افزعوا يالربع شريت طير واثار القطاب باقيه فيه

[ابو سالم3000]

السلام عليكم ورحمة الله وبركاته

كيف حالكم اخواني

العلم يالربع سلامتكم شريت لي طير وباقي فيه اثار التقطيب كيف اعالجها وافضل طريقه

وبعض الناس يقولون لي اغسل العين بماء وملح لكن انا خايف من الملح لانه حار على العين

وسلامتكم

[صقار الأسياح]

اخوي هل هي تدمي والملح ما عندي خلفيه يضر او لا

[@قرناص@]

وعليكم السلام ورحمة الله وبركاته ,,

آذا امكن صور له .. ويفيدونك اهل الخبره

[حمد العذبي]

سمعت ان حتى التفاريخ يقطبونها هاليومين مادري وش السر!!

عموماً الله يبارك لك ويطعمك من صيده وبخصوص اثر القطاب ما عليك لا تخاف إذا كان ملتهب مر العياده وبيعطونك مرهم مضاد مع مطهر
وان كان اثر بدون التهاب فماعليك منه عادي بيطيب بنفسه اول نا خذها من الشبه ونفك اقطابها ونصقرها بدون ما نعالجها

[عابر الموج]

اخوي اذا انت فكيته من مده قريبه رشه بماء وملح مايضر انشالله ام اذكان قديم يبقى على ماهو عليه وليسى عليه ضرر باذن الله

[قنيص غير]

اخوي يفيدونك الاخوان انشالله

[قناص الهمله]

دواه عندي

اتـــفـــل في اصبعك الله يكرمك وعقبه امسح به على عين الطير

يوم او يومين وبيطيب

[طير الهقاوي]

الماء والملح
وتوكل على الله

[عايض الدرعان]

زي ما قالوا الاخوان ماء وملح ومن ناحيه الاخ حمد العذبي وتقطيب التفريخ هذا الله يسلمك نوع من الغش على المسلمين حسبي الله عليهم والله لا يربح من يغش المسلمين ويخسره ربي ان شاء الله

[zais]

مايضر الماء والملح بس حار شوي .

[skeet]

افادوك الاخوان

[ابوناصر السهلي]

افادوك الاخوان

[الصارم1]

ما قصرووووووا الخبراء

لاهنتواا

[صقار مبتدئ]

ماء وملح و لا علية الا العافية

[النعيمي قطر]

مر البيطري واخذ منه الله يسلمك مرهم ترمايسين لونه اصفر ومعليه شر ان شاءالله

[ابو سالم3000]

بيض الله وجيهكم يالربع والله لا يهينكم

ويجزاكم عنا خير

ويغفر لكم ذنوبكم

ويبلغنا الله واياكم رمضان

[ابن كندش]

مر البيطري واخذ منه الله يسلمك مرهم ترمايسين لونه اصفر ومعليه شر ان شاءالله

اذا تبا النصيحه الطبية وهي اضمن ..

وبيض الله وجه النعيمي اعطاك العلم الزين ..

[برلين الغشام]

وعليك السلام
ضع مرهم مضاد ثلاث ايام وبعدها اغسله ماء فاتر وسلامتك

[ناصر الحمد]

اذا ماهو ملتهب خل الطير يبراء من حاله

[ولد الذيد1]

عليك بالسكر والماء لمدة يومين اوثلاث ايام
وانته والخير ارباعة

[VXR2000]

ما قصرو الشباب

[بحرة حوشان]

ماقصرو الاخوان
وكلام اخوي النعيمي قطر ميه بالميه
واذا مالقيت المرهم
اغسل عينه (بشاي) طبعا موحار

[ابوسرور الرشيدي]

افدوك الاخوان المرهم احسن وامن

[صقارالواحة]

وعليكم السلام ورحمة الله وبركاته
شاي وسكر وملح رح وانا اخوك للعيادة وخذ مرهم مظاد ومبروك الطير انشاءالله تاكل من صيده