الفزعة شباب رايكم الله يرحم ولديكم اي نوع اشتري جهاز قارمن

[mohammed431]

شباب الله يرحم ولديكم ابي اشتري جهاز قارمن المشكلة ماعرف اي نوع اشتري
ابي افضل نوع غض النظر عن سعرة
ولافضل المركب في السيارة او الخارجي

الله يرحم والديكم لا تبخلون علينا بنصيحة
:l:f

[ابو عمر النوح]

حياك الله أخوي محمد ، عزيز و غالي
بالنسبة لي الجهاز الخارجي أفضل بكثير من الثابت في السيارة لعدة أسباب منها :
1. لو كشت على سيارة ما هي سيارتك تقدر تاخذه معك و تستفيد منه بوضع احداثيات ما هي عندك أو تفيد غيرك بالمواقع اللي مخزنة عندك في جهازك .
2. لو لا قدر الله تعطل عليك ممكن تنقله للصيانة بسهولة لأنه خارجي ، أما الثابت في السيارة أظن إن صيانته مزعجة .
3. في الغالب يكون جهاز القارمن معه قاعدة أصلية و متينة لتثبيته في السيارة سواءً على القزاز أو الطبلون .

و بالنسبة لأي جهاز تشتريه أنا رأيي
في المدن عليك بأجهزة النوفي منها الرخيص مثل 205 سعره تقريبا 700 ريال
و منها الوسط مثل 1410 أو 1490 و هذا شاشته كبيرة سعره تقريبا 1200 ريال و الفرق بينهما إن 1490 عليه خرائط أوربا الأصلية و باقي الميزات نفسها .
و منها المرتفع سعره قليلا مثل 3760 أو 3790 و هذا سريع التصفح و ذاكرته كبيرة 4 قيقا . سعره تقريبا 1700 ريال في محلات العامة موزع لخرائط الصحراء و فيه هنا في خيمة البيع و الشراء يحدونه جديد مع الخرائط 1500 ريال .
و ترى النوفي ممتاز حتى في البر
و بالنسبة للجهاز القوي المتين و المميز في البر و البحر هو 276 c و لكني ما أنصحك فيه لأني مثل ما ذكرت لأخونا النشمي النص التالي :

بالنسبة لجهاز الــ 276 يعتبر قمة الهرم في أجهزة القارمن و بالنسبة لي ما أقارن أي جهاز بــ 276 عملي ، قوي . . . ، و لكن أنا عندي بعض الملاحظات أتمنى من الشباب يفيدونا عنها بأذكر منها ملاحظتين :
1 . حسب معلوماتي إن الجهاز توقف تصنيعه ، و أنا أعتبر هذه مشكلة ، لأن المفروض إن جهاز القارمن يبقى مع راعيه 10 ـ 15 ـ 20 سنة و لا يفرط فيه و إذا وقف تصنيع الجهاز قد يقف تصنيع قطع الغيار و لو استهلكت بطاريتك و خربت بلشت بالجهاز إذا ما له قطع غيار . مثل البطارية أو الشاشة أو غيرها .
2 . كرت الذاكرة في 276 غالي جدا آخر علمي بقيمة الذاكرة 64 ميقا 200 ــ 300 ريال ، بينما كرت ذاكرة النوفي ( 2 ) قيقا = 2000 ميقا بحوالي 50 ريال .

و عسى الله يوفقك و يرزقك الجهاز اللي يرضيك .
و آسف على الإطالة أخي الغالي .

[abu.rna]

انصحك بالنوفي 780 حسب تجربتي واستخدامي ممتاز

[mohammed431]

الله لايهينكم ومشكورين على النصيحة
وماهي مستغربة من الوجية الطيبة