عذاريبه وخرابته

[مدمن باترول]

والله انا اشوف انه غالي شوي

[ابومحيميد]

بالنسبة للحرارة تركب رديتر رصتين وتنحل ان شاء الله

اما السعر مااقدر احكم لك

[القناص المميز]

ولا بريال اذا بتشتررريه لازم تخصص ميزانيه خاصه للخرابات

[الأول دائما]

ياخي اذا وصلت دراهمك 50,000 بتحصل ان شاء الله شي ما فيه خروق ,,,

ولو تفكر بغير الباثفندر اطيب لك (((((مجرد رأي))))))

[Abou Tarek]

السلام عليكم

كم ماشي يالغالي واعطيك العلم ؟

[أبو فهد العيد]

حبيب قلبي..
تراه غالي بالحيـــــــل وتلقى انظف منه بـ45000 ريال ويناديك بعد
وفيه واحد من ربعي معه باثفندر نفس موديله ما عمر حرارته تعدت الربع.

.
وأي موتر يخنبق بالحرارة انحش عنه لو يقولون ماشي صفر.

[ذهب صافي]

بيض الله وجيهكم وأسأل الله ان لا يحرمكم الأجر أبشركم أني بأخذ في مشورتكم واصرف النظر عن الباثفندر والله الرازق ( ابو تركي والله ما ادري كم ماشي )