حرارة السيارة بـ Gxr-2007 غير طبيعية أرجو المشاركة بالحل - توجد صورة

[Green E]

السلام عليكم وحمة الله وبركاته


يا أعضاء منتدى مكشات جميعا .......... مسيتم بالخير


عندي GXR-2007 والسيارة شاريها من 3 شهور تقريبا وسافرت عليها حوالي 3 مرات قبل كذا لأبها ولمكة ولجده ولم ترتفع الحرارة


والحين مع الصيف سافرت من أبها للقصيم ورجعت توقفت بالرياض وخلال الطريق كانت الحرارة ترتفع حتى تتجاوز الثلاثة أرباع المؤشر وذلك بعد تجاز سرعة 100


وإذا مشيت أقل أو توقفت عند نقط تفتيش ترجع الحرارة لأقل من النصف ممكن الثلث تقريبا


وإذا رجعت للخط ومشيت أكثر من 100 رجعت وارتفعت الحرارة



المهم ما أقدر أزيد السرعة حتى ما تزيد الحرارة فما الحل تكفوووووووووون ؟


طبعا فتحت الغطاء الخاص بالاديتر ولم أجد بأن الماء ناقص وأيضا القربة اللي جنب الاديتر ممتلئة


علما بأني لم أبدأ بأي شيء ولم أعمل أي شيء حتى الآن سوى الكتابة بالمنتدى فما رأيكم وجزيتم خيرا


توجد صورة
http://www14.0zz0.com/thumbs/2010/07/24/12/392246424.jpg

[ابو طلال8666]

هلا بك اخوي عندك البلف خربان ركبلة بلف جديد ودعلي
تقبل مروري00

[Green E]

هلا بك أخوي أبو طلال 8666

هل من طريقة لمعرفة أن البلف خربان قبل الفتح والتركيب لأن الشغلة قد تكون سهلة وقد تكون متطورة وأخاف من كل مرة أجرب شيء

ولك الشكر على التجاوب السريع

[ملك السيييف]

أخوي يمكن عندك الثرموستات خربان ويقفل وهذا صارت لي

وارتفعت الحرارة

أو عندك غطاء الرديتر

أو تماتيك المروحة .

[الرايه]

الله يعينك انا معي فورد موديل 2002 نفس وضعيتك وكل شي سويته بدون فايده يعني الله يعينك
ونصيحه للك لاتغير شي الا مستعمل
يعني شف لك احد من ربعك وفك من عنده وركب بسيارك الى ان تطيح بالخراب علشان ماتتخسر كثير زيي
وابدا بالرديتر والخراطيش

[الخِيال]

الله يكون في عونك

[عبدالله الموسي]

اول شي حرام تمشي على الموتر بالوضع هذا ... انتبه لاتروح عليك المكينة.....


ومثل ماقالوا الأخوان....يمكن يكون البلف قفل معاد يفتح..

لأن هذا اقرب شي ممكن يصير... والله يعينك...

[ابوراكان تبوك]

هلا بك أخوي أبو طلال 8666



هل من طريقة لمعرفة أن البلف خربان قبل الفتح والتركيب لأن الشغلة قد تكون سهلة وقد تكون متطورة وأخاف من كل مرة أجرب شيء



ولك الشكر على التجاوب السريع


فك البلف من الموتر وحطه في مويه مغليه تشوفه يفتح واذا فتح حطه بمويه باردة شبه مثلجة يقفل على طول يقفل ( معناه انه شغال )
هذي طريقتي و تقبل مروري

[غالي]

اخوووووووووووووي ليش أنبير الزيت كذا !!!!!!!!!!!!!!!

تراه مو طبيعي الزيت شكله ناااقص :(

المفروض ضغطه يكون اعلى خصوصا اذا مشيت يرتفع أكثر

كان معي جي اكس ار 2003 اتذكر انبيرالزيت مو كذا ابد


والله اعلم

[ابوراكان تبوك]

اخوووووووووووووي ليش أنبير الزيت كذا !!!!!!!!!!!!!!!

