كم ممشاك بالخط عطنا صوتك ورايك

[P O W E R]

السرعة حسب نوع السياره وتاريخ الكفر اذا صغيره مثل لكزس 170 - 200 اذا جيب 140 - 180

[عزف ..]

160

سوآء بآلون آو غيرهه

[Supurban]

190 دايما
لكن احيانا مع الرواقة من 120-150

[ابواليوسف]

بين ال 120وال140 اما اذا زادت اكثر من كذا فهو تهور وللاسف ان البعض يشوف اللي يمشون من ال100 لل130 او 140 انهم خوافين ويظن ان المرجله بالسرعه

[ابو عمر النوح]

متوسط ممشاي في الغالب 130 يزيد 10 أو يقل 10
لعدة أسباب :

1. أن الطرق و لله الحمد الآن سريعة و ليست كالطرق قبل 20 أو 30 سنة .
2. كذلك السيارات الموديلات الحديثة سريعة و آمنة بإذن الله أكثر من السيارات القديمة التي تسمع صوت مكينتها من مسافات بعيدة و سرعتها القصوى لا تكاد تتعدى 160 ـ 180 كم و بعضها 140 .

لذلك المفروض إعادة النظر على سرعات الطرق السريعة من 120 إلى 140

لأن الكثير من زملائي يقولون أكثر دول العالم و أقربها دبي في الإمارات السرعة مسموحة إلى 141 ، وهذا يعتبر طبيعي جدا على السيارات و الطرق الحديثة .

[ذخر الصديق]

موضوع مميز ومفيد
اذا العائله معي امشي140
واذا الحالي امشي 160
وفي احد المرات اظطريت امشي 100-120
بسبب وضع الكفرات لقيت مافيه ذاك الفرق
في الوقت اذا صلبت ولقيت الاجهاد اخف للجسم

[al-3saly]

على حسب الموتر الي معي
يوكن وجي اكس ار السرعه 160
ونيت 140
لكزس 180

[جوبتير]

الله الحافظ سبحانه
لكن والله انا نطق 180 خاصة اذا الطريق هاي وي

[عاشق الددسن92]

120 ون زادت 140

[أبقيق]

بحكم عملي خارج المدينة .. معدل السرعة 140- 150
في السفر معدل السرعة 155

[YOKUN]

http://www.alyaum.com/News/files/2012/aramco_821799073.jpg

[ع المشاري]

والله انا السراحه ماقدرت استسيغ السرعه في الطرقات السريعه اقل من 140 الى 170 عجزت ماقدر امشي اقل من هالسرعه ملل وبعدين الطريق اسمه طريق سريع ليش ما اسرع وهو سريع 00000؟

[ziad_1409]

صراحه اذا خط الحجاز ممكن توصل السرعه الي 160 - 170 والسبب البعد معي احد او لا بس اذا السفريه قريبه 100 كيلو الي 150 كيلو ما تفرق ابد السرعه الي يمشي 160 زي الي يمشي 120
بالنهايه خط الحجاز مشيته 200 ومشيته 160 ومشيته 140 وكلها 6ساعات ونص لا تزيد ولا تنقص فقط المجهود

[ziad_1409]

http://www.alyaum.com/News/files/2012/aramco_821799073.jpg


صراحه افضل رد قريته اهنيك :good2::good2::good2::good2:

[عود الاراك]

خط سريع من 140 - 160

[موسي المطر]

في حياتي كلها ما تعديت ١٢٠ ياخي اللي يسرع موب كسبان اي شيء الا ارتفاع احتمالية حادث لا قدر الله. وشلك بالمشاكل؟

[تميم2222]

والله عقب ساهر. 120 وطق المثبت وطقطق بالوتس اب :D:D

[شعيب فياض]

الله يحفظك يا تميم
اخطر ما على السواق الإنشغال بالجوال

[ابو البر]

