نداء الى اصيل حجازي وبدوي جنوبي وسوبر vtc ولا يهونون المكشاتية

[مدرس بري]

السلام عليكم ورحمة الله وبركاتة
اما بعد اخواني الافاضل
مشكلتي في سيارتي لاندكروزر 97 قير عادي كبريتر انها ترتفع الحرارة للنص وفوق شوي مع العلم اني ما خليت شوي وسويتة واللي سويتة كالتالي :
1- تركيب راديتر اصلي من الوكالة رصتين مع غطاء اصلي .
2- تركيب بلف حرارة ديزل .
3- تركيب مروحة اضافية في الشبك بجانب مروحة التبريد .
4- خرط راس المكينة .
5- فحص طرمبة الماء .
6- غسل السلندر قبل تركيب الراديتر .
7- تركيب خراطيش جديدة .
8- تركيب كلتش مروحة جديد اصلي .
مع العلم اذا خففت السرعة دون 100 تنزل الحراره الى الربع بس مع الخط وفوق 120 ترتفع الحراره للفوق النص بشوي او على النص فهاذي المشكلة اهلكتني فكريا وماديا فاذا لديكم حل اسعفوني
واسف على الاطالة

[مركز حراره]

هل تم فحص الراس بعد المسح ؟
انت ياخو ماقصرت
لكن احيان ينقص الكهرب على الحساس طف المكيف بعد الحراره وجرب او زود سالب عند الحساس
منتب خسران غير الحساس وجرب
حنا عندنا جهاز يقيس الحراره الفعليه باليزر مجاننننننن

[مدرس بري]

هل تم فحص الراس بعد المسح ؟
انت ياخو ماقصرت
لكن احيان ينقص الكهرب على الحساس طف المكيف بعد الحراره وجرب او زود سالب عند الحساس
منتب خسران غير الحساس وجرب
حنا عندنا جهاز يقيس الحراره الفعليه باليزر مجاننننننن
اشكرك اخوي مركز حراره بس ممكن توضح اكثر وبالتفصيل لاني مافهمت معنى السالب وانا من الكويت وبعيد علي مكانك ارجوا التوضيح فقط لاغير وشاكر مرورك

[مركز حراره]

(الماينس)(-)

[عبد الاله]

شف ياطويل العمر شيك على حساس الحرارة اللي في المكينة واكشف على الأمبير الداخلي اللي في الطبلون:
والشي الثاني إذا ارتفعت الحرارة فوق النص وقف وافتح الكبوت واضغط الخرطوش كانة محجر يعني فهو محتر أما إذا كانة مرن ولين فالسياره ما تحتر وشكراً":

[بدوي جنوبي]

سبب ارتفاع الحراره
من الراس بعد الخرط
مشكله اغلب الجيوب التيوتا والنيسان بعد خرط الراس
تبقي الحراره مرتفعه دائما ،،،


لا تخسرنفسك بتغيير القطع
حاول دائما الا تتجاوز سرعة ال 120
واذا وصلت الحراره للنص طبيعي
القلق يبدأ بعد ما تتعدى النص
كان عندنا جيب
اذا تعدينا سرعة 120 ترتفع الحراره
بسبب ان الراس مخروط
استخدمناه فتره طويله وهو بنفس الوضع
وبعدها بعناه .
بالتوفيق

[سوبر VTC]

طيب يابو عبدالله

لو يدبل وجه الراس ما تخف الحرارة ؟؟؟
ايضا
بعضهم يحط وردات تحت قاعدة العصافير حقت البلوف عشان ما ينشرم البلف و تقل الحرارة

[مدرس بري]

يا اخوان اشكركم على الردود الطيبة
كان عندي نيسان ماكسيما خرطت الراس وصارت تعلق الحرارة نفس سيارتي الحالية الجيب وغيرت الراديتر حق الوكالة من ابو رصتين الى ثلاث رصات نحاس اماراتي وضبطت
السؤال هل في راديتر يرهم مكان الاصلي ولا مانع من بعض التعديل بشرط انه يكون اكبر
ااو اشتري راس من الوكالة
رجوا التفاعل يا اخوان لاهمية الموضوع بالنسبة لي لانة صار كابوس

[مركز حراره]

تاكد من حساس الحراره
افصل سلك الحساس ولمسه بسالب وشف الامبيريتحرك

[مدرس بري]

ابتاكد ان شاء الله واردلك خبر
الله كريم ويطلع منه

[][ســهم][]

فيه نقطة مهمة تأكد مره ثانية من تماتيك المروحة
ها هو اصلي فعلاُ ام لا ؟
حتى لو هو اصلي يمكن يكون حق موديل ثاني او سياره ثانية ؟

[مدرس بري]

اخوي مركز حراره
الانبير شغال والحساس شغال
اخوي سهم
تماتيك المروحة شغال



فيه حلين على ما اعتقد لحرارة السياره ؟
1- تركيب راديتر اكبر من الموجود
2- تركيب راس مكينة جديد
عطونا رايكم للاهمية

[مركز حراره]

اذاكان المسح كثير خلهم يدبلون الوجه(كاسكت)

[مدرس بري]

اذاكان المسح كثير خلهم يدبلون الوجه(كاسكت)

اخوي مركز حرارة
المسح 1.5 ملي ونص
وكل القطع وكالة
وهل ينفع اركب راديتر اكبر من ابو رصتين
ارجو الرد لاهمية الموضوع

[سوبر VTC]

احيانا اذا دبلت وجه الراس حطيت وجهين2
فان الحرارة تخف باذن الله
لكن قد ربما يبرد عزم الموتر قليلا

