المساعد الشخصي الرقمي

مشاهدة النسخة كاملة : طالبين فزعتك ياسوبرvtc ولايهونون الاعضاء الكرام...


ع ى ع 031
26/07/2010, 03:27 PM
مساكم الله بالخير

وكل عام وانتم بخير بمناسبة قرب الشهر الفضيل اعاننا الله واياكم على صيامة وقيامة

وهذي زبدة الموضوع على مايقولون

عندي فتك هبلبي بالحرارة اذا مشيت تركد شوي واول ماوقف ترتفع للربع واحيانا توصل للثلاثة

ارباع وان طولت بالمشوار اوقف واسمع الماء يطبخ ووديته لحقين الرديترات وسيخت الرديتر وغيرت البلف

وشيك على الخراطيش يقولي كلها سليمة

وش تنصحوني فيه ولو اروح لورشة التركي تتوقعون بعد الله بيفيدني والله لايهينكم ابي وصف الورشة
مركز حراره
26/07/2010, 03:34 PM
شيك على تماتيك المروحه
الماءينقص؟
ع ى ع 031
26/07/2010, 03:50 PM
الماء مااتوقع انه ينقص

والتماتيك راعي الورشة فكة وقالي حاجة سواها نسيت وشي المهم انها خلت المروحة ثقيلة ويقولي حتى لو تغيرة ماتستفيد شكلها من راسه هالكلمة بعد مازعلت وشديت علية بالكلام
سوبر VTC
26/07/2010, 03:51 PM
الاعضاء بهم الخير و البركة
و منهم نتعلم و نستفيد

تاكد من عدم رخاوة السير
و تاكد من الكلتش
فحص كلتش المروحة سهل اذا ثقيل مرة فهو مجيم
اذا كان خفيف مرة فهو خربان و عادة يهرب زيت
و للمعلومية لهو ثقيل مجيم فان الكلتش يكون شابك باستمرار
و هذا يؤدي الى ان الحرارة تنزل لانه شابك
و لو كان خربان ثقيل يطلع صوت عالي بالمكينة
و اذا احتمى الموتر و انت واقف مع المكيف دس بنزين الابنص على 1.5
لمده 3دقائق او اكثر
اذا نزل الانبير فالكلتش تمام
لذلك استبعد الكلتش
و لازم تركب الكلتش الاول الاصلي و لا تركب تجاري
اذا الخراطيش لينة بالحيل فقد تنسفط مع الممشى

رابط

حرارة الفتك والا العداد يستهبل ؟ - منتديات مكشات (http://www.mekshat.com/vb/showthread.php?t=303529)







وصف الورشة
من احد الاعضاء


اطلع مع مخرج 17 حق الدائري الشرقي باتجاه الغرب
يبي يجيك شارع علي بن ابي طالب ادخل من تحته غرب
اول اشارة خله
ثاني اشارة لف يسار جنوب
اول تقاطع خله حق شارع الجمعية
ثاني تقاطع حق شارع المنتزه
لف معه يمين غرب همن لف يمين شمال مرة ثانية
همن لف يسار غرب
تجيك الورشة على اليسار ورشة باترول
حول ميزان اليرموك

وصف اخر

طريق الخرج شمال يجيك محل السالم حق القزاز على اليمين
اللي عند اشارة شارع العنوز
خله يمينك و تعد الاشارة
رح شمال يجيك بنك الراجحي على اليمين
لاف يمين بعده مباشر باتجاه الشرق يوقف الخط تي
لاف يمين
بعدين يسار مباشرة
متجه شرق تجيك الورشة على اليمين


24°38'9.08"n
46°44'28.66"e

( مع وضع الحروف الانجليزية على اليمين )



اقتباس:
شف حبيبي فية ورشة ممتازة متخصص بالباترول ورشة ابو عادل
في الصناعية القديمة شفت الاشارة اللي قبل
السالم لزجاج تعدها لين يجيك بنك الراجحي بعدها فيه لفه يمين
اتركها اللفه الثانية يمين ادخلها تلقاه اول محل او ثاني محل
على اليسار ادخل وسئل عن ابو عادل ولا العامل سعيد هندي
ان شاء الله افدتك

ان بغيت رقم التركي علمن
و لا تنسى تمر على ورشة ابو عادل
لان كلن يعطيك من راسه



اعانك الله
ع ى ع 031
26/07/2010, 03:55 PM
الله لايهينك ويبيض وجهك

ماقصرت جعلك تسلم ايه والله ودي برقمة اكلمة قبل لا افزعلة

وورشة ابوعادل وينها ياطويل العمر
سوبر VTC
26/07/2010, 03:59 PM
جزاك الله خير

ورشة ابو عادل شفه باخر الاقتباس بالاسفل
لك رسالة على الخاص
ع ى ع 031
26/07/2010, 04:00 PM
وصلت يامال العافية