محتآر في سيآرتين ؟؟؟؟

[nasser.11]

بسم الله الرحمن الرحيم
السلام عليكم ورحمة الله بركاته
يخوآن انآ محتآر في سيارتين هي
الددسن 2010 او النفارا 2010 وتكوون تمآتيك ..
السيآره بس تكون في الديــره ..
مهب لي البر ولا سفرره ..
لاني مآسآفر وآجد

[MjNo0oN]

شف وانا اخوك الددسن التاليه تايلنديه ((ماتسوى)) وحلاته لاجاك قير عادي وما احد مدح عزمه في التماتيك وانا ما انصح فيه لاجديد ولا مستعمل ابعد عنه ((من وجهة نضري الخاصه ولست مجرب للتماتيك في الددسن)) وكان معي قير عايدي 2003 حليل لاكن عن نفسي انا مليته مع الوقت لانه مهنا ممشا لاكن عز الله انه صبور ويوثق فيه ويبيض الوجه في كل وقت ولاهوب طلاب وقطع غياره رخيصه وفي كل مكان

اما انفارا يمدحون عزمه يقولون حليل في التماتيك والعادي ودامنك بتاخذ تماتيك لاتفوته لانه اوسع واريح وافخم من الددسن وفوق هاذا كله فرق خفيف في السعر ماهو ذاك الزود ((انا ركبته وجربته وتعجبت من عزمه في القير التماتيك ماتوقعت انه حليل لهادرجه)) يعني الموتر بشكل عام ممتاز لاكن شيك على اسعار قطع غياره ان جازت لك توكل على الله

وعندي لك راي الي هو هايلكس ينزل منه تماتيك بس اتوقع مانزل الا في الدبل منه وانا مانصحتك فيه الا لانه يمسك سعره وشكله حليل وجايزن لي الدبل منه تقول جيب

وانت استخر ربك وشاور اهل الخبره ولاتاخذ الموتر الا وانت مرتاح لشكله وداخليته وسعره ((لانه لو ماجازلك الشكل او الداخليه مع الوقت بتمله ولو كان من اغلى المواتر))

[nasser.11]

مشكور يآخوي mjNoOoN
بس انا كنت صآآآمل على نفآرآ تمآتيـك
تبي الصدق ريحتني انك تمدح النافارا
يآخووي يعني اتوكل اشتري النفـآرآ بـس
لان النآس والله يمدحونه ..
والهيلكس مهم دآخله مزآآجي .

[ذيب الحرار]

خذلك ددسن 2009 قير عادي والله الدفرنش قوي

[محب البرق]

اقول يالغالي :

نصيحة مني خذ ددسن وبعدين اذا تتبيعها تشرا منك
ازين من تاخذ لك نافارا ووتورط فيها بعدين اذا جيت تتبيعها

خذ ددسن وانت مغمض واسأل مجرّب

[مجرم الددