مافيه الردا والفشيله*جديد*.......................... اللغز تم حله من قبل ( ابو ماجد )

[قلب العنا]

السلام عليكم ورحمه الله وبركاته
يا ويش عودً ثابتً فى محله
-----------------ولا زمانه والرجا فى بديله
فى وقت عوزه كم حىً يدله
--------------سُلطه على بنتً قباله نزيله
من بينهم وصلً من الى فطنله
--------------لو هو قوى اعزوم حاله نحيله
اليا ابتعد ناحت نياحً يعله
----------------انياح مافيه الردا والفشيله
وان عاد هدى روعها وارتجتله
---------------رجوة خليلً مايفارق خليله
مع تحيات قلب العنا
منتديات مكشات
خيمه الالغاز

[ابو ركاد]

وش رايك
العد ( الجليب)
والسانيه

[قلب العنا]

وش رايك

العد ( الجليب)

والسانيه


اول شى حياك الله وابركها حزه تشريفك يبوركاد
مالك لوااا يالغلا
بأنتظار القادم
تحياااتى

[فهد الهلالي]

صح السانك يابو نواق
لغز جزل من جزل
الله يعطيك العافيه
محاوله
شكمان مكينه البلاكستون والعلبه(النباح)
والفلاح
تحياتي

[قلب العنا]

صح السانك يابو نواف



لغز جزل من جزل
الله يعطيك العافيه
محاوله
شكمان مكينه البلاكستون والعلبه(النباح)
والفلاح


تحياتي


حى الله ابومحمد صح بدنك و ماعليك زود يالغلا
والله يعافيك
لا زال فى سماااء مكشات يا شيخ الوفااا
خالص التقدير

[ابو ركاد]

قلب العنا
وش رايك
بالمنفاخ
ولك جزيل الشكر على الكلام الطيب اللى يظهر لى معدنك الطيب
والله يبارك بك

[قلب العنا]

قلب العنا



وش رايك
بالمنفاخ
ولك جزيل الشكر على الكلام الطيب اللى يظهر لى معدنك الطيب
والله يبارك بك


هلا بك
وتستاهل كل خير هذا اقل من الواجب اخ وعزيز ونفرح بك وبغيرك
الرمعه يالغلا مالك لواااا
بأنتظار القادمه
تحيااااتى

[نجم الصداوي]

هــلا بك
..
.. لايدري أحد بالجواب>>> لايصير عمود الخيمة ( يارب غن الجواب ما يفششششل)
..
.. تحياتي لك عمو

[عصام 861]

يامرحبا يابونواف صح لسانك
عساك طيب أشتقنالك يابونواف
أشرايك فى اللى يرب الدلال ولك تحياتى

[ابو ركاد]

وش رايك
البيرق
رمعه اخيره وسوف اكون متابع

[قلب العنا]

هــلا بك
..
.. لايدري أحد بالجواب>>> لايصير عمود الخيمة ( يارب غن الجواب ما يفششششل)
..
.. تحياتي لك عمو

الله يحيك يانجم
بالعكس يالغالى محاوله حلوه وانتظر منك القاضيه
كسبنامرورك ونأمل تواصلك فى الخيمه
كل الشكر على التشريف

[قلب العنا]

يامرحبا يابونواف صح لسانك
عساك طيب أشتقنالك يابونواف
أشرايك فى اللى يرب الدلال ولك تحياتى

هلا وغلا ابومحمد
صح بدنك تشتاق لك العافيه
مالك لوااا يالغالى
وخلك على خط النار بس هاالمره لا تنهار;)
من اجمل القصص بصراحه وفيها مغامره وشجاعه ماشاء الله عليك
لك خالص التقدير

[قلب العنا]

وش رايك



البيرق


رمعه اخيره وسوف اكون متابع


هلا بك ومانبيها الاخيره لا عدمتك مالك لواااوبأنتظار القاتله
تحيااااتى

[ابو ماجد 2]

صح لسانك واعتلا شانك
وش رايك بالرشا والمحاله
تحيتي لك

[قرناس صلا]

السلام عليكم ورحمة الله وبركاته

صح لسانك يا ابو نواف

وش رايك بفنار السفن
او برج المراقبه فى المطار او المينا

تقبل تحياتي

[قلب العنا]

