ارجو المساعدة

[ياعزيزي]

السلام عليكم ورحمة الله وبركاته

اسعدتم مساءً وتمنياتي لكم بالتوفيق والسداد

اعزائي عندي استفسار يملك صاحبي جهاز قارمن اصفر اللون وموديل etrex من دار موجه

وفيه كتابة بالاطار حول الشاشه مكتوب ( high sensitivity)

اتمنى كيفية استخدام هذا الجهاز وطرق تشغيله ومميزات الجهاز مع كيفية التفعيل

علما بانه يشحن على بطاريات ( حجر )

اشكركم جميعا وتمنياتي للموقع بالتقدم والازدهار

مع اطيب تحياتي

اخوكم

ياعزيزي

[ابو عمر النوح]

حياك الله أخوي و عزيزي في هذا المنتدى الغالي على قلوبنا

و بالنسبة لأجهزة اتركس أنا عندي واحد اسمه etrex vista c إن كان اللي عندك مثله أو قريب منه فأبشر بالخير و بأي معلومة عنه و أعرفها :
1 . الزر السفلي على اليمين يشغله و يطفيه و يزيد و يقصر في الإضاءة .
2 . الزر العلوي على اليمين هذا يطلع لك صفحات الجهاز و هي : القائمة ، الخريطة ،البوصلة ، صفحة معلومات .
3 . الزر الأيسر السفلي يطلع لك قائمة الصفة المفتوحة : مثال إذا أنت فاتح على الخريطة و ضغطت على الزر الأيسر السفلي تطلع لك قائمة الخريطة مثل : توقف الرحلة ، بيانات الرحلة ....
4 . زرين في الأعلى على اليسار هذه للزوم التقريب و التبعيد .
5 . الزر في واجهة الجهاز هذا للتوجه أو الانتقال و كذلك للإختيار يعني inter
6 . طبعا ما أقدر أذكر لك كل اللي في الجهاز هذا يبغى له صفحات طويلة عشان أكملها و لكن بأذكر لك المهم
# إذا كنت في مكان و تبغى تحفظ إحداثيتك اضغط على الزر في الواجهة inter مرتين بتطلع لك الاحداثية غير اسمها ثم احفظها
# إذا أحد أعطاك احداثية و تبغى تروح لها من صفحة القائمة ــ mark ثم انزل إلى خانة الاحداثيات و غيرها ثم اتجه لخانة الاسم و غيره ثم ok .
# من القائمة find هنا موجود جميع الاحداثيات في الجهاز اللي أنت مخزنها أو في الجهاز مثل محطات البنزين . المطاعم . المدن ....

و إذا فيه أي سؤال لا يردك إلا لسانك يا أخوي . إسأل

و آسف على الإطالة .

[ياعزيزي]

بيض الله وجهك يالغالي

كفيت و وفيت وبصراحة

مقناصي بعد كم يوم ولانيب ماخذ الجهاز

باخذ ادلة من الافارقه

وحاليا مقيم بدول غرب افريقيا

بس ادور الدولة الامنه

تحياتي لك يالغالي