جيرشاهين للبيع

[راعي مسكت]

السلام عليكم ورحمة الله وبركاته
ياجماعه الخير فيه واحد من الربع بيجيب طيور طيبه من اوروبا وهو مجرب 2 من راعي المزرعه العام وابشركم انها صادت صيد فوق الزين (الحبارى مايعلقها يلحقها ويكسر جناحها )على قولته هو جايب سته ثنين له واحد لي و3 للبيع .
1-جيرشاهين اسود اقل وزن 1200 :1350 طير واحد
2-جيره حرار 3\4 سود 1300 :1400 طيرين
والطيور مايسون لها الهك(يخافون تضيع) بس يعلمونها وشلون تذبح(تحلل)وعزالله طيور طيبه جدا.
والطيور بتوصل 25 \8\2005 والي يبي رقم الحبيب او الاسعار يعطيني رساله على الخاص .
وهو الصراحه استشارني قبل يحجز الطيور (هل اجيب طيور واجد وانواع متعدده مثل 7\8 و8\5 وجير باربي وجير باربري)قلتله افتح محل وافعد فيه ولا فيه مقناص ذا السنه ،وعن الانواع هو مجرب الجير شاهين الاسود والثري كوارتر الجير حر الابيض ،فسئلت ابورداد عن السفن ايت وعن سعره وقلت للرجال هذا مجربه(7\8) فاقتنع انه مايجيب الا الي يعرفه(وجه تعرفه ولا وجه تنكره) وخمس طيور ،
وعني انا حجزت لي ثري كوارتر اسود(الجير شاهين ماخوذ قوم غالي لاوالثري كوارتر مهوب رخيص بس قدرنا الله عليه) وهوجيرشاهين ابيض وثري كوارتر اسود.
(وعلى فكره السفن ايت ابيض وسلفر باقي عند راعي المزرعه ثنين الابيض 40000 ريال واصل الدوحه والسلفر 30000 ريال واصل الدوحه )اما الطيور الباقيه كلها محجوزه من قطري واماراتي من قبل يومين وشكلهم متشاركين الله يوفقهم وياكم .

[راعي مسكت]

ياجماعه الخير الطيور انحجزت خلاص ودفع مقدم حق خوينا (كنت ابي واحد من مكشات ياخذ واحد من ذالسود لكن ما به قسمه )وهو مري من قطر (يستاهل والله )وسلامتكم

[اعناد]

السلام عليكم ورحمة الله وبركاته



لاهنت راعي المسكت رايتك طيبه



ومبروك يالمري انشالله نشوف اصورها على خرب ازرق


شكراً لك أخي الكريم على هذا المقال

[المري]

هلا براعي مسكت وماقصرت يالغالي..

وعلومك غانمة...

أكثر مايشترون اهل قطر من الدكتور: ROBERT J H CREESE

موقع مزرعته (http://www.gulfstream-falcons.com/)

وأطيوره ماشاء الله عليه طيبة جدا جدا علما بأنه مايسوي لها هك خارجي..


ماأقول الا مالنا في الطيب نصيب

أخوك / المري

[راعي مسكت]

مشكور اخوي عناد على مرورك ولاشكر على واجب (اي علم اهل مكشات امبديهم على الكل)
اما انت ياخوي ماشالله عليك هذي المزرعه (بوب كريس) جبت منها قبل 4 سنين وكان فرخ شاهين وخذيته 750 باوند واصل قطر والحين ماعاد تصفق له اقل من 2000 باوند (الربع الله يهاديهم تعاندوا عليها وخربوه الي قاله ترى انبيعها باكثر من 20000 ريال قام وسئل قالو له فروخ الشواهين عندنا مابين 15 :45 الف ريال هم قصدهم الوحوش وهو قصده طيوره وطيور التفريخ .(واذا تبي الصدق اخوي المري والله انا جربت فرخ شاهين اسود من عنده صاد كل شي (كل محتركه ارض جو حتى الهجله صاد فيها )وسبوق شوي عليه والله ماخبرت انه بقى شي وراح عليه سبق .
بس الحين كينتش فالكونري يجيبها الدوحه ودبي ويفحص لك الدم وبعدين خذها 100\100 .
بس الطيور الي جايبها خوينا من النمسا ويقول ان الجير الميل امريكي مزيون وعود (العالم عنده يبون يضربون به وهو معيي) :)

[fhd97]