صح لسانك واعتلا شانك



وش رايك بالرشا والمحاله


تحيتي لك


صـــــــــــــــــح بـــــــــــدنك يالغالى
مالك لوااا بأنتظار القادم
لك فائق التقدير

[قلب العنا]

السلام عليكم ورحمة الله وبركاته




صح لسانك يا ابو نواف


وش رايك بفنار السفن
او برج المراقبه فى المطار او المينا



تقبل تحياتي


وعليكم السلام ورحمه الله وبركاته
حى الله ابوعمر
صح بدنك يالغالى الرمعه مالك لواا
وبأنتظار القاضيه
لك خالص الود

[راع الحزم]

صح لسانك يالغالي
لغز طيب من وجه طيب
مايكون حزام الامان او المفتاح والدقمة

[فهد الهلالي]

السلام عليكم ورحمه الله وبركاته



يا ويش عودً ثابتً فى محله
-----------------ولا زمانه والرجا فى بديله
فى وقت عوزه كم حىً يدله
--------------سُلطه على بنتً قباله نزيله
من بينهم وصلً من الى فطنله
--------------لو هو قوى اعزوم حاله نحيله
اليا ابتعد ناحت نياحً يعله
----------------انياح مافيه الردا والفشيله
وان عاد هدى روعها وارتجتله
---------------رجوة خليلً مايفارق خليله
مع تحيات قلب العنا
منتديات مكشات


خيمه الالغاز


هلابك يارع الحزم
وصح السانك
محاوله
ماتكون البنت اللمبه الحمرا اللي في الطبلون لحزام الامان عند التشغيل تصيح وتأشر
حتى يركب حزام الامان في الفصالات
والبديل للرجل يمكن تقصد الايرباك
تحياتي

[شوفان999]

صح لسانك ...

هذا ماهوب ريموت تشغيل السيارة الجديدة اللي باللمس البصمه...

[قلب العنا]

صح لسانك يالغالي
لغز طيب من وجه طيب
مايكون حزام الامان او المفتاح والدقمة

صح بدنك هلا وغلا راع الحزم
ماعليك زود
الرمعه مالك لوااا وبأنتظار القاضيه
لك خالص التقدير

[قلب العنا]

هلابك يارع الحزم

وصح السانك
محاوله
ماتكون البنت اللمبه الحمرا اللي في الطبلون لحزام الامان عند التشغيل تصيح وتأشر
حتى يركب حزام الامان في الفصالات
والبديل للرجل يمكن تقصد الايرباك

تحياتي


هلا ابومحمد وصح بدنك بالنيابه عن راع الحزم:D
لا زال فى سماااء مكشااات
لك خالص التقدير

[قلب العنا]

صح لسانك ...

هذا ماهوب ريموت تشغيل السيارة الجديدة اللي باللمس البصمه...

هلا وغلا شوفان
مالك لوااا ياخلفهم بأنتظار المدمره
تحياااتى

[عصام 861]

يامرحبا يابونواف
اشرايك فى هرن السيارة البورى
اللى على الريموت جهاز الانذار

[قلب العنا]

يامرحبا يابونواف
اشرايك فى هرن السيارة البورى
اللى على الريموت جهاز الانذار

هلا ابومحمد مالك لوااا يالغالى
بأنتظار القادمه
تحياااااتى

[اول]

صح لسانك
مايكون الخابور او الرمان

[راع الحزم]

لغز طيب
وواضح ونحن ماكثون لرمعه

يالشيخ صح لسانك وش رايك عطنا مفتاح رمعة

[حبيب المساكين]

وشرايك في الغرب والمحاله وصح لسانك

[راع الحزم]

طرى علي رمعة
فيه حاجز للقطار زي الاشارة مربوط بجرس
لكن الله اعلم ان مالي لوا

[قلب العنا]

صح لسانك
مايكون الخابور او الرمان

صح بدنك هلا وغلا اول
مالك لوااا
تحيااااتى

[قلب العنا]

لغز طيب
وواضح ونحن ماكثون لرمعه

يالشيخ صح لسانك وش رايك عطنا مفتاح رمعة


طرى علي رمعة
فيه حاجز للقطار زي الاشارة مربوط بجرس
لكن الله اعلم ان مالي لوا

هلا وغلا راع الحزم حضورك اطيب
وكل الى منك ربى محليه
بأنتظار القادمه
تحياااتى

[قلب العنا]