انا بالنسبه لي 120
ويوجد سلبيات وأيجابيات .
نبداء بالأيجابيات :
1- اطبق المثل كل مطرود ملحوق .
2-اتفاداء مفاجأت الطريق بكل يسر وسهوله .
3- اوسع صدري بشوفة البر والأماكن اللي امر عليها .
4- اوصل واعصابي مرتاحه (يعني ) ما هو مثل بعض الناس اذا وصل من السفر نام يومين من الأرهاق .
5- يرتاح الموتر لأني بحاجته في السفر وغير السفر.
6- ما فيه شي اسمه ما دريت عن (ساااااااااهر ) هههه.
اما لسلبيات :
1- الألف كيلو اخذها في عشر الى خمسة عشر ساعه ....ويمكن اكثر .
2- ام العيال تصير نفسيتها خايسه ومكشره / ولو انها تسوق كان وصلنا قبل ان يرتد لي طرف عيني .
3- العيال ما غير يلهمون من هالبساكيت وهالعصيرات اللي مضطرين عليها بحكم ان المطاعم اللي بالطريق (اخلط اخلط ) من هالطبخات (بلديه ما فيه معلوم).
4- يزيد مصروف السفر بسبب ماهو مذكور في الفقره اعلاه ههههه.
5-السفره اسبوع / اربعه ايام منها للطريق .
6- ازعج الأهل والأصحاب بكثر الأتصالات على غير العاده .
7- سوالفي مع ام العيال وعيالها تصير بايخه .
8- واخيرا وهو الاهم / لو غفت عيني / تصير النتائج لاسمح الله بسيطه / رضوض وما حولها / يعني علاج في موقع الحادث فقط.

وسلامتكم .

[تميم2222]

الله يحفظك يا تميم
اخطر ما على السواق الإنشغال بالجوال


الله يجزاك الف خير. :) والله صدقت. هههههههههه اللهم امين وياك يارب

[اكسبديشن 2006]

بالسفر امشى 100 الى 120 كد اقصى
اللي قاسمه الله صاير في كل الاحوال
والمثل يقول ( كل مطرود ملحوق )
فلما العجله والسرعة تجهد السائق جسديا وعصبيا وماديا

[باترول مغرز]

سلمك الله اذا نهار 140 اتفرج واستانس اذا بليل 180 الا 200 لان
ما فيه شي ينشاف

[اليامي قطر]

اغلب مشاويري 140 _ 160

[بدوي جنوبي]

والله عقب ساهر. 120 وطق المثبت وطقطق بالوتس اب :D:D

:no2::no2::no2:

امش 170
ولا تنشغل بالجوال

[soJwJI]

السلام عليكم ورحمه الله وبركاته

اولا الله يحفظكم من كل شر و مكروه
ومن مفاجأت الطريق

بنسبه لي انا و لله الحمد الان لي اكثر من اربع سنوات ممشاي على الخط من بين 80 الى 100

في بعض الظروف التي تتطلب مني السرع قد اسرع على حسب الظرف


نسال الله ان يحفظنا وايكم ،،،، امين

[الشيخ عدوان]

أمشي 160 تقريبا

عاد ياربي لك الحمد ماحب اي شي يلهيني عن السواقه

الله يكفينا شر السرعة والحوادث .. اللهم آميين

[معدني]

140
للجيوب والشاحنات وبيكون الفارق الزمني قليل بينك وبين اللي يمشي 160 15 دقيقه فالمتوسط

[هاوي الديرة 1]

من 120 الى 140

:good2::good2:

[saleh9888]

الممشاء ولله الحمد 120

[abarre3an]

130 تقريبا"

[ابوهايلكس]

بالنسبة لي لحالي 120
معي احد بزران صجة ولجه 160 عشان اوصل بسرعه وانزلهم
معي واحد نايم او ما يسولف مثل الصنم 200

[عبدالله نيسان]

انا اذا في وجهي هواء 175 واذا الهواء جاي معي 200.
من الاخر والسرعه الي يجيبها الموتر حياها الله
طبعن اسرع اذا كنت لحالي

[المناعي2]

320 كيلو متر في الساعة

[الصيادالمليح]

الحمد لله اقل من ١٢٠ لاني بلاحق ملايين و لا عندي ملايين تلحقني

و اسال الله الهداية للمسرعين المتهورين و العصبيين

[معاد تفرق؟]

