الفزززززززعة الله يعافيكم

[Desert Ranger]

انا طالع بكرة انشاءالله للشرقية من الرياض وابغى احداثيات ومواقع للكشته اللي ماعليها مشاكل من ناحية استخراج تصاريح من حرس الحدود....احنا طالعين بسيارتين دفع رباعي و ناوين على شاطئ للسباحة و صيد السمك بالسنارة و بنقعد ليوم الجمعة,,,

[accentkool]

انشاء الله يفيدووووووك الاخوااااااااااااان

[Desert Ranger]

ياشباب بالله عليكم اليوم محرك و ابغى ردودكم:(

[نبض الحياه]

ان شاء الله اخواننا اهل الشرقيه يردو عليك

[بحرالخبر]

1-جرب شاطئ العقير بس لازم تراجع حرس الحدود للتسجيل فقط وان شاء الله لاتوجد مشاكل
2- شاطئ نصف القمر لاتسجيل ولاغيره بس زحمة ومن اجمل الشواطئ للسباحة

[v506]

مالنا بالبحر ولا كان أفدناك :)

[sa_1899]

انشاء الله يفيدووووووك الاخوااااااااااااان

ليه انت مو من الشرقيه اخوي ؟

[Desert Ranger]

1-جرب شاطئ العقير بس لازم تراجع حرس الحدود للتسجيل فقط وان شاء الله لاتوجد مشاكل
2- شاطئ نصف القمر لاتسجيل ولاغيره بس زحمة ومن اجمل الشواطئ للسباحة

شكرا اخوي بس مامداني اقرا مشاركتك ولا كان رحت للمكان بس وين شاطئ العقير؟؟

عموما رحت للمنيفية والمكان كان حق صيد سمك مايصلح للسباحة لاكن اخذنا تصريح وقلنا يمكن في مكان احسن ويليتنا مارحنا المهم تغاريز الشرقية صعبة ونمر على صبخة تزلق وعقب هذا كله المكان كان كله حشرات تقرص بشكل جنوني ماقدرنا نقعد كمية الحشرات كبيرة جدا لدرجة انها صارت في شعرنا وفي عفشنا وفي رجعتنا مازالت تقرصنا حتى سالت العسكري عنها قال هاذي عقوبة.

[السهران1]

ليتني لحقت عليك قبل تمشي تروح وترجع بالسلامه اخوي

اذا الله كتب وحبيت تروح مرة ثانيه للشرقيه انصحك بالجبيل البلد والجبيل الصناعيه كورنيش الفناتير واخر الكورنيش والحفره والمردومه وراس ابو علي

وانا اسف على التاخير اخوي

[Desert Ranger]

ليتني لحقت عليك قبل تمشي تروح وترجع بالسلامه اخوي

اذا الله كتب وحبيت تروح مرة ثانيه للشرقيه انصحك بالجبيل البلد والجبيل الصناعيه كورنيش الفناتير واخر الكورنيش والحفره والمردومه وراس ابو علي

وانا اسف على التاخير اخوي


والله ماتقصر ياحبيبي بس انا كنت ابغى مواقع برية بعيدة يعني شيء شبه عذري لو امكن احداثيات او وصف للمواقع لاني بروح هالويك اند,,

مرة ثانية مشكور:)

[السهران1]

والله ماتقصر ياحبيبي بس انا كنت ابغى مواقع برية بعيدة يعني شيء شبه عذري لو امكن احداثيات او وصف للمواقع لاني بروح هالويك اند,,

مرة ثانية مشكور:)


اخوي الغالي اذا سيارتك دفع رباعي عندك بعد منطقه المخيمات ومنطقه راس ابو علي والمردومه وبالنسبه للوصف انا حالي حالك من اهل الرياض اخاف اوصف لك اضيعك :) لاني ما ادلها الا لين اروح لها

[نمط]

أفضل شاطئ للسباحة في الشرقية بالنسبة لي "جعيمة" راس تنورة

وللصيد شواطئ الجبيل وانت رايح من جهة الشمال .. منيفة .. راس الغار ... الخفجي
مادل منهم الا منيفة وهي للصيد أفضل موقع بالنسبة لي بس لها مواسم , ومثل ما تفضلت يجيها أوقات كلها حشرات

والمواقع البرية هي : منيفة + العجير
بعيد عن الضجة والشوارع

ومنيفة في الشتاء أو قريب الشتاء تكون جميلة وتقل فيها الحشرات بس تكثر فيها العقارب الله يكفيكم منها

عندك المردومة في الجبيل في نهايتها بتجيك رملية تقدر تجلس فيها
بس بأيام اجازة الاسبوع ماعتقد تلقاها فاضية

أما الكرنيشات والدمام فبتلقاها زحمة وضجة وما بترتاح لها اذا انت راعي كشتة هدوء

وراس ابو علي حلوة بس منعو عنها التصاريح الآن مثل ما سمعت

جرب الخفجي , وموقعها يدلها عليك اخونا من الكويت "ابو بدر" هو يخبر المكان زين لانه تردد عليها اكثر من مرة
وفيها صيد طيب

[حمودي 07]

ما شاء الله عليك يا نمط .. كفيت ووفيت

وإن شاء الله تستمتع بالطلعهـ .. ولو عندي طراد كان أفدتك لاكن إاذا ماودك بالصيد بس كشته وفلهـ وسباحهـ رووووح الهاف مون >> شاطئ نصف القمر <<

[fesl]

انا شاء الله افادوك

[راعي هدبا 71]

الله يعطيك العافيه
الاخوان كفو ووفو

[Desert Ranger]

اخوي نمط شكرا كفيت و وفيت و معلوماتك تعتبر مرجع مهم بالنسبة لي و للاخوان.

مشكور مره ثانية