ابوفهوود
24/07/2010, 12:43 AM
اولا ابعرفكم على السلوقي خطاف حيث انه كلب اجنبي كان موجود في الظهران ولما سافر راعيه الاجنبي اهداه على خوي اخوي ماله بسلق وقام وعطاه اخوي الكبير ويوم شافه اخوي بغى ينصرع منه كان حجمه كبير مررررررررره وماله ذنب مدري مقصوص ولا شكله كذا ولونه ابيض على شوي احمر وراسه كبير مره والله وحش موب سلوقي المهم ما كان يفهم كلامنا يعني لازم انكلمه انجليزي خخخ:D خوش سلوقي المهم ابتلشنابه الحين لازم نوديه عند خوالي في البر وكانو بدو يشدون وينزلون وعندهم سلقه اسمها رسله معروفه بسرعتها:good2: وكان مبلشينا الناس ياخونها لصيد ولا يرجعونا الا بعد كم يوم المهم هذي صوره شبيه لخطاف من النت بعد الموت حصلتها في موقع اجنبي
http://uaesm.maktoob.com/up/uploads/87bcb0b592.jpg
طبعآ ودينا السلوقي عندي خوالي تعالو شوفو انواع الضحك علينا امحق سلوقي وش ذا البلا الي جايبينه هذا حمار مهوب كلب المهم انواع التحطيم وحنا نقول نوريكم صيده ان شاء الليله وبتشوفون فعايله بلا رسله بلا خرابيط طبعآ رسله كلبتهم لا حد ينسى ........
اوله مهمه لخطاف في الصيد وخطاف مايندرا منه هو بيصيد ولا لا المهم ان الطقه في راسي اخوي راح لدوام وخلاني اتحمل مشاكل خطاف لحالي:good:
سرينا انا وبوي ولد خالي على وانيت 454 بيج موديل 79 واخويانا خطاف ورسله في البدي وكان معنا شوزن لبوي دورنا يمين يسار لين انفجت ذيك الارنب قدامنا ولا رسله وراها حو حو حو خطاف حو حو حو الا الحبيب مايدري وش السالفه رسله طردي وهو يتمشى جنب الوانيت المهم وقفنا منورين على رسله تحفر للارنب قال ابوي وين سلوقيك هذا هو واقف جنبنا والله ان مهد ذلحين الاذبحه بشوزن قلت لا يبه عطه فرصه توه جاي من الظهران ماله بصيد الا ولد خالي يضحك:D وانا على اعصابي:mad: الا اشوفه وانتو بكرامه يبول على التاير قال ابوي وينه قلت يبول على التاير الا ابوي ماخذ الشوزن تكفى يبه لا لا لا لا لا لا لا
الا الارنب نافجه ثاني مره وحنا وراها ونخلي خطاف ورانا وانا قلبي على اعصابي من المصيبه الي معنا المهم استوت الارض قدامنا ورسله وراء الارنب الا نشوف خطاف مخطم علينا ويطوفنا ويطوف رسله والله من السبق وانا الي انبسط الا الحبيب يطوف الارنب وترجع علينا المسكين مايدري وش السالفه وتحدها رسله عليه ويحط رجله وراها وابوي يقول بعدي خطاف بعدي بعدي الا خطاف خاطفها بين ايديه :good2: وانا احول وامسكه منه واخذا وبدا مشوار الصيد عند خطاف الانجليزي
واتمنى تعجبكم القصه ....
http://uaesm.maktoob.com/up/uploads/87bcb0b592.jpg
طبعآ ودينا السلوقي عندي خوالي تعالو شوفو انواع الضحك علينا امحق سلوقي وش ذا البلا الي جايبينه هذا حمار مهوب كلب المهم انواع التحطيم وحنا نقول نوريكم صيده ان شاء الليله وبتشوفون فعايله بلا رسله بلا خرابيط طبعآ رسله كلبتهم لا حد ينسى ........
اوله مهمه لخطاف في الصيد وخطاف مايندرا منه هو بيصيد ولا لا المهم ان الطقه في راسي اخوي راح لدوام وخلاني اتحمل مشاكل خطاف لحالي:good:
سرينا انا وبوي ولد خالي على وانيت 454 بيج موديل 79 واخويانا خطاف ورسله في البدي وكان معنا شوزن لبوي دورنا يمين يسار لين انفجت ذيك الارنب قدامنا ولا رسله وراها حو حو حو خطاف حو حو حو الا الحبيب مايدري وش السالفه رسله طردي وهو يتمشى جنب الوانيت المهم وقفنا منورين على رسله تحفر للارنب قال ابوي وين سلوقيك هذا هو واقف جنبنا والله ان مهد ذلحين الاذبحه بشوزن قلت لا يبه عطه فرصه توه جاي من الظهران ماله بصيد الا ولد خالي يضحك:D وانا على اعصابي:mad: الا اشوفه وانتو بكرامه يبول على التاير قال ابوي وينه قلت يبول على التاير الا ابوي ماخذ الشوزن تكفى يبه لا لا لا لا لا لا لا
الا الارنب نافجه ثاني مره وحنا وراها ونخلي خطاف ورانا وانا قلبي على اعصابي من المصيبه الي معنا المهم استوت الارض قدامنا ورسله وراء الارنب الا نشوف خطاف مخطم علينا ويطوفنا ويطوف رسله والله من السبق وانا الي انبسط الا الحبيب يطوف الارنب وترجع علينا المسكين مايدري وش السالفه وتحدها رسله عليه ويحط رجله وراها وابوي يقول بعدي خطاف بعدي بعدي الا خطاف خاطفها بين ايديه :good2: وانا احول وامسكه منه واخذا وبدا مشوار الصيد عند خطاف الانجليزي
واتمنى تعجبكم القصه ....