سرعتي بين 150 و170

لاكن اشوف السرعه المعقوله وامان 140


لاكن مره كنت مسافر بين 180 و200 الي جمبي مثل الصنم وهو مستعجل وش اسوي فيه

وبعدها خلاص ما اعدى 170 لان بعد ماوصلت حسيت بالخطر الي كنت اسويه

[الوابصي 44]

من 140 الى 160 طبعا بالسفر واحيانا 170 بالخطوط السريعة
الحمدلله سرعة 200 معشش عليها العنكبوت ما ناشها مؤشر السرعة من الوكالة

[GMCsieera2011]

صراحة انا امشي 120 واحيان امشي 80 اذا كنت لحالي

لاني احب اخذ الخط متعه وسعة صدر الصيف الماضي كنت رايح ابها نتمشى مع الاهل

رجعت من ابها بعد ماخلصت اجازتي لحالي والاهل جلسوا باقي الاجازة هناك

كنت امشي 100 واحيان 80 من ابها إلى الرياض

اما اذا كان معي احد 120 ونادر امشي 140

السرعة مامنها خير والواحد الافضل انه ياخذ الخط متعه ووسعة صدر

ياخذ معه براد شاهي بنعناع او حبق وشريط القصيد والشلات

وياسلام سلم

[ناسي سنارتي]

اذا كان الخط فاضي والرؤية جيده وساهر مافيه 160

اذا كان خط عادي 140 الى 130

اذا كان مزحوم وشاحنات وزحمه من 100 الى 120 وفي بعض حالات الزحمه ماتشوف ولا واحد مسرع لان اصلن ماتقدر تسرع حدك 100 ههههههه


الله يحفظ الجميع

[خالد الشمري20]

السلام عليكم ورحمة الله وبركاتة


120 مناسب فوق 120 مخالف للنظام السير

[أبو جابرر]

130 هذا ممشاي غالباً

[خالد الحارثي]

والله ي الغالي اني امشي 195 فصلت موتري لاكن معى الاهل والاخوان والله احيان م اتعده ال 100

[ابو محمد64]

انا اذا معي الاهل واهم شي ولدي الصغير الله يحفظه ما اتجاوز 120 حتى 110 كله عشان سلامته وطبعا على الاكسبدشن اذا كنت مستعجل ومسافر لوحدي اتترك الاكسبدشن مع اخوي واخذ الجنسيس شطرطون على اللوحه ومن الخط القديم محد عندك 260 على النمره ال7 و الموتر مرتاح بس نهاية السرعه ما فيها خير وانا اذا سافرت لحالي اكون مستعجل غير كذا 140

[ابو محمد64]

طبعا اذا كنت لوحدك تطفش بالخط لازم تدوس شوي اما اذا معك احد تتونس معه خلك راكد

[alharbi15]

جربة السرعه وخسرة ثلاث سيارات والحمد لله ماصار لي شي
أول وأهم شي تمشي بهدوء وتوصل مرتاح هذا على السرعه اللي هي العاديه 140 بسبب طول الخطوط
أما على السرعات العاليه بخسر البنزين ووجهية السياره تندمر مو شرط من العج الا من السرعه عمر السياره يقل
ويمكن عمر السايق يروح بغفله بسيطه

حالين بالنسبه لي ولله الحمد 140 ويمكن أقل والله يخلي مثبت السرعه
من أسباب السرعه الأغاني والله أن راعيها طاير حتى وأن كان بكراج البيت ^،^
محاضره والا قصص منها فايده والله راعيها يرتاح نفسين وذهنين
وهذا هي تجربتي اللي أسويها

[m77mad]

السلام عليكم
بختصار هي علي السياره تلعب دور
ان كان معك لك ددسن مثلي ولله الحمد اذا وصلت 140 حنة المكينه وصوت الدرايش
وصفير العداد اذا تعدت 120 ههههههههه:D
فلذالك والحمدلله ماتعداها الا اذا تاخرت بالمره عن الدوام
اما لركبت الكامري ماتدري الا انك تمشي فليست 180
المهم السرعه مابها خير والفرق كله 10 دقايق واقل بعد
والمسافات البعيده قل نص ساعه ياخي نفسك مو ملك لك
مسول عنها غير كذا حتي لو سلمت قد تودي بحيات عائله او تيتم اطفال
انا اخطي واسرع ومنكم من يسرع
ليس عيبًا أن تخطئ مرة، ولكن العيب أن تستمر في الخط
وتذكر ان تصل خير من ان لاتصل