[مركز حراره]

مأعرف رديتر افضل من الوكاله
قبل تحط وجهين خل المخرطه يفحصون الراس لايكون فيه شعربسيط جدا

[مدرس بري]

احيانا اذا دبلت وجه الراس حطيت وجهين2

فان الحرارة تخف باذن الله
لكن قد ربما يبرد عزم الموتر قليلا



اشكرك اخوي سوبر vtc على تفاعلك مع الموضوع
لكن يبرد عزم الموتر كثير او ما يختلف
وكم سعر الراس الجديد في السعودية ؟
ادري انك بتقول طلبات هالرجال ما تخلص ههههه
اسف على الاطالة

[مدرس بري]

مأعرف رديتر افضل من الوكاله
قبل تحط وجهين خل المخرطه يفحصون الراس لايكون فيه شعربسيط جدا
انشاء الله اخوي مركز حراره اتأكد من الراس قبل التدبيل او اني اغير راس المكينة بجديد اصلي
حسب فرق العملة والسعر علما بأن وكيل تويوتا بالمملكة ارخص من الكويت
شاكر تفاعلك اخي الكريم

[مركز حراره]

قبل تسوي اي شي افحص الراس

[سوبر VTC]

الله يحييك
ان بغيت رقم رجال خبرة يفيدك بالجيب
فعلمن

[بترووول]

الحل واحد منهن
اكيد امكن القزوز فيه مشكله او الكنداسه
او الدينمو حق الكهرب ضعيف مايقوي المراوح
احد البلوف مسدوود او يبغا وزن

[zyarahmy]

انا بصراحه ما عندي خبره في الياباني بس ما ادري موترك ديلكو والا كويلات اذا ديلكو سوله وزن
انا موتري اللي في التوقيع عليه ثلاث مراوح وراديتر ٤ صفات نحاس وغيرت حساس الحراره من التوكيلات وشريت عداد من التشاليح ( السكراب)
والحراره احلى من الحلاوه والحمد لله
او فك الشكمان من بعد القزوز واطلع خط اذا ارتفعت يعني الشكمانات عندك تمام اذا ما ارتفعت غير الدبات اللي بعد القزوز

انا عندي اكسنت ٢٠٠٥ الحراره جننتني وجيت الكويت وشريت مكينه وركبتها ولا كاني سويت شي غيرت الراديتر والغطا والخراطيش والبلف والطرنمبه والكويلات
ورحت عند ميكانيكي في راسه جنيه وعلمته المشكله طلع ان القير ما هو مثبت في المكينه زين فأذا عديت ١٢٠ ترتفع الحراره الى الاتش
لأن الكلتش يدور الحاله في الفضاوه ويسوي الحراره
يمكن فيه مسمار ناقص من مسامير القير

هذا اللي عندي واتمنى انك ترد لنا وش صار معك
راس المكينه لا عاد تلمسه الا اذا سويت اللي فوق
وحنا معك الين تحل المشكله
ودائما اذا خرب عليك شي ابدا بالاشياء اللي تنفحص وبعدين اللي تتغير
تحياتي

[ولد البقيشي]

اخوي غير الراديتر من عينين الى ثلاث عيون كبر الراديتر وان شاء الله تنحل حنا في الامارات نعم كذي

[سلكي نت]

فضلا لا أمرا ... ؟؟
لا تغير الراس بجديد
روح التشليح وخبرهم بالمشكلة
واطلب منه يركب راس مستعمل واشرط عليه اذا ما انخفضت الحرارة يرجع الراس القديم
وبكذا ماراح تخسر غير الوجية وقيمة شغل ايديهم
ترى انا ركبت راس جديد ولا نفع ... على قولت جاري الشايب (سيارتك محسودة ... على ايش محسودة م 84)
لا تستعجل وابداء بالحلول السهلة الرخيصة وحاول تشوف واحد من اخوياك او جيرانك معاه نفس سيارتك وتمون عليهم وبدل بين قطع السيارات او من التشليح
ولا تهمل الكهرباء

الله يقطع الحرارة ... كله يهون غير الحرارة .. عندي نقص الزيت افضل من ارتفاع الحرارة

[مدرس بري]

اخوي غير الراديتر من عينين الى ثلاث عيون كبر الراديتر وان شاء الله تنحل حنا في الامارات نعم كذي
هلا فيك اخوي \ ولد البقيشي
شنو نوع الراديتر اللي اركبه ؟
حديد او نحاس ؟
ارجو التوضيح
شكراً على المرور الطيب

[مدرس بري]

فضلا لا أمرا ... ؟؟
لا تغير الراس بجديد
روح التشليح وخبرهم بالمشكلة
واطلب منه يركب راس مستعمل واشرط عليه اذا ما انخفضت الحرارة يرجع الراس القديم
وبكذا ماراح تخسر غير الوجية وقيمة شغل ايديهم
ترى انا ركبت راس جديد ولا نفع ... على قولت جاري الشايب (سيارتك محسودة ... على ايش محسودة م 84)
لا تستعجل وابداء بالحلول السهلة الرخيصة وحاول تشوف واحد من اخوياك او جيرانك معاه نفس سيارتك وتمون عليهم وبدل بين قطع السيارات او من التشليح
ولا تهمل الكهرباء

الله يقطع الحرارة ... كله يهون غير الحرارة .. عندي نقص الزيت افضل من ارتفاع الحرارة
اشكرك اخوي على المرور الطيب
وكلامك ما يختلف علية اثنين