تراه مو طبيعي الزيت شكله ناااقص :(

المفروض ضغطه يكون اعلى خصوصا اذا مشيت يرتفع أكثر

كان معي جي اكس ار 2003 اتذكر انبيرالزيت مو كذا ابد


والله اعلم


فعلاً كلامك صحيح

[مركز حراره]

فك البلف وخل الموتر بدون بلف وجرب
الاتنسى تناطرالماء هل هو يدور بالاديترعلشا الطرمبه
المس الاديتر بجوانبه كلهن من عند المروحه تحس فيه اماكن ابرد من اماكن بفرق كبير اذاكذا سيخ الاديتر

[رفيع المقآم]

نعم تبي رايي
سيخ الرديتر وغسل الموتر كامل السرندل ومع الرديتر اذا خلصت التسييخ ثم اشتر ماء مقطر كرتون بـ15 وحطه عشان ما تخسر واجد وغير البلف ثم شف وقبلها شيك على كلتش اوتماتيك المروحه فر المروحه حقت السير بيدك اذا فرت بسرعه وماوقفت تحسها خفيفه فهو خربان الكلتش او اذا كانت المروحه ماتفر تفرها بقوه يعني مجيمه ترى الكلتش خربان واذا فريتها ووخرت يدك ووقفت على طول فهي تمام يعني مي خفيفه ولا ثقيله
اهم شي الان غير البلف مع تسييخ الرديتر والغسيل الكامل مايكلفك شي وانت تستفيد منه وبيني وبينك اذا ارتفعت الحراره بالسرعات العاليه اعرف ان الماء مايدور بسرعه لان الهواء يضرب بالموتر فمايحتاج مروحه فهمت يعني سيخ الرديتر وغير البلف وغسيل كامل واكرر لك لاتحط ماء حلو ولا شي حط مقطر لانه رخيص وما يكلس

[Green E]

شاكر لكم إخواني المرور على الموضوع

وغدا صباحا لي موعد مع محل رديترات وبغير البلف إن شاء الله

وراح أعلمكم وش صار معي بالضبط

وبالنسبة لأنبير الزيت هذا الوضع الطبيعي إلا صارت السيارة واقفة وإذا مشيت بالخط يرتفع للنصف و يزيد أحيانا

أما الصورة فكانت مأخوذة والسيارة توي موقف باستراحة وقبل ما تنزل لأقل من النصف

عموما بكرة بإذن الله بجرب وأرد لكم خبر ودمتم سالمين

[ساري 111]

اذا ماء الاديتر نظيف عندك احتمالين

توماتيك المروحه خربان
او البلف تمسك معه بعض الأحيان مايفتح

لكن حرام تخلي السياره بهالشكل يمكن ينشعر الراس وتقعد تقطع بصل بعده

[أبوحمييد]

تاكد من غطا الرديتر غيره وشف وان شاء الله يظبط معك...

[ابن سعيدان]

نصيحة مجرب

بلف التويوتا يفتح عند درجة حرارة 82

أنا مغير بلف نيسان موديل 97 يركب دايركت وممتاز بالحيل يفتح عند درجة 76.5

صدقني راح يفرق معك

لكن بشرط تكون العلة من البلف

موفق خير

[كريم الطباع]

كلام الاخوان على متمة وشف الخراطيش شيك عليها لانها ممكن تنسفط مع السرعة ولا توصل الماء

[المخبر616]

اخوي سوال اذا ارتفعت الحراره معك ووقفت وفتحت الكبوت هل الحراره فعلا مرتفعه اقصد احيانآ يكون الامير عطلان هذا شي الشي الاخر اذا كانت الحراره مرتفع والخراطيش مضغوطه معناه ان البلف لم يفتح ممكن يكون ايضآ عطلان انا استبعد يكون الرديتر فيه مشكله