[الحظ عواكيس]

160 والحافظ الله

[أحمد.الشمال]

السلام عليكم

انا صوت 160 والسرعه الزايده مثل 200 واكثر ممنها فايده مخاطره بذات الي معهم عوائل والسلام ختام

[بدران الدوسري]

140 وخير الامور اوسطها

والله يحفظنا وياكم وجميع المسلمين من كل شر

[أبوبشير العنزي]

أنا تعلمت النظام خارج المملكة. .ولله الحمد أطبق النظام والى الآن لم يتم مخالفتي من ساهر أو أمن الطرق أمشي 120 الى 110 ولله الحمد أوصل مرتاح ومبسوط وحتى اللي معي مرتاحين حتى لو طالت المسافة ملحوق بإذن الله تعالى وليه أسرع وأتهور وقدري عند الله إذا الله كاتب انك توصل بتوصل حتى لو مشيت 120 واذا الله لم يكتب وصولك حتى لو مشيت 250 لاتوصل ...

[سلطان الغانم]

اغلب الاوقات 120 وبعض الأحيان 140 لان السرعه مافيها خير لك ولمؤترك

[أبوبشير العنزي]

صراحة انا امشي 120 واحيان امشي 80 اذا كنت لحالي

لاني احب اخذ الخط متعه وسعة صدر الصيف الماضي كنت رايح ابها نتمشى مع الاهل

رجعت من ابها بعد ماخلصت اجازتي لحالي والاهل جلسوا باقي الاجازة هناك

كنت امشي 100 واحيان 80 من ابها إلى الرياض

اما اذا كان معي احد 120 ونادر امشي 140

السرعة مامنها خير والواحد الافضل انه ياخذ الخط متعه ووسعة صدر

ياخذ معه براد شاهي بنعناع او حبق وشريط القصيد والشلات

وياسلام سلم

كلام يكتب بماء الذهب. .لله درك. .منها سفر ومنها عبادة ومنها متعة. . وسالفة طمس اللوحة وعيب وهذي سوالف المبزرة اذا امسكوك المرور عزالله فشيلة أمام الرجال كبير في العمر وتطمس لوحة. .

[ابوحزااااااام]

انا 140 حتي لو اشوف ساهر قدامي ههههه

[علوش1]

140 ليلا

120 بالنهار

بسبب الحر

[ابوماجد-1]

120 الى 140 كحد اقصى

[عبدالله الموسي]

140___ الى 160 طبعاً يوم اكون لحالي

ويوم معاي الأهل 100 ____ 120____130

[أبو زبن]

ممشاي دايم 133 اثبت عليها عشان اريح راسي من ساهر سواء كنت مداوم ولا مسافر ولا ماشي بالريوس :D
وما أداني افك مثبت السرعه لو اطوف مع الكتف لدرجة بعض الاحيان اطلع من الجبيل ولا تشغل لمبة البريك الا عند كبري الدمام

[الجنوبي2020]

ممشاي من اول فوق 160 ولكن دام الله كفاني من الموت أو الإعاقة فأحمد الله وأخفف السرعة



140 في السفر وغيره 110 او 120



من يقول لأجل نوصل بسرعة ومانمل من الخط



أجدادنا كانوا على ابل



يعني اللي يمشونه في شهر نمشيه في 10 ساعات



نحمد الله على النعمة

[هاوي بلادي]

140 بكثير

واتكلم مع اللي حولي

[ابو اسامه 2]

120 - 140

حسب زحمة الخط

والحمد لله اوصل مثلي مثل غير

اللي بيمشي 200 بيوصل واللي بيمشي 80 بيوصل

والعقل هو الحكم دائماً في السرعه

[آآآبو سعود]

الصراحه معي سيارتين الباترول ولكزس 430 اغلب مشاويري الخرج الرياض ﻻكن اذا على اللكزس 180 وفيها
والباترول 120 ومتجود بالطاره وبالله اﻻتكال

