صوت طقطقة خفيفة في المكينة اول ما اشغل باترول فتك

[لهايب نجد]

السلام عليكم اعضاء منتدانا الاعزاء
انا معي فتك سوبر 2002 اذا شغلته وهو بارد اسمع في مكينته طقطقه خفيفة لمده ثلاث الى اربع ثواني وتروح
مع العلم انها كانت غير موجودة سابقا وش الحل وهل هي طبيعيه او لا وش السواه

[سوبر2005]

حياك الله اخوي لهايب
اعتقد والله اعلم انه طبيعي لان اذا صارت السياره واقفه ينزل الزيت ويكون راكد واول ماتشغل السياره اكيد بيطلع صوت زي كذا لان الحديد بالمكينه يحك مع بعضها ويطلع صوت طقطقه وعلشان كذا تقول انت لمدة 3 الى 4 ثوان ويتحرك الزيت بالمكينه ويروح صوت الطقطقه والاحتكاك .
هذا والله اعلم وان شاء الله يفيدونك الشباب ذو الخبره العاليه
تحياتي لك
×

[لهايب نجد]

بيض الله وجهك واشكرك على مرورك اخي العزيز

[غواص الجزيرة]

يفدونك الاخوان تقبل مروري

[سعود2006]

اخوي انا معي ددسن 2006وفيه نفس كلامك طقطقه مثل ماتقول
وديته للورشه وقال يمكن جنزير المكينه فكه الغطاء وناضر صار ا لجنزير يبي تغيير مع الشحاط وبلف زيت الجنزير وصوفه الصدر
وغيرتهن والحمد لله تمام معد فيه صوت
ياليت تستفيد

[عاشق الغضا]

الطقطقه عادية جدا وهي مجرد مايرتفع الزيت يروح الطقطقه , هذه كل الباترول كذا

[ولدالديره009]

شف اخوي لهايب نجد ولا يهنون الاخوان
بالنسبه لطقطقة في بداية التشغيل لها احتمالات كثيرة وخصوصاً تشخيصها عن بعد بس ابسؤلك سوأل هل تختفي الطقطقه عندما تنطفيء لمبة الزيت او قبل ذلك ؟
اذا هى تختفي قبل ان تنطفيء المبة فربما تكون البلوف يوجد بها رخاوه .
اما اذا تختفي مع اللمبة فقد يكون عمود التايمن وهناك قد تكون سبائك .
وبالنسبة لصوت السيور هذا طبيعي لانني قد لاحظت هناك ميلان بكرة دينمو التعبئة عن بكرة الصدر .
فأنصحك اخذها الى ميكانيكي شاطر جداً وليس اي ورشه وهو الذي سوف يفيدك وارجو ان تكون المشكلة بسيطه بإذن الله .

[الزمن الدوار]

اخي العزيز معي نفس موترك ثلاث سنوات وها الطقطقه للي تقول
موجوده معي وزي ماقلت
ولافيه الا العافيه الله اعلم

[جهام القصيم]

قم بتغيير فلتر الزيت أصلي وبإذن الله تمشي الامور

[لهايب نجد]

قولو امين الله يوفقكم كلكم ويسهل اركم ويرزقكم وشاكر علي تجاوبكم انا ابصبر واشوف وعسى الله يكتب اللي فيه الخير والله لا يحرمنا منكم

[صحيح]

معليش بس شكلك ما تحمي السيارة أول.
صحيح.

[النجم السيار]

:l:lهذه الحالة تصير كثير مع الناس وسببها فلتر الزيت التجاري أو المغشوش:f:f

[علي عليوه]

شف وش نوع زيتك كانه من الثقيل غيره لخفيف وتروح عن تجربة في كابرس 2001 كان الزيت سوبر شل

ونصحني ميكانيكي بتغيير الزيت وصرت أحط كاسترول الخفيف واختفت الطقطقة مع شرط إن السيفون أصلي

لكن بصراحة أنا ما أرتاح لكاسترول !!!!

[alwaili]

ارجع للكتلوج وش نوع البانزين اذا امكن انك تعبي 95 افضل وانتبه للزيت نوع اللزوجة مهم
طقطة اول التشغيل معروفة بالبلوف

[hz1oo]

طبيعي الزيت يكون نازل في الكرتير والسيفون الزيت الي فيه ناقص وياخذ وقت الزيت حتى يصل للمكينة ويكون الصوت اكثر في البرد والوضع طبيعي والله يعطيك خيره ويكفيك شره ونم ولاتحوس السيارة عند بعض العليميه من حقين الورشات تراهم يشككون بك

[سوبر VTC]

حط فلتر زيت اصلي
لاتاخذه من البناشر ابد تجاري

رابط مهم

نصيحه لاخواني اهل البواترول والجيوب بخصوص سيفون الزيت ... (http://www.mekshat.com/vb/showthread.php?p=4194885)


عادة اذا كان السيفون تجاري
تبدا تولع و تطفى لمبة الزيت

اخبر معنا باترول م2008 ماشي 80الف الشتاء الماضي بالصمان
اذا شغلنا الصبح تطقطق بلوف المكينة 4ثواني و تختفي

احيانا يكون ربما من البنزين لانه يعبي 91

[المخبر616]

اخواني اعضاء النتدى لكم مني التحيه والتقدير لكن انا لي راي اخر ممكن يكون نوع البزين المستخدم يوثر على البلوف اقول ممكن وشكرآ للجميع

[ابو طلال8666]

هلابك اخوي شي طبيعي هذا صوت تكايات البلوف انصحك بتغيير الزيت سوبر جي تي 20w50وانشاء الله بيضبط معك
تقبل مروري00

[المدّاوي]

طبيعية جدا خاصة اذا كانت السيارة باردة

[لهايب نجد]

بيض الله وجيهكم
نوع البنزيم 95 والفلتر اصلي لكن على قول الشباب يبدولي ان الامر طبيعي