الحصني .............

[احساس غريب]

السلام عليكم ورحمة الله وبركاته
مساء الخير للجميع
يا أخوان عندي استفسار
عندي غنم حاطها في منطقة جبلية والمشكلة اشغلتني الحصانية اشغال ارميها كل يوم بانواع الاسلحة مافاد فيها ؟
يا ليت احد يدلني على حل اتخلص منها باي طريقة كانت وهل فيه سم لها ؟ وكيف وضعه ؟
وهل احد عنده جرو او جعري في الرياض اكرمكم الله ودي احطه عند الغنم
ولكم جزيل شكري

[star22]

الله يعينك حطلها افخاخ وزعهن توزيع

وحط عليهن طعم لحم اودجاجه وزعها عليهن

[أبوسعود711]

هلابك اخوي قريبي مثلك اشغلنه اشغااال
لكن جابله جعرين اثنين وحطهن عنده وعقبه يمكن
4 شهور ما شاف الحصني ابد وانا ابدورلك وابشر بالخير

[ساحووق]

اقعدله بالخرازه ثم بيين عيوونه امحطه

[الرحال 07]

والله ياخووي افضل حل حط عند الغنم جعري

وبعدها باذن الله ما تشووف اي حصني يوطوط جنبك ...

[ابو رهف 222]

يا اخوي حطلة افخاخ ولا راقبة لقرب حطها في راسة انشا الله اني افتك وتقبل مروري

[صقر القويعيه]

السلام عليكم عندنا في المزرعه حصانيه دواها الشوزل ولا السلق واذا عرفت وين الجحور او الدحل صب بنزين واحرقه واقعد وجهز الشوزل بيطلع واكمخه وفيه سم اول ماياكله يموت وهو ياكل الطعم لون السم بنفسجي وتقبل مروري واسمحولي على الاطاله

[الذود العفر]

مامثل كلب الحراسه له سم ,,

الله يوفقك ..

[هيف راعي كيف]

اسال مجرب حاطن لهن ثنين الواحد املح وربي مايقربن الشبك

[ابو الذهب511]

جب لك سلق طيب ... ولا اوصيك فتش الجبال الي عندك بليل .. السلوقي يطرح الذييب فما بالك بالحصني !!!!
وبالتوفيق ياكحيلان

[الــحـاكــمــ]

ما أنصحك بالسم لإنه خطر يمكن تاكله الغنم
الجعري كلب الحراسه الأول والله ليخدمك خدمه ما تنساها
عندي جعريه وأنت بكرامه لها 10 سنوات والله إنها تذبح الداب
والحصني وأي واحد غريب ما يقرب المكان بالمره ...

[مصلفقهااااا]

يمدحون السم

[راعي الصتايم]

اخوي السم بيذبح غنمك

عليك بالجعر جب لك 3 او 4 جعر واربطعن عند الشبك وكل واحد بزاويه وخلهن سبوعين مربوطات

ثم لاخلصن لسبوعين فكهن بالليل واربطهن بالنهاااار وحده بوحده ولو تبي جعر اخبر واحد عنده جعريت غنم مولده

الله يكرم الجميع

[الخبير.]

عليك بالجعر جب لك 3 او 4 جعر واربطعن عند الشبك

[@قرناص@]

وييييين محلك ؟

[احساس غريب]

اشكرك الجميع على المشاركة
تكفى اخوي راعي الصتايم اي والله ابيلي اثنين
انتظر ردك على نااااااااااااااااااااااااااااااااااااار
وجزاكم الله خير

[قناص جيزان]

أسمع وانا أخوك السم ما ينفع لكن 3او4كلاب حراسه وابن امه من الحصاني يفرفر حولك:d

[ابوحمد 2009]

ان شاء الله اافدووك الاخووان

[احساس غريب]

ماقصرو الأخوان بس في انتظار اخوي راعي الصتايم

[رعايها...]

والله ياخوك.. خذلك وانت بكرامه كلب جيرمني.. حق الشرطه وحطه عند الغم صدقني حته الجعاري مايجونك..^_^

اسئل مجرب ولا تسأل طبيب

[احساس غريب]

وييييين محلك ؟




انا يا قرناص غرب الرياض . عسى حولك كلاب الله يكرم الجميع

[مخاوي الليل1]

السلام عليكم


بسيطه وانا خوك


مر على اقرب بيطري ويعطيك سم تحطه في الحم وفي دقيقتين وهو ميت


مر على مطعم وخذ منهم بواقي الحم


او اشتر تيس هندي 130 ريال من العثيم او بنده وحط السم في الحم وان شفت واحد حي تعال حاسبني

[كمبو]

مخاوي اليل

انت تبيه يكرمهم بتيس قطعة لحم وتخب

اما يشتري لهم بـ 130 وسممه

ولا عشان يغريهم خخخخخ

[احساس غريب]

السلام عليكم



بسيطه وانا خوك


مر على اقرب بيطري ويعطيك سم تحطه في الحم وفي دقيقتين وهو ميت


مر على مطعم وخذ منهم بواقي الحم



او اشتر تيس هندي 130 ريال من العثيم او بنده وحط السم في الحم وان شفت واحد حي تعال حاسبني


ههههههههههههههههههههههههههه صدقني ليقاولوني البارحة حاط لهم دجاجتين اكلو واحدة كاملة وانا حاط فيها سم بودرة مافاد فيها ..

[احساس غريب]

مخاوي اليل

انت تبيه يكرمهم بتيس قطعة لحم وتخب

اما يشتري لهم بـ 130 وسممه

ولا عشان يغريهم خخخخخ

صدقت اخوي اشكرك على المرور