ماهو التعامل الأمثل لطلوع العقبات أو نزولها للسياره الجيب الأتوماتيك ؟

[مارتن]

ياخبراء السيارات والطلعات والنزلات مثلاَ عقبة شعار أو ضلع أو الهدا كيف التعامل الأمثل معها بحيث لا تتعب فرامل السياره أو هوباتها أو حتى القير ؟


السياره باثفاندر أتوماتيك أو تاهو هل أستخدم القير نمره ثقيله شوي 1 أو 2 أو الدبل الخفيف أم ماذا بالضبط ؟


ماهي تجاربكم في تلك الطرق ؟


وهل النزول يختلف عن الطلوع ؟؟ بمعنى (كما يقول المصريين) هل دخول ..... زي خروجه ;)


وسلامتكم جميع .....

[h818]

السلام عليكم ورحمه الله وبركاته
الله يعطيك العافيه بالنسبه الى الهدا يعتبر تسليه للسيرات الجب في الطلوع لان حتى الكورلا تتطلعه
لكن يعتمد علي في النزول انصحك انك تخلي السياره في نمره ثقيله وتخليها تتحدر براحتها يعني لاتدعس بنزين ويوم تقرب من اللفه فرامل خليها على اقل من مهلها
اما في الطلوع ماعليكم خوف ان شاء الله
نصيحه اخيره ههههههههه
بجيب ابو شنب يعجبك في الطلوع والنزول وبالذات عند الطلعات الصعبه زي الصما هههههههه هذا اذا تقدر الجيوب الجديده تتطلعها
الله يوفقك دنيا واخره

[تناهيت]

دبل خفيف +نمره ثقيله في النزول خاصة اذا منحدر قوي وردميه او سفلت تعبان وصتاحب الجو امطار لنه اكثر ثبات

والطلوع كذلك يحتاج فقط نمره ثقيله بدون دبل اذا كان خط مسفلت

حاول الفرامل ما تعتمد عليها

تحياتي

[علي101]

ياخبراء السيارات والطلعات والنزلات مثلاَ عقبة شعار أو ضلع أو الهدا كيف التعامل الأمثل معها بحيث لا تتعب فرامل السياره أو هوباتها أو حتى القير ؟






في طلعة الهدا (( إطلع طبيعي ولا تفكر ولا مجرد تفكير في الدبل أها إنتبه )))
(((وأنت نازل نزل القير من الدي D نمرة تحت يعني حط القير على 3 وتنزل السيارة مرتاحة )))

( معك على من سكان مكة وأحب الهدا )

[سايق الريم]

ياخبراء السيارات والطلعات والنزلات مثلاَ عقبة شعار أو ضلع أو الهدا كيف التعامل الأمثل معها بحيث لا تتعب فرامل السياره أو هوباتها أو حتى القير ؟



السياره باثفاندر أتوماتيك أو تاهو هل أستخدم القير نمره ثقيله شوي 1 أو 2 أو الدبل الخفيف أم ماذا بالضبط ؟


ماهي تجاربكم في تلك الطرق ؟


وهل النزول يختلف عن الطلوع ؟؟ بمعنى (كما يقول المصريين) هل دخول ..... زي خروجه ;)



وسلامتكم جميع .....



اووه العنوان متعووب عليه صراااحه


بس الاخوان شكلهم مايعرفون عقبة شعار:D


كم نفس ماتت فيها بسبب الفرامل


نجي لموضوعك .....شف يخوك من اول ماتتعدا التفتيش وانت جايب من ابها طبعا ونازل لم عقبة شعار


نزل القير الى رقم 2 وخله للين تخلص من العقبات احذر تحطه بـــD

ماعليك بتسمع المكينه صوتها مرتفع بس لا تحطه D ابداً


نجي لطلوع والطلووع اسهل من النزول لأنك ماتستخدم الفرمل

وافضل انك تخليه على قير 3 افضل او 2 واذا حن حطه بــ3 اهم شي النمره الرابعه لايشمها .....والباث اضن النمره الثالثه زر بعصى القير ترصه ومعد يعشق راابع

