اذا ............فيه...........علمونا

[خشم الحصان]

الاخوه الغالين
السلام عليكم
اخوني الصقارين وشلونكم عساكم بخير ان شاء الله ادري انكم بتقولون مظيع وانا بقول لا ماظيعت الله يثيبكم امين
بس يالربع تراني احب خيمتكم وعلومكم وشغلكم جايز لي بالحيل بس الله يغفر لنا ولكم
فيه بعض المفردات ماعرفلها ودي انكم اذا ماعليكم كلافه انكم تحطونها في موضيع خاص او اذا هي موجوده تعلمونا وين نروحله
مثل قولتكم
1-جيرمه
2- طير جير
3- وحش
4- وكري
5- دقه
6- هادي
7- حذف الريش
8- مقرنس
والكثير الكثير من المفردات وترا والله اني احب هالخيمه بس مافي اليد حيله علشان لي مثلي يبي يتعلم
يروح يم الموضوع او الرابط الخاص بالمفردات ويقراهن ويحفظ وش معانيهن
علشان اذا جلس مع الصقرين لي مثلكم وشرواكم الطيبين يقدر انه يخذ ويعطي من هالعلوم السنعه
الله يجزكم عنا كل خير
ونهجو علينا بالرد تكفون
اخوكم
خشم الحصان

[طيرحوران]

الأخ خشم الحصان حياك الله وقلت خلني أجاوبه لايقول ماعلمونا ولا ........!!؟
1-جيرمه**ج =أظنك تقصد مجيرمه وهو مكان يقع جنوب الطائف تقريبا 200كم وهي أرض مقناص .
2- طير جير ج=الجير هو من أنواع الصقور وهو يعيش في الأماكن البارده من شمال روسيا حتى شمال كندا تقريبا.ويكون اكبر حجما من الصقور العاديه.
3- وحش = وحش هو الصقر المطروح شبك ويسمى وحش لتوحشه ويطرح في الغالب وهو مهاجرمثل بقية الطيور.
4- وكري = كذلك من أنواع الصقور مثل الحر والشاهين والوكري.
5- دقه = أتوقع تقصد دق وهي النقط المختلف لونها عن باقي لون الصقر وتأتي في النحر وفي الظهر.
6- هادي =اي بمعنى راكد يقصد بأن الطير راكد عكس النزر والكفاخ .
7- حذف الريش= من المعروف أن جميع الطيور تبدل الريش سنويا .وإذا قال حذف يقصدالصقربأنه حذف الريش أي تبدل الريش القديم بريش جديدحسب العدد إللي هو حاذف.
8- مقرنس = مقرنس يقصد بالطير الذي انتهاء من تبديل ريشه.يقال له مقرنس.
أرجو أني قد أوضحت ماأشكل عليك ياخشم الحصان ولعل باقي الربع يعطونا من عندهم.وتحياتي

[المري]

كفيت ووفيت اخوي طير حوران

وحاااضرين ياخشم الحصان باللي نقدر عليه..

أخوك المري

[حد السيف]

السلام عليكم ورحمة الله وبركاته
الله اكبر
خشم الحصان بخيمة الصقارين وخر عن دربة
خوفي تاليتها معك شبوط وتدوربة في سوق الحمام
ياخيي خلك على طمام المرحوم ولا تغير شي
على فكرة المشراق مالة طاري وخصوصا ادوات صيد زمان



محبك اخيك حد السيف

[خشم الحصان]

الاخوه الغالين
السلام عليكم
حياكم الله ومشكورين كل الشكر علي ردكم الله يثيبكم امين
.............................
الاخ الغالي
والحبيب
طير حوران
مشكور يابعدهم علي سرعة ردك الله يغفر لنا ولك ولكن ياخيي فيه غيره شي
انا مقصدي انكم تجمعون كل المفردات وتحطونها في رابط معين علشان يسهل علينا وعلي كل واحد
مبتدي مثلي انه يعرف
لكن مع ذلك اشكرك جزيل الشكر يابعدهم وجعلي ماذوق حزنك امين
اخوك
خشم الحصان
...................................
الاخ الغالي
والحبيب
المري
يجعلك تسلم ولا يامر عليك عدو امين وارجو من الله ثم منكم انه يتم باقرب فرصه ان شاء الله
الا علي فكره هالمفردات هي تستعمل في جميع دول الخليج والعالم العربي ولا كل دوله لها مفردات
علمونا تكفون
اخوك
خشم الحصان
........................
الاخ الغالي
والحبيب
المتميز
حد السيف
وش دعوا يابو سليمان ودنا نتعلم جيزنا جيز هالرجاجيل لي في هالخيمه الله يغفر لنا ولك امين
شبوط الله كريم هذي ............
ابو سليمان اليوم شبوط وباسر اخير من الشبوط............المشكله ياخيي الخوفه ان التولع في الصقور جا تالي
العمر وهذا وجع خيطان تولع علي كبر
اخيي زد ذكرنا عن ادوات الصيد منول بس انت مع الوسام ضيعت كلش الله لايضيعا امين
عموم باسر امرك علي الحبيب وانا قانص مع صقري وانت راكب معي
عموم حياك الله ياضلوع ابوي
اخوك
خشم الحصان

[ابو عايد]

السلام عليكم ورحمة الله وبركاته


كفيت ووفيت اخوي طير حوران

وحاااضرين ياخشم الحصان باللي نقدر عليه..