وشرايك في الغرب والمحاله وصح لسانك

صح بدنك
هلا يا حبيب المساكين
لا زال فى سماااء مكشااات
نبى القاضيه
كل الود

[راع الحزم]

صح لسانك
والله انه لغز يطرب يالغالي

ماهو اللي بالساعة الخراشة اذا وضعت على التوقيت
ماعرف اسمه

الظاهر مالي لوا

[قلب العنا]

صح لسانك
والله انه لغز يطرب يالغالي

ماهو اللي بالساعة الخراشة اذا وضعت على التوقيت
ماعرف اسمه

الظاهر مالي لوا

صح بدنك
شوفتك الى تطرب وان شاء الله عقب ذبحته يحوز على رضاك اكثر
الرمعه يالغلا مالك لواا
استرجع الذاكره زين يالغالى ان كانك من اهل 27 تعرفه وشفته مابها كلام واذا شباب الله يديم عليك الصحه على الاقل تعرفه او سمعت بدون شك
تحياااتى

[راع الحزم]

طرى علي
ماطور الماء والطرنمبة والسير بينهن
شكلي مالي لوا

[قلب العنا]

طرى علي
ماطور الماء والطرنمبة والسير بينهن
شكلي مالي لوا

لا زال فى سماااء مكشااات
تحيااااتى

[ابو ركاد]

قلب العنا
مساك الله بالخير
وش رايك
هداج تيماء

[راع الحزم]

ولاهو البكب والاسطوانة واللي بينهن

[قلب العنا]

قلب العنا




مساك الله بالخير
وش رايك


هداج تيماء


مسا النور والرضا حى الله ابواركاد
مالك لوااا يابعدهم
ذكرتنى بيت لتركى 2000
فوق هداج تيماء يارد الوراد =====بس ياليتها تصفى مشاربيه
كل التقدير

[قلب العنا]

ولاهو البكب والاسطوانة واللي بينهن

لا زال فى سماااء مكشااات
بأنتظار القادم
تحياااتى

[ابو ركاد]

قلب العنا
رمعه ثانيه
وش رايك
بالمنجنيق

[ابو ركاد]

رمعه ثالثه
وش رايك
بالدلو

[قلب العنا]

قلب العنا

رمعه ثانيه
وش رايك

بالمنجنيق





رمعه ثالثه

وش رايك

بالدلو

هلا بك يالغالى وصباح الخيرات
الرمعات مالك لوااااا
بأنتظار القادم
تحياااتى

[زيد الزميلي]

صح اللسانك ويعطيك الف عافية ابي ارمع (النجر والمطحنة

[راع الحزم]

صباح الخير ياقلب الالغاز
ولاهو حذاف المكينة
الحذاف اذا اشتغلت المكينة يكون مرفوع وبعيد عنها
واذا طفيت المكينة لازم ترجع الحذاف لمكانه الملاصق للمكينة

[المراحي]

ويش رايك بسير مكينة الماء
اذا فرط زادت سرعتها وهو اللي يوصل بيين المكتنة والمضخة

[قلب العنا]

صح اللسانك ويعطيك الف عافية ابي ارمع (النجر والمطحنة


صح بدنك والله يعافيك
الرمعه مالك لواااا
نأمل تواصلك وبأنتظار القادمه
تحياااتى

[قلب العنا]

صباح الخير ياقلب الالغاز
ولاهو حذاف المكينة
الحذاف اذا اشتغلت المكينة يكون مرفوع وبعيد عنها
واذا طفيت المكينة لازم ترجع الحذاف لمكانه الملاصق للمكينة

ياالله حى راع الحزم
ومروع الالغاز على قوله ابومعاذ
لا زال يالغالى فى سماااء مكشات
بأنتظار المدمره
لك خالص الود

[قلب العنا]

ويش رايك بسير مكينة الماء
اذا فرط زادت سرعتها وهو اللي يوصل بيين المكتنة والمضخة

هلا بك يالمراحى
ماصبت الهدف يالغالى مرورك وتواصلك شرف
لك كل التقدير

[صاحب الذئب]

ماهو القوس والربابه

[عصام 861]

يامرحبا يابو نواف
الحطب أوالنار والدلة

[قلب العنا]

ماهو القوس والربابه

هلا بك يالغالى
مالك لوااااا
نأمل تواصلك ولك خالص التقدير

[قلب العنا]

يامرحبا يابو نواف
الحطب أوالنار والدلة

مرحبا ملييييون يبومحمد لا زال فى سماااء مكشات
لك خالص الاحترام

[أبو رافع الظاعن]

أخي أبا نواف ...
أستأذنك أنْ تقبلْ هذه الهدية لك ولكلِّ من يجتازُ منْ هنا !!
بديلاً عن حلِّ هذا اللغز المليء !!