عشان لايطق عليك القير من كثرت التبديل :D


ويفضل تطفي المكيف في الطلوع عشان العقبه صعبه جدا

والهدا قدام شعاااار ولاشي :D الهداء اطلعها بسيكل لوتبي

لكن شعاار صعبه وخطيره :(

وخذها نصيحه بطلووع حااول قدر المستطااع انك ملاتمشي ورى شاحنات لأن بعضها ترجع

على اللي وراه وتدهسه وكم صااارت كثثير عشان كذ1 حاول تتجاوزهم بسرعه


طبعا كل هل عقبات لاتستخدم الدبل نهائي يعني لاتقربه لأنه بيتعب الموتر وبس :D

مثل مقلتلك وخصوصا عقبة شعار بنزول القير حطه برقم 2 ولو وجهك امر مفاجئ او احد مسك بوجهك فراامل رجعه لـــ 1 او L

عشان يمسك الموتر وانا معي يوكن وهذي استخادماتي للقير ولو احطه D كان وضبت من زماااان

وانا بنزول ماستخدم الا قير 1 و2 بس

وبطلوع استخدم 1 و 2 و 3 4 ما المسه ابد

[مارتن]

الأخوة الزملاء
h818


تناهيت


علي101


سايق الريم


شكرا لكم على النصائح الثمينه


بالمناسبه عن نفسي أستطيع التعامل مع العقبات بانسيابية ولله الحمد ...
خمس سنوات من عمري قضيتها في أبها متنقلاَ بين ضلع جنوباَ وشعار غربا حتى بسيارات الأجار الصغيره


القصد الفائده للجميع


استخدام النمره 1 أو 2 هو الأنسب فعلا وهو ما استخدمه مع العلم بأنه يستهلك وقود بسرعه ويجعل أمبير البنزين يدحدر تحت بشكل ملاحظ لذا يجب تعبئة السياره تماما بالوقود قبل النزول أو الطلوع واغلاق المكيف......


عقبة الصماء في السوده طلعتها بداتسون غمارتين 93 وهي المره الوحيده وكانت تجربه صعبه لا أظن أنني سأفكر بتجربتها مره أخرى .... أنزل بالتلفريك أحسن لي أو أذهب عن طريق محائل رجال ألمع أو ضلع الدرب إن كنت قاصد أسفل السوده على أن أنزل من تلك العقبه المخيفه مرة اخرى ......

[* ابو باسل *]

كل العقبات نزلت معها وطلعت ولله الحمد من الصماء في السوده الى شعار الى ضلع الى الجعده وكانت على سيارات متعدده ددسن او جيب باترول فيتك وكانت تجارب ممتازه وبالنسبه لضلع وشعار فهي سهله وبسيطه طلوع او نزول ولا تصل الى حد وخطورة الصماء والاخطر منها الجعده وكنت احط الموتر في الثاني او الاول وخليه على راحته مع استعمال الفرامل هذا بالنسبه للصماء والجعده اماشعار وضلع في النزول الثالث الى الثاني ولا اعتقد انه يحتاج النمره الاولى ومواتر الي نزلت بها كلها قير عادي بس التماتيك يقولون انه يسخن مع الصماء والجعده وهذا عن راي مجربين وفيه واحد من الشباب كان معه جيب لاند كروزر جي اكس ار موديل 2003 تماتيك وطلع مع الجعده وكان حاط تغييراته بين الاول والثاني لان الموتر اصلا ماياصل الثالث ابد بالنسبة للتماتيك وبالنسبة للعادي لو حطيته في الثالث طفى على طول لانها كلها طلوع قاسي مع لفات ضيقه وصبعه والرجال ما امداه ياصل راس العقبه الا والقير عنده مجاوب لانه ماكان يوقف في المنعطفات ويريح موتره شوي خلاها دعسه وحده ورجله على البنص الين وصل راس العقبه وبعدها جاوب معه القير على قولته يحلف انه يشم ريحة حريق طالعه من السياره ويوم طلع ووقف غير زيت القير يخرر من تحت السياره ويقول شاله على سطحه وصلح للقير توضيب كامل والافضل اذا كان القير تماتيك في النزول انزل على طول بس في الطلوع حاول اذا انتصفت في نص العقبه توقف في اي زاويه وتريح موترك نص ساعه ثم تواصل منها يرتاح الموتر ومنها تريح انت اعصابك وتتفرج على منظر العقبه والله يوفق الجميع .

