الفزعة يااخوان ولكم مني الدعاء

[كشات الصمان]

شريت جيب لاند 2001 وطبعا سويت له فحص وتبين ان العمود الموصل من القير الى الدفرنس كذالك الدبل فيه رجه بسيطة وقالوا تحتاج تغيير امكانية تصليحها وهل القيمة العمود غالي تبع القير والدفرنس وجزاكم الله خيرا

[أبو هاجوس]

فيه ترصيص للعمود وأما قيمتها مدري عنها
بس انت رصصها وجرب

[كشات الصمان]

جزاك الله خير تنصحون محل جيد بالرياض الترصيص عمود وقيمة العمود كم

[كشات الصمان]

جزاك الله خير تنصحون محل جيد بالرياض الترصيص عمود وقيمة العمود

[كشات الصمان]

وين النشامى

[أبو هاجوس]

والله ياخوك ما عندي علم عن المحلات الجيده
لو عندي ابشر كان قلتلك من أول
بس إن شاء الله الأعضاء ما يقصرون معك

[كشات الصمان]

ماقصرت ووفيت ولكن نشوف الاخوان

[سامي سليمان]

عمود الدبل جديد 1100

[بدوي جنوبي]

قبل تغير العمود
افحصها وتأكد من الصليبات

[سوبر VTC]

هنا

تكفون: الفزعه رجه في جيب لاندكروزر.................................. (http://www.mekshat.com/vb/showthread.php?t=287711)


تاكد من عدم ظهور صدا برتقالي من الصليب

+

عادة اذا اسرعت على الموتر
مثلا 100 او 130 يبدا الموتر ينتفض حرة تروح و تجي ورر ورر كل ثواني تروح وتجي
فهذي من احد الصليبات تعبان او العمود به طعج بسيط
و اسهل فحص للعمدان
فك عمود الكردان و امش على الدبل الخفيف يروح الصوت ام لا ؟
و احيانا اذا فكيت عمود الدبل يروح الصوت
و احيانا اذا كانت الكفرات محبلة ينتفض الموتر
عادة اذا كان الصليب تعبان تحصل طالع منه اثر صدا برتقالي

النتعة ممكن تكون كهرب بواجي اسلاك ديلكو بليتين طرمبة بنزين

جنزير الدبل تعرف خرابه اذا شبكت الدبل الثقيل بنفود هيار
همن دست يبدا الجنزير يطقطق و يفلت فاعرف انه خربان

دامك مركب فرارات => عمود الدبل و الكارونة و العكوس للدفرنس الامامي
فالمشكلة عندك بالخلف
فضاوة كارونة او مشكلة ببنيون الكارونة
او كهرب
و اذا كان رمان العكس الخلفي فعادة الصوت مستمر ماينقطع ابد
و قد يكون عندك شي منكسر بالدزق و الكلتش او يحتاج وزن او ترفع ميزانيته


رد سابق

لازم تنزل القير + تتاكد من ان الكفرات الامامية مهب محبلة
بمعنى دعسة الكفر مهب متاكلة من جهة
+ ترصيص + تتاكد من عدم خراب مساعد الدركسون و عادة يكون مهرب زيت

الحرة له عدة اسباب

ربما مصادفة و وافقت توسع الانثى حقت عمود الدبل
او
تركيب خاطئ للصليبات

هذي الاثنى بالصورة تحت
حركه بيدك فوق تحت اذا به فضاوة فهي تسبب حرة
و افضل حل تغير العمود بالكامل و تركيب عمود ياباني من التشليح
سواء المطيويع او كرامة الفعيم او الهاشل
والعرموطة الانثى لازم تشحم بالشهر مرة او شهرين عشان ماياكل الحديد بعضه
و من ثم تتوسع و يصير به فضاوة


http://www.mekshat.com/vb/../pix/upload01/prof005/mk53291_pbjpdj.jpg



رابط

الجزء2: طريقة واضحة السطوع للتخلص من حَـرّة الشيروكي المرفوع "مهم" (http://www.mekshat.com/vb/showthread.php?t=56781)




مثال بخصوص الحرة
احد الربع ركب 6 عمدان للدبل و ماراحت الحرة
و صار السبب انه اثناء تغيير العمدان صار فيه ميول بالعمود الخلفي قضاء و قدر وافقت و
ربما بسبب قومة الموتر القوية عند اشارة او ربما جلد و متل الموتر بالنفود
اثر على العمود الخلفي على الرغم من الصليبات ممتازة و اصلية
الشاهد
غير العمود الخلفي من التشليح ب300ريال و راح 60% من الصوت :good:
رجع و غير عمود الدبل من التشليح و اختفت الحرة نهائيا :good2:

من وجهة نظري الافضل
تنزيل القير 1 او 2 سم اريح لعمود الدبل + عمود الكردان


فك العمود الخلفي و حرك الصليب بيدك اذا كان خفيف فهو ممتاز
اذا كان ثقيل فلازم تضرب بالشاكوش على خفيف طبعا
من عند النقطة الحمراء و مع الجهة الاخرى المقابلة ايضا
و تشوف هل خف ام لا ؟
و ايضا تاكد من الصليب من عند جهة القير
وترى عادة يطيح رمانه واحده بوسط طاسة الصليب و تعترض بشكل عرضي
و بالتالي ما يركب الشنبر مضبوط و يكون الصليب ثقيل مايتحرك بيدك بسهولة
و ايضا يسبب حرة و نفضة للموتر

http://www.mekshat.com/vb/../pix/upload04/images168/mk53291_ooooooo.jpg


هنا الشنبر التامين اللي يخلي طاسة الصليب ما تطلع من محله
تاكد من وجود هذا الشنبر
لو كان الشنبر طايح فان الطاسة تطلع من محله و تسبب نفضة للموتر
و يمكن يطيح العمود لا قدر الله



http://www.mekshat.com/vb/../pix/upload04/images168/mk53291_oioiooi.jpg




و من جهة نظري ان الصوت اللي عندك من رمان العكوس الخلفية من عند الهوب
بدليل ان الصوت يطلع من سرعة 60 الى 80 ثم يختفي
و دايم تصير بالشيروكي
و به مواتر الصوت له سنتين و اكثر و لا ضرهن

[كشات الصمان]

ماقصرت ووفيت