السلام عليكم ورحمة الله وبركاته
اشكركم يا اخوان على هالمواضيع الطيبه والردود الوافيه
ابى منكم يا اخوانى تنصحونى احتمال يكون عندى سفر الى لندن مهو اكيد
او فرنسا او المانيا وبخاطرى اجيب مناك طير او اثنين حسب الوضع

المطلوب منكم وانا امون عليكم وفضلا وليس امرا النصيحه فى الطيور الجير لانى فيها مانى الى هناك
بس رغبتى بجير شاهين
اللى عنده نصيحه لا يبخل علينا فيها من اهل الخبره
السعر - المزرعه- الاعيبهم- وحركاتهم- السماح للطير بالمغادره وغيرها من الامور
وتحياتى لكم اخوكم فهد97

[راعي مسكت]

اخوي فهد انا باقولك عن بريطانيا لاني مجربها 6 سنين والله يعنينا ونفيدك .
السعر: 1500 باوند الى 6000 باوند
المزارع : واجد فيه بالحجز وفيه تعال وشوف (المزرعه الي حط لنكها المري gulfstream falcons)ادخل على الياهو دخل الكلمه الي فوق بيطلع لك تحت برتش فالكون بتعين معظم المزارع الي في العالم.
كينتش فالكونري مشاركه فيها مزرعه الخضيرا القطريه واسعارهم معقوله وعندهم سوق في كينت (25 دقيقه من لندن)في تاريخ 2\8\2005 اذا مازليت.وفيه راي تارنر اسعاره مقبوله بس طيوره الوانها محقا .لاتقول اني اسوي دعايه لهم ذالسنه انا ماخذيت منهم.
الاعيبهم وحركاتهم :اذا بتروح افضل طبعا من الانترنت يعني اذا عجبك طير اخذ رقم حجله وادفع مقدم لو 150 باوند وخله يعطيك وصل ولو اورقه بخط يده وخله يعطيك اوراق السايتيس ودزها الكويت واخذ الاوارق اللازمه من الكويت وخلهم يدزونها لك بفاكس وعطه وخله هو يخاصها تاخذ من اسبوعين الا 45 يوم الي هي الاوراق واذا خلصت خله يخاويك المطار الله لايهينه ولاتعطيه شي (بترول -بخشيش -حتى الزقاره)ويخلصها لك وبعدين حط الطير في القفص ودخله الشحن (روح المطار قبل موعد الطياره باربع ساعات )وقوله يعطيك مهله اسبوع تفحص على الطير (يفضل دبي)وفحص الدم كافي (يبين اذا الطير فيه ارداد ولافيه وجع في ظهره والاغيره)بيحاول يتهرب ماعليك منه فحصهم اي كلام (خذ منه ورقه تشهد بصحه الطير وخلاف ذلك يرجع الطير ويستبدل)
الجير شاهين الانجليزي الزين عند بوب كريس(جلف ستريم) وعند تيري(كينتش فالكونري)فوق ال1150 وعندهم سود وبيض.

[راعي مسكت]

اخوي اسمحلنا تاريخ المعرض هو 6 و7 \8\2005

[المري]

يازين اعلومك ياراعي مسكت

تسلم وجعلك ذخرا

أذكر رجل من هل قطر شراء قبل 3 سنين فرخ شاهين من قولف ستريم وفعلت فعل طيب ياليت تساعدنى على اسم ذا الطير؟؟

اخوك / المري

[راعي مسكت]

ومن قال سالم
وان مازليت قبل سنتين وهو مسكون وراعيه كواري

[المري]

صحيح ياراعي مسكت اسمه (( مسكون )) وراعيه كواري

أنشهد انك جبت العلم ...

بيض الله وجهك

[لهاب]

شكرا للجميع واللي جاب هالطيور يجيب غيرها

بالتوفيق للجميع

[turhob]

راعي المسكت 100000000000000000شكر ولاهنت يالغالي على الموضوع الطيب والمري كذلك

[طير الهدد]

أخوي راعي مسكت كم قيمة الجير الشاهين الأسود بالريال

[راعي مسكت]

المري حاضرين يالغالي
لهاب الله كريم السنه الجايه ولا الي بعدها على حد علمي وقعوا معا راعي المزرعه ولاطير السنه الجايه يطلع .
turhob لاشكر على واجب .
قيمه الجير شاهين الاسود من 35000 الى 50000 وبعد على حسب الوزن كل ماكبر كل ماكان اغلى ،والسود هي اغلى الانواع عندهم .
وسلامتك