خلطه تضاف الى الرز تعطي نكهه ............!!!

[MNH]

السلام عليكم


يوجد امرأه نتعامل معها تطبخ لنا الذبيحه ب 350 في بيتها وطبخها بصراااااااااااحه شوي فيه الروعه
والسر في طبخها هو الرز الرز تحس انه يسحب يدك الا تاكل لقمه ثانيه لقمه ورى لقمه لها نكهه خاصه في الرز عجزت اعرفها سألت الطباخه عن نكهه الرز وقالت لي هذا سر المهنه مانقوله لاحد


لذلك تكفون جيبوا لي ذا النكهه اللي في الرز كيف احصل عليها ....؟؟؟ ارهقتني ذالطباخه غاليه جدا ب 350 وفي المناسباب الاعياد ب 400 ريال

[فاقد الديرة]

اتوقع ماء الكادي

[wafi4sa]

اطعمنا من طبخها ثم نقدر نقول ايش هو
ياخي كل واحد له نفسه بالطبخ وخلطته

[hadaj]

الله يرزقها
خلها ترزق الله والله يعينك ويخلف عليك

[خالد777]

نكهات الرز تعتمد على عدة أشياء منها نوع الرز وتاريخه ثم البهارات ومكوناتها ونوع اللحمة وطيبها ولاحظت أن أفضل الطباخين يستهلكون الماجي (الأصفر و الأبيض)والذي بلا شك يضيف نكهة خاصة ومذاق متميز مقابل أضرار الماجي كما هو معروف

[MNH]

اتوقع ماء الكادي

وش ماء الكادي هذا اول مره اسمعه


ممكن تعرفنا به ؟

[بن حاضر]

والله ياخوك ما ذقنا طباخها عشان نعرف طعمه ..بس على فكرة فيه ناس تستخدم اشياء ماتجي على البال .. مثال عندك انا اعرف شخص يستخدم المايونيز والسومطرة على مع طبخة الحمام ..!!!يعني الناس تختلف في بهاراتها و التتبيلة .. والماء الكادي معروف يـ خوك انا متأكد انك تعرفه ابحث في السيد قوقل عن ماء الكادي واجزم انك راح تعرفه او تتذكرة ..شاكر لك ..

[OMAAR]

يحطون مع الأكل شحم ( ودك ) يحمسونه مع البصل بدال الزيت وهذا سبب النكهة

[ريم البراري]

الماجي السم الأبيض هو من يعطي الرز نكهة جميلة لكنها مدمرة للصحة

[سعيد بن سعد]

حسب ما شفت من بعض الشباب يحطون ماء ورد وماء كادي وقشر البرتقال إضافة إلى البهارات الصحيحة الآخرى ومع ذلك أحياناً تطلع الطبخة قمة في روعة الطعم وأحياناً تكون نكهت قشر البرتقال طاغية ومش حلوة وأحياناً يكون الرز معصود لأن خوينا عنده المكونات بس ما عنده الخبرة الكافية .

يعني لا تحسب ان الموضوع نكهات وبس بل الخبرة لها الدور الأهم خصوصاً في الذبايح والكميات الكبيرة لأنها تلقاها خبصت كثير إلى ما وصلت إلى النكهة والوزنية اللي هي ما شية عليها مرة تزيد شي وتنقص شي إلى أن تضبطها .

[saas-des]

http://www.7arakaat.com/vb/imgcache10/2/28912alsh3er.jpg
جرب الماجي الابيض كيس فيه بودره وعليها كتابات صينيه
يعطي نكه وطعم طيب بس يقال انه خطير

[وبر الديره]

ياخوك خلي هالعجيز تكسب وتسير مليونيره وبعدين اكيد بتعلمك ههههههههههههههههههه ........... وانا اعرف كمان مطبخ يطبخ شى عجيب وطعم الرز شي ثاني والضاهر انه عنده خلطه خاصه ........

[aljthab]

اجزم بان طريقة الطبخ والخبرة اهم عامل
يعني الحرمة حرفية مرة بالطبخ على حد وصفك
هالشي خلتها تاخذ الي يناسبها في الطبخ
من رز وبهارات وخلافة

[MNH]

اطعمنا من طبخها ثم نقدر نقول ايش هو
ياخي كل واحد له نفسه بالطبخ وخلطته

ابشر بسعدك سير علي وابشر بالشحم وهبه الريح

[MNH]

الله يرزقها


خلها ترزق الله والله يعينك ويخلف عليك



الله يرزقها بس مهب من ظهري:D ذبحتنا غلاويه لوإنها في حدود المعقول كان ما كلفت نفسي عناء البحث بس قيمتها نصف قيمه الذبيحه

[رعد الصحراء]

الحل عندي


اعزمني وانا أقولك وش سر النكهه :D

هذا أفضل حل

مطيبات الطعام كثيره

نوع البهارات _ ورق الغار يعطي نكهه حلوه

قشر البرتقال _ الكادي _ الهيل

والأهم من هذا كله ... النفس في الطبخ

تقبل تحيتي

[مراقب الصيد]

خذها مني نكهة الرز في اثنتين:
1ـ احمس البصل على سمن بري وماء اللحم لا تضيفه على الرز نهائياً لان مرق اللحم يخرب طعم الرز.
2ـ أول ما ينش الرز رش عليه كاس حليب طازج واتركه على نار هادئه حتى يتشرب الحليب.

وتعال شف نكهة الرز ... لكن انتبه لاصابعك لا تاكلها

[MNH]

الحل عندي




اعزمني وانا أقولك وش سر النكهه :D


هذا أفضل حل


مطيبات الطعام كثيره


نوع البهارات _ ورق الغار يعطي نكهه حلوه


قشر البرتقال _ الكادي _ الهيل


والأهم من هذا كله ... النفس في الطبخ


تقبل تحيتي




ابشر بالسعد وتم تم تم حدد اليوم اللي يناسبك بعد يشرفنا حضورك والله

لاهنت على كتابه المطيبات ولو عطيتنا اكثرها تأثيرا وسحرا للمتذوق لكان افضل ...!!!

[MNH]

خذها مني نكهة الرز في اثنتين:
1ـ احمس البصل على سمن بري وماء اللحم لا تضيفه على الرز نهائياً لان مرق اللحم يخرب طعم الرز.
2ـ أول ما ينش الرز رش عليه كاس حليب طازج واتركه على نار هادئه حتى يتشرب الحليب.

وتعال شف نكهة الرز ... لكن انتبه لاصابعك لا تاكلها


جاري التجربه ... بس الحليب اي شركه صافي ولا مراعي الطعم يختلف من شركه الى اخرى

[كاشخ 24 ساعه]

من وين نجيب هالكادي

[dr.mekshat]

من وين نجيب هالكادي

الكادي هو ماء الورد
طبعا فيه نوعين
فيه نوع للأكل
وفيه نوع للتعطير........يستخدم في خلطات العطورات

[مراقب الصيد]

جاري التجربه ... بس الحليب اي شركه صافي ولا مراعي الطعم يختلف من شركه الى اخرى


عليك بالطازج ايا كان نوعه