أخي في الله... ليس لنا محيدُ...
عن التقوى... فنحن له عبيد ُ!!


أبا نواف .... بالله انتظرني ...
قليلاً ...أيُّها الرَّجلُ الرَّشيْدُ !!


سأهديكَ التي لا شكَّ فيها ...
إذا ضُربتْ على المرءِ السُّدودُ!!


توضأ ...بالطَّهورِ... وقمْ طويلاً ...
ورتِّلْ آيهُ ... فهو المجيد ُ !!


ولا تُعجلْ سجودَكَ حينَ تهوي ...
فكمْ يجديْ... إذا طالَ السجودُ !!

[ابو ماجد 2]

اخوي قلب العنا
مريميع ولا تواخذني اذا كان مكرر لم اطلع على جميع المراميع
مايكون الشفاط في السيارات القديمه ويستخدمونه لتحماة السياره
وسلطه على دواسة البنزين

[أبو رافع الظاعن]

اخوي قلب العنا

مريميع ولا تواخذني اذا كان مكرر لم اطلع على جميع المراميع
مايكون الشفاط في السيارات القديمه ويستخدمونه لتحماة السياره

وسلطه على دواسة البنزين



هذه والله الجزلة ...
التي تليقُ بهذا اللغز الجزل ...

تسلم أبا ماجد !!

[قلب العنا]

أخي أبا نواف ...
أستأذنك أنْ تقبلْ هذه الهدية لك ولكلِّ من يجتازُ منْ هنا !!
بديلاً عن حلِّ هذا اللغز المليء !!


أخي في الله... ليس لنا محيدُ...
عن التقوى... فنحن له عبيد ُ!!


أبا نواف .... بالله انتظرني ...
قليلاً ...أيُّها الرَّجلُ الرَّشيْدُ !!


سأهديكَ التي لا شكَّ فيها ...
إذا ضُربتْ على المرءِ السُّدودُ!!


توضأ ...بالطَّهورِ... وقمْ طويلاً ...
ورتِّلْ آيهُ ... فهو المجيد ُ !!


ولا تُعجلْ سجودَكَ حينَ تهوي ...


فكمْ يجديْ... إذا طالَ السجودُ !!


اهلا بعميد الفصحى
صح لسانك ملاييين
رغم جهلى بالفصيح حاولت جاهد اقتناص تلك المعانى التى لا تخلو من التعمق الشعرى ولم يكتب الله لى سوى فهم الشئ البسيط وهاذى ضريبه جهلنا فى بحر الفصيح الذى لا يجيده سوى العمالقه
وبدون شك وجودك بيننا يعد بمثابه مدرسه نتعلم منها كل يوم
تشريفك الذى طال انتظاره اخرج لنا ماتريد ولاكن ها انت تطل كالبدر
وقد فاضت قريحتك بما يغنى صاحب اللغز عن جميع ماقدم منذ ان طرق ابواب مكشات
جزاك الله خير واعذرنا اذا كان هناك الحاح اخوى ولعل انتظارى لك منذ طرح اللغز هو الدافع
لما حصل
ابونواف

[قلب العنا]

اخوي قلب العنا



مريميع ولا تواخذني اذا كان مكرر لم اطلع على جميع المراميع
مايكون الشفاط في السيارات القديمه ويستخدمونه لتحماة السياره


وسلطه على دواسة البنزين


:fكفوووووووووووووووووووووووووووووووووووووووووووووو وووو:f
جابهاااااااااااااااا الزعييييييييييييييييييييييييييييم
صح لسانك ملاييييييييييييييييييييييين
نعم هو الشفاط
وسلطه على المكينه
بيض الله وجهك
وماشاء الله تبارك الله ذبحه معتبره

[قلب العنا]

هذه والله الجزلة ...
التي تليقُ بهذا اللغز الجزل ...