[Green E]

السلالالالالالالالالالالالام عليكم جميييييييييييييييييعا

اليوم رحت لمحل رديترات وفتحت الرديتر للتسييخ ووجدناه مسدد تقريبا بنسبة 70 % ومتسخ وسخ يا ساتر

المهم سيخ الرجال اللديتر وصار 100 % وكل الفتحات يمر من خلالها الماء

ثم اتجهنا للبلف حتى نشوف خربان ولا لا فلم نجده والظاهر إن صاحب السيارة الأول مبعده المهم شرينا جديد وركبناه

ثم قمنا بغسيل السلندر عن طريق جهاز بسيط مع صاحب اللديترات وطلعت بعض الأملاح

ثم قمنا بتعبئة اللديتر بماء أصلي من الوكالة ثم طلعت من عنده

النتيــــــــــــــــــــــجة :

1 - لاحظت تغير بحرارة السيارة إيجابي - صارت على الربع تقريبا وثابتة بعد ما كانت على الثلث إلى النصف

2 - لاحظت وأنا داعس بنزين والسيارة واقفة والأمبير يوصل على رقم 3 وأعلق بالدعسة شوي لاحظت بأن الهواء ينزل شوي ويرجع
ممكن يكون البلف يقوم بعمله وهو فتح الصمام لإدخال ماء من اللديتر


طبعا أشعر بارتياح بعد الأوساخ اللي شفتها طلعت ويمكن السبب من الماء العادي

تبقى الشيء المهم وهو تجربة السيارة على خط طويل لمدة تزيد عن ساعة وبسرعة فوق الـ 120

وهذا الكلام ممكن اليوم العصر ولا بأقرب فرصة وبرجع لكم خبر وش صار معي

ولكم كل الود والاحتراااااااااااااااااااااام

[ساري 111]

لاتصير غسلته بفلاش ؟؟

لكن

غريبه الموتر جديد وش اللي سد رديتره ؟؟

شكل راعيه الأول معبيه ماء عادي او ماء رديتر مهب اصلي

عموماً اهنيك على انحلال مشكلتك وان شاءالله انه اخر المشاكل

[Green E]

شاكر لك أخوي ساري على العودة للموضوع لأكثر من مرة وغسلت السلندر بماء صافي فقط بدون أي إضافات

و نقول إن شاء الله إن المشكلة انحلت تبقى فقط تجربته في خط طويل

ودمتم سالمين

[سوبر VTC]

الحمدلله

اهم شي محلول تويوتا جالون و الباقي مقطر
او محلول ايسي ديلكو الاحمر و الباقي مقطر

تاكد من كلتش المروحة حتى لو هو جديد
حركه بيدك اذا كان مهب خفيف و لا ثقيل يعني وسط فهو تمام
اذا كان خفيف مرة فهو خربان
اذا كان ثقيل مرة فهو مجيم يلك
و احيانا يطلع منه زيت

تاكد لا يكون هناك سدد امام الاديتر طين شجر قراطيس حشرات

المفروض ان الموتر على سرعة 100 و طالع تنزل الحرارة
لان الهواء اللي يضرب الموتر اقوى من مروحة المكينة
بمعنى تقدر تمشي على الموتر بسرعة 140
بدون مروحة مكينة او مروحة كهرب

تاكد من عدم رخاوة السير

هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:


1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر

9- بالصور تركيب مروحة كهربائية لليوكن Yukon Denali 2004 - منتديات مكشات (http://www.mekshat.com/vb/showthread.php?t=224958)

[راعي الهدد 7]

75 بالميه تماتيك المرووووحه والله العالم وعلى

[راعي الهدد 7]

75 بالميه من ارتفاع الحراره المفاجئ هو تماتيك المرووحه

[عاشق الغضا]

اتوقع من البلف قافل غير البلف وان شاء الله يزين ويمكن يصير من غطاء الاديتر

[Green E]

السلالالالالالالالالالالالام عليكم جميييييييييييييييييعا


اليوم رحت لمحل رديترات وفتحت الرديتر للتسييخ ووجدناه مسدد تقريبا بنسبة 70 % ومتسخ وسخ يا ساتر


المهم سيخ الرجال اللديتر وصار 100 % وكل الفتحات يمر من خلالها الماء


ثم اتجهنا للبلف حتى نشوف خربان ولا لا فلم نجده والظاهر إن صاحب السيارة الأول مبعده المهم شرينا جديد وركبناه


ثم قمنا بغسيل السلندر عن طريق جهاز بسيط مع صاحب اللديترات وطلعت بعض الأملاح


ثم قمنا بتعبئة اللديتر بماء أصلي من الوكالة ثم طلعت من عنده


النتيــــــــــــــــــــــجة :


1 - لاحظت تغير بحرارة السيارة إيجابي - صارت على الربع تقريبا وثابتة بعد ما كانت على الثلث إلى النصف


2 - لاحظت وأنا داعس بنزين والسيارة واقفة والأمبير يوصل على رقم 3 وأعلق بالدعسة شوي لاحظت بأن الهواء ينزل شوي ويرجع
ممكن يكون البلف يقوم بعمله وهو فتح الصمام لإدخال ماء من اللديتر



طبعا أشعر بارتياح بعد الأوساخ اللي شفتها طلعت ويمكن السبب من الماء العادي


تبقى الشيء المهم وهو تجربة السيارة على خط طويل لمدة تزيد عن ساعة وبسرعة فوق الـ 120


وهذا الكلام ممكن اليوم العصر ولا بأقرب فرصة وبرجع لكم خبر وش صار معي


ولكم كل الود والاحتراااااااااااااااااااااام




السلالالالالالالالالالالام عليكم جمييييييييييييييعاً


عــــــدنا و الحمد لله بالأخبار السارة


بالأمس طلعت من الرياض متوجهاً لأبها والحمد لله كانت الحرارة جدا عادية


والممشى كان يتراوح بين 130 - 140 والحرارة لم ترتفع عن ما سترونة بالصورة ولا شعرة


والحمد لله كنت في غاية الارتياح طبعا بعد ما شرحت لكم بالسابق ماذا فعلت من حلول


والفضل يعود لله ثم للمنتدى الرائع بأعضائه المتعاونين على الخير


لكم مني الشكر الجزيل ودمتم سالمين في رعاية الله


الصورة للتوضيح


http://www9.0zz0.com/2010/07/31/22/876717945.jpg

[بخيت الدوسري]

الحمد لله رب العالمين على انحلال مشكلتك
والله يوفقنا وإياكم لما يحبة الله ويرضاه
والله يبارك لك في موترك ويكفينا شر
هالحديد

[فكسار الأزرق]

الحمد لله على كل الحال
وفقك الله وسهل امورك دائما

[ساري 111]

الغريب موترك ممشاه شوي وش اللي سدد اديتره لايصير مفصول ؟؟

موتري قرب للـ 200 الف ولاشكى شي وديتره نظيف ولاعمري غيرته ولا زودته شي

عموماً حبيت اقولك اذا مشيت الظهر وسرعك فوق 150 راح ترتفع الحراره الى ماادون النص لاتقلق تراه طبيعيه

[Green E]

الأخ بخيت الدوسري أبشرك الحمد لله انحلت المشكلة

الأخ فكسار الأزرق شاكر مرورك وتواصلك

الأخ ساري 111 جزيت خيرا على مرورك على الموضوع للمرة الثالثة

والحمد لله المشكلة انحلت وأسأل الله التوفيق للجميع

[ابوصالح77]

غريبة متسكر رديتره
على كذا لازم نشيك على الرديتر
بالتوفيق