[Salamah.y]

سابقاً ,, للأسف كنت امشي كل الطريق على الفصله
180 تقريباً ,, و الحمد لله ان ربي ستر علي و ما حصل لي أي مكروه
و الحمد لله ان ربي هداني و فتح على قلبي و عقلبي

الآن غالب الطريق من 120 إلى 140
أريح للأعصاب , و آمن بعد حفظ الله عز وجل
و فارق الوقت لا يستحق المخاطرة

,

ألله يثبتنا و يهدي كل أصحاب السرعات الجنونية

[مجنن الوبران]

اولا الله يحمينا من هالسيارات ويجعل خاتمتنا على سجادة راكعين لله وبين يديه

السرعه مابها غير التعب والتهور وشدة الاعصاب

انا من الناس الي ماكنت امشي الا على الفصلة ورحت فكيت الفصلة علشان هالعشرين الي باقيه بالعداد ويعنني ماحد يجي يمي بالخط

وبالمعنى الفصيح كانت تصغير عقل مني بهالحركات واستهتار بنفسي وبأرواح الناس الي بالخط

ومع الايام ظرب علي الكفر الامامي وانا ماشي حول ال 190 وهاتك مطارحة بالطاره ويارب سترك ونزلت عن الخط وانواع المطامر من فوق العقوم لاكن ربك ارادلي النجاه من هالموقف نحمده ونشكرة

والوقت الحالي ان اسرعه لحد 140 وكافي هذا بالنهار اما بالليل 100 لحد 120 ماتعداها سوائاً مستعجل او ماني مستعجل

وفارق الوقت مايذكر بالنسبه للمشي بالسرعات العاليه او المشي الطبيعي


والفرق بين الاثنين

بالسرعات العالية مغير متجود بهالدركسون وعيونك تتعب من كثر ماتطالع بالخط زين وتوصل وانت تعبان وتدور الراحة
وفوق هذا تهور ويمكن تتسبب بحادث لك او لغيرك لاقدر الله

مابين المشي بسرعه معقوله تاصل وانت مرتاح

[نفود الشمال]

مابين 140 الى 150

[طلال مكشاتي]

بالنسبه لي من 120 الى 150 الخطوط الطويله

[سـهم الجزيرة]

من 120 إلى 140 وساعات اعدل جلستي وادز لـ 160 ولا صحصحت... خففت 120..140

[Time out]

160 لسببين قلت الونيس ( لوحدي :(:( )
والسيارة خبله ومافيها مثبت .

[cadillac911]

الان من 110 - 115 والحمدلله مرتاح على الخط


اذكر الله تكسب حسنة

[مطر وسم]

السرعه مافيه خير يا شباب

تذكرو ان فيه ام واب يحترونكم
فلا تفجعهم بمصيبه تحل عليك بسبب سرعتك الزائده


الله يستر علينا وعليكم

[ريحه الأرطا]

على حسب الموتر

انا موتري الماني وامشي عليه بالخط من 160 وفوق

والحمدلله امان ومريح وممتع بالخط

الله يستر على كل مسلم ويوصله بالسلامه يارب

[mmar221]

السلام عليكم ورحمة الله وبركاته
صباح الخير
بالنسبة لي لا اتعدى 140
السرعة ليس فيها خير فقد تجني على نفسك او على غيرك
هناك من الشباب هداهم الله يثبت السرعه على سرعة عالية ولا يريد فك التثبيت حتى ولو تسبب في حادث فتجدهم يتجاوزون السيارات من ناحية الكتف وهذا قد يربك صاحب السيارة فيتسبب له بحادث لاسمح الله وقد حصل لاحد الاقارب عندم تجاوزه صاحب سيارة مسرع من الكتف فتلامست السيارتان وادى ذلك الى ان قريبنا فقد السيطرة على السيارة فانقلبت السيارة ومات هو وعائلته اسأل الله ان يجعلهم في الفردوس الاعلى

[مزااااجي]

أيام المرسيدس الشبح 160

بعدها اخذت فورد 140

الان يوكون 140

والله الحافظ سبحانة