تسلم أبا ماجد !!


ماعليك زود استاذ الجميع وبحر الفصيح
نعم يسلم الزعيم
ويشهد الله ان الحل يستحق صاحبه اجمل عبارات الثناء بغض النظر عن محتوى اللغز وكاتبه
وليست بغريبه على فارسنا ولا نملك سوى ماشاءالله تبارك الله

[عصام 861]

الله يعطيك العافية يابونواف وكفووووووو ابوماجد
ماهو الشفاط ماعرفتة يابونواف هو السلف او الهندل
اللى يشغل السيارة من الامام
ولك تحياتى

[قلب العنا]

الله يعطيك العافية يابونواف وكفووووووو ابوماجد
ماهو الشفاط ماعرفتة يابونواف هو السلف او الهندل
اللى يشغل السيارة من الامام
ولك تحياتى

هلا ابومحمد والله يعافيك
بالنسبه للشفاط هذا ياطويل العمر كان يجى فى السيارات القديمه ومكانه داخل الغماره فى الطلبون سواء يمين اويسار الدركسون اذا سحبته يرتفع صوت المكينه ماتشوفنى اقول اذا ابتعد ناحت علشان تحمى واذا رديته ترجع لوضعها الطبيعى وانا قلت اذا عاد هدى روعها وتجى عليه علامه مضيعها كنها علامه÷ او قريب منها ماهو اكيد وهذا ولا زمانه وبديله تماتيك يجى عند المكينه
الله يرحم زمان اول يبومحمد
تحياااتى

[ابو ماجد 2]

أخي أبا نواف ...
أستأذنك أنْ تقبلْ هذه الهدية لك ولكلِّ من يجتازُ منْ هنا !!
بديلاً عن حلِّ هذا اللغز المليء !!


أخي في الله... ليس لنا محيدُ...
عن التقوى... فنحن له عبيد ُ!!

أبا نواف .... بالله انتظرني ...
قليلاً ...أيُّها الرَّجلُ الرَّشيْدُ !!

سأهديكَ التي لا شكَّ فيها ...
إذا ضُربتْ على المرءِ السُّدودُ!!

توضأ ...بالطَّهورِ... وقمْ طويلاً ...
ورتِّلْ آيهُ ... فهو المجيد ُ !!

ولا تُعجلْ سجودَكَ حينَ تهوي ...

فكمْ يجديْ... إذا طالَ السجودُ !!



جزاك الله خير مع قراءة كل حرف مما سطرته من جزل المعنى وجزل الكلام

[ابو ماجد 2]

هذه والله الجزلة ...
التي تليقُ بهذا اللغز الجزل ...



تسلم أبا ماجد !!


سلمت يالغالي عن كل شر

[ابو ماجد 2]

:fكفوووووووووووووووووووووووووووووووووووووووووووووو وووو:f

جابهاااااااااااااااا الزعييييييييييييييييييييييييييييم
صح لسانك ملاييييييييييييييييييييييين
نعم هو الشفاط
وسلطه على المكينه
بيض الله وجهك

وماشاء الله تبارك الله ذبحه معتبره


وانت يالغالي اتيت لنا بلغز معتبر
صح لسانك ملايين
وننتظر شقيق لهالجزل

[ابو ماجد 2]

الله يعطيك العافية يابونواف وكفووووووو ابوماجد
ماهو الشفاط ماعرفتة يابونواف هو السلف او الهندل
اللى يشغل السيارة من الامام
ولك تحياتى

هلا بك يابو محمد
والهندل يسترعي الانتباه اكثر والهندل انقطع عن السيارات قبل الشفاط بسنين كثيره والشيخ مسكين يفتينا اكثر هو اللي من صغره معايزن السيارات

[عصام 861]

الله يعطيك العافية يابونواف
على التوضيح عرفتة الى قريب وهو موجود
وشكرا لبوماجد والشيخ مسكين ترا فاقدينة أمس
ماطل علينا نبية يعطينا معلومات عن السيارة
الى تشغل بالهندل ولكم تحياتى

[راع الحزم]

صح لسانك يابو ماجد
اي والله مدمرة
وصح لسانك ياقلب الالغاز
لغز وافي ياوافي