ياهلا ومرحبا بك ياخشم الحصان

طيرحوران والله ماقصر والله يطول في عمره

هذي موضيع كتبها اخونا المري الله يطول في عمره

ومرحبابك في عـــــــالم الصقــــــــــــور

كلمات يلزم الصقار ان يعرفها من هنا (http://www.mekshat.com/vb/showthread.php?t=20032)

كلمات يلزم الصقار ان يعرفها !!! الجزء الثاني من هنا (http://www.mekshat.com/vb/showthread.php?t=20158)

من اطبوع الطير ((الحلقة الاولى)) من هنا (http://www.mekshat.com/vb/showthread.php?t=8949)


تقبل تحياتي // العاشق الولهان

[ولد سليمان]

السلام عليكم ورحمة الله وبركاته
السموحه اخوتي الصقارين هالشايب قطع رجلينا وحنا ندوره وأخر مكان كنا نتوقع اننا نلقاه فيه بهذي الخيمه
لانه مايصيد بالصقور الا الي شوفه سته على سته وخشم الحصان يالله حسن الخاتمه عساه يشوف الشجر

تصدقون ياجماعه الخير ان هالشايب خطير ومهوب سهل واحذروا منه انا اقولكم ليش

الرجال قبل يلفي عليكم حاس كل معاميلكم وعفوشكم وماخلى موضوع في خيمتكم ماقراه وشاف انه فيه شغله بسيطه
غايبه في هالخيمه وهي ذكر انواع الصقور اسمائها وماذا تعني هذه الاسماء لكي تكون مرجع لمن اراد ان يقراء عنها
شوفوا وش يقول علشان تصدقون ان الرجال خطير ومهوب قصده النشده :

( فيه بعض المفردات ماعرفلها ودي انكم اذا ماعليكم كلافه انكم تحطونها في موضيع خاص او اذا هي موجوده تعلمونا وين نروحله)
-يعني ياجماعه ترا هذي الاشياء غير موجوده في خيمتكم وخلوا طريقه الوصول اليها سهله

مير ذكرتوني خلوني اتصل على خيمه الصيد البحري اخاف بكره يتشري له لستك كفر تريله ويطقها سباحه لمهم ويحوس معاميلهم

وسلامتكم

اقول ياهلشايب قم خلن امسك يدك وارتسبك بالموتر واوديك لاحفادك فشلتنا مع الناس

[ميراج]

يامرحبا ويامسهلا بشايبنا اسفرت وانورت

إذبحو الذبيحه وشبو الظو وعزمو قصرانا ترى عندنا ضيف

وبعدين يا بو فايز ترى موتر ضيفنا جيب شراع موديل 16 ما يشتغل سلف حطه على طلعه علشان ينتشه إذا بغى

يمشى الصبح للمشراق فى الخيمه العامه :D

وبعدين تعال يابو سليمان -1 يوم سير علينا شايبنا طايح فينا بصدفه فى طريقه من الخيمه العامه لخيمة الأجهزه لحقته تدوره بى ترده عن معازيبه طال ما جرة موتره داخل مزرعة وحدود مكشات خل شايبنا يتمشى على كيفه :j

بس ترى ظيفنا ما نتركه إلا بعد 3 أيام ويمكن نهدى عليه طير مكسور فيه 5 ريش فى كل جناح علشان

يلحقه الجيب الشراع لأنى خابر موتره مبطل فيه 4 بساتم يعنى يشتغل على بستمين بس ما عليه إذا تقفاه الهوا

وهو مع دحديرى يمشى إلى 40 كيلو فى الساعه

خشم الحصان اليوم يا مرحبابه === ترحيبة (ن) تبدى على البن والهيل

فى خيمة الصقار والحظ جابه === عند النشاما متعبين المعميل

الله يحييك يابو محمد وترى عندنا سواليف وعلوم تصلحلك فى ها الصيف ون كان ودك وضبنا موترك إن كان لقينا له قطع غيار :D

[الجيب الربع]

السلام عليكم ورحمة الله وبركاته
السموحه اخوتي الصقارين هالشايب قطع رجلينا وحنا ندوره وأخر مكان كنا نتوقع اننا نلقاه فيه بهذي الخيمه
لانه مايصيد بالصقور الا الي شوفه سته على سته وخشم الحصان يالله حسن الخاتمه عساه يشوف الشجر

تصدقون ياجماعه الخير ان هالشايب خطير ومهوب سهل واحذروا منه انا اقولكم ليش

الرجال قبل يلفي عليكم حاس كل معاميلكم وعفوشكم وماخلى موضوع في خيمتكم ماقراه وشاف انه فيه شغله بسيطه
غايبه في هالخيمه وهي ذكر انواع الصقور اسمائها وماذا تعني هذه الاسماء لكي تكون مرجع لمن اراد ان يقراء عنها
شوفوا وش يقول علشان تصدقون ان الرجال خطير ومهوب قصده النشده :

( فيه بعض المفردات ماعرفلها ودي انكم اذا ماعليكم كلافه انكم تحطونها في موضيع خاص او اذا هي موجوده تعلمونا وين نروحله)
-يعني ياجماعه ترا هذي الاشياء غير موجوده في خيمتكم وخلوا طريقه الوصول اليها سهله

مير ذكرتوني خلوني اتصل على خيمه الصيد البحري اخاف بكره يتشري له لستك كفر تريله ويطقها سباحه لمهم ويحوس معاميلهم

وسلامتكم

اقول ياهلشايب قم خلن امسك يدك وارتسبك بالموتر واوديك لاحفادك فشلتنا مع الناس

خشم الحصان

ترى كل خيمة تزورها وتشارك فيها تزيد توهج ماعليك من العذال

والله معك