[عقرجي]

بألنسبه للجيب التمتيك بي نمره احطه مع الطلوع وكذالك النزول يأليت احد يفيدني ؟

[THE KILLER]

حطها على 3 واطلع وانزل فيها وخفف وقت النزلة ارفع رجلك عن البنزين ودوس فرامل بشويش يعني وكذا اشياء بسيطة ان شاء الله مايحتجها دراسة
احسن شيء 3
لو كانت الطلعة جدا قووية حطها 2

عندي سوباربان 90 والفرامل مو ذاك الشيء اخاف اطلع طلعة ويوم انزل اطيح بالوادي

[abu fares]

الطلوع ما يحتاج ترس ثقيل خلك على الدي

النزول حسب شدة انحدار الطريق والزحام فيه يعني تقدر له الشيء المناسب

[الوافي0]

طيب جربتوا عقبة سنان في النماص ؟؟
لا لصما ولا الجعده ولا غيرها في المملكة في شدة الانحدار ومع ذلك الشباب ماخلوا لا قير تماتيك ولا عايدي الا ونازلين طالعين

[كاشت وحداني]

طيب جربتوا عقبة سنان في النماص ؟؟
لا لصما ولا الجعده ولا غيرها في المملكة في شدة الانحدار ومع ذلك الشباب ماخلوا لا قير تماتيك ولا عايدي الا ونازلين طالعين

هالعقبه محفوظه حفظ
بعايدي وتماتيك وكعابي
وهالمبروك حافظ لفاتها زين
قولو ما شاء الله

http://www.mekshat.com/pix/upload05/images249/mk57768_111559136.jpg

[sa-z71]

قبل فتره كنت أتصفح كتلوج سوبربان 2008 القير ست غيار

اللي فهمته انه في المنحدرات يفضل تشغيل خاصية الجر اللي بالقير
لأنه يتفهم وضعك ويبداء بالتغيير للنمر الثقيله للتخفيف على الفرامل

[عمر الشريف]

أنأ لا أزيد على كلام سآيق الريم

[وبل نجد]

اخي الغالي في النزول ضع السياره بنمره قويه زي ١/٢/٣ واذاكاانت شديدة الانحدار فشغل الدبل الثقيل
ولا تحاول تستخدم الفرامل الاقلييييل جدااا وحااسب صح وبعدين حاول تهدي السياره في اللفات ان تضعها بنمره اقل من الاولى مثلا :السياره بـ ٢ وجت اللفه فضعها ب ١ عشان تهدي بالقير

وبالنسبه للطلوع ضعها بنمره قويه يعني لاتكون السياره مريحها ×

[عقرجي]

الله يعطيكم العافية

[sa-z71]

بعد تجربة سوبربان 2008 قير ست تعشيقات في ابها الاسبوع الماضي في السوده وغيرها
وجربت خاصية الاوفر درايف يفرق كثيييير اذا ماكنت مستخدمها
اذا كنت مشغلها في المنحدرات يرد نمره على حسب ضغطك للفرامل كل ماتظغط زياده يرد للنمره الأثقل ،
وفي الطلوع يكون شاد حيله ،

معي قريب لي معه جكس ار 2005 نصحته بتشغيل الاوفر درايف يقول والله فرق كثيير خصوصاً في الطلوع
يقول بدون التشغيل لازم أظغط على الدعسه بزياده علشان يرد نمره مع التشغيل يكون شاد ويرد نمره بسرعه