اين نجد محلات تفصيل خزانات الماء الالمونيوم؟؟؟

[عاشق الكروزر]

السلام عليكم ورحمة الله وبركاته

يا اخوان ارغب في تفصيل خزان ماء لسيارتي المونيوم.....

مستطيل ارتفاع 17 والعرض 104 والطول 35 سم

س/ كم سعة التانكي؟

س/ اين ممكن ان اجد ورشة في الرياض تستطيع التفصيل......ثقة وسعره مناسب.......؟

.........وبارك الله فيكم..........

[aaez]

ممكن أفيدك بالنسبِه للسعه بالأبعاد إللي وضعتها أنت راح يكون 61 لتر

[البيـرق]

الله يجزاك خير.....افدتني بارك الله فيك

[علي الشهري]

أنصحك بسوافي في صناعية الفوزان مخرج 18
غالين لكن شغلهم ممتاز جدا
مفصل عندهم تانكي ألمونيوم من 5 سنوات ولا به أي عيب

[البيـرق]

التنهاة جزاك الله خير

بس سوافي معروف اسعاره خيالية

[عاشق الكروزر]

مشكورين جميعا على الردود

محد عنده علم

[هاوي نفود]

اليحيى يمكن هو أقدم من يفصل توانك

مكانه وأنت متجه جنوب وعلى يسارك مقبرة النسيم يجيك قبل إشارة شارع الزبير ( إللي بفصل مقبرة النسيم )

وفيه أيضاً ورشة بدر أسمع عنها وهي بجنوب الرياض

أما سوافي فالصراحة ما أشتغل عنده ولا بتغيير فيوز ( موب ردى في شغله ... لكن بإستغلاله للناس )

[عاشق الكروزر]

اخوي هاوي نفود.....انا ما يعجبني الي انشهر وقام يظرب بالاسعار فوق.....

ورشة بدر اعرفها ونعم التعامل والسعر....بس ما اظن عنده المونيوم

[عبدالله 102]

اخوي فيه محل البرية في الروابي على شارع الزبير بن العوام يفصلون لك التانكي اللي انت تبي واسعارهم معقولة وشغلهم مظبووط

[عزوز 2005]

شف ياطويل العمر أنا بختصر عليك المشوار لأني عندي خبرة فيها
بالنسبة للالمنيوم يختلف بالسمك فية 1ملم و3 ملم
وسعر صفيحة الألمنيوم 1 ملم 120 ريال
وسعر صفيحة الالمنيوم 3ملم فوق 300 بس مدري بالضبط كم
طبعاً إذا كان سميك أفضل وعمر أطول
ألي يباع جاهز في المحلات 1ملم
لكن بوصف لك ورشة وهي أول ورشة بالرياض بدت في صناعة توانك الموية خبرة أكثر من 20 سنة ويعطيك ضمان مدى الحياة إذا هرب ولا أنشق بس ممكن تقول سعرة غالي والسبب لأنة يستخدم ألمنيوم 3 ملم لكن يستاهل شغل صح وتفصل المقاس والشكل على كيفك والتانكي لك وللزمن000
الوصف:
ورشة اليحيى بشرق الرياض عند مقبرة النسيم
اذا كنت تمشي بشارع ستين المعارض ألي علية المقبرة وخريص خلفك ووجهك جنوب
الورشة على اليمين قبل أشارة العثيم ألي عند المقبرة من الجهة الغربية 000 تحياتي