اذا فتحت غطا تانكي البنزين تطفي السيارة.

[سعود محمد]

عندي مشكلة وهي معي جيب باثفيندر2002 وبعض الاحيان اذا جيت اعبي بنزين يطلع هواء قوي وبعدين يبدأ الموتر يقطع ويطفي وخصوصا اذا صار التانكي شبه فاضي وقت الظهر .

[سليمان الصقر]

الله يكون بعونك ولعل الاخوان يفيدونك

[سعود محمد]

جزاك الله خير ننتظر مرور الاخوان ليفيدونا

[الطرفيه2]

من الافضل اخوي انك اذا جيت تعبي بنزين تطفى السياره (((خاصه اذا صار التانكي فاضي )))

هذا حل مبدأي فقط ...

تحياتي للجميع

[سعود محمد]

انا من عادتي اطفي السيارة وتعودت عليه من زمان بس الي اقصده اذا فتحت الغطا وقبل يعبي البنزين السيارة تطفي

[ستوك]

والله ماعندي علم

بس اعرف واحد من اخوياي


عنده نفس المشكله

موتره هايلكس 2010

اتوقع انها طبيعيه

[همس الغدير]

عندي نفس الحالة مقدر اسميها مشكلة في فورد 2000 امريكي لكن هذا بعض الشركات تعمل فيه كــ امان للمركبه اول ما يفتح الخزان يطفي السيارة وبعض السيارات من شدة ضغط الهواء

[أبوحمييد]

يبيلك تانكي من خريص الاصلي ....

[ساري 111]

كد صارت معي بباترول 2002 على وقته

تطلع ريحه بنزين تحشر واذا فتحت تانكي البانزين طفى

اللي سويته فكيت الغطاء وحبرشت به ونفخته بالهواء ورجعته وضبط بعده

[nayf01]

المشكلة من ليات التانكي

وفيه اعتقد لي مخصص لتهويه قد يكون مغلق

احد رووسة حر

[سعود محمد]

جزاكم الله خير جميعا يبيلي امر خريص واجيب الغرض.

ننتظر مرور الاخوان

[سوبر VTC]

رد سابق

تاكد من غطاء التانكي كل غطاء بوسطة فتحة في المنتصف
و بوسطه سبرنق + بلف
قد يكون قافل خربان
تجيب مفك صغير و تحاول تلغي السبرنق
و هذي الحركة مطبقة بالجمس
تقدر تمسك الغطاء و تنفخ و تسحب بفمك
و يبين معك على طول

[الاماكن1]

مساكم الله بالخير شباب انا عندي نفس مشكلة الاخ سعود تماما في باث 2001 وانصحك لا تعب نفسك وتغير غطاء تانكي البنزين لاني سويتها وما في فايده وعلى العموم اعطيك الحل الي قالي اكثر من مكنيكي فلبيني ممن اثق فيهم وهي ان المشكلة في شي اسمه الكونستر تلقاه علبه سوداء فوق اذا فتحت الكبوت وظيفته سحب الراجع من البنزين الزائد ومن ريحة البنزين الزايده الي تسبب الريحه في السيارة وسبب انطفاء السيارة ان الهواء يكون مضغوط في التانكي فعندما تفتح الغطاء يخرج ضغط الهواء فتنطفي السيارة انت اسال واتاكد من الكونستر وارجو الرد ايش يصير معاك حتى تعم الفائده لاني كنت ناوي اصلاحه لكن بصراحة معزم على سفر وما ودي افتح مشاريع وتقبلوتحياتي

[سعود محمد]

وانا مثلك اخوي مسافر بكرة

[راعي الطلعات]

حصلت معي بالباترول للاسف وتمنيت اعرف السبب

وان شاءالله الاخوان ما يقصرون

[الاماكن1]

اتوكل على الله وسافر ولا تهم الخزان اول شي ترا ما يكون فيه ضغط بزياده والسياره ما شيه الشي الثاني عند وقوفك عند المحطات في الطريق للتعبيه راح يطلع الهواء عند التعبيه وعلى فكره السيارات القديمه كانت بدون كونستر على العموم الله معاك ولا تنسى دعاء السفر

[النجم السيار]

:fاحتمال من مجموعة علبة الهواء الى جنب الباكم .....
وجرب هل اذا فتحت غطاء الزيت والسيارة تشتغل هل تطفي ام تنقص ويمكن يصير خرطوش فيه تهريب هواء:f

[سعود محمد]

جزاكم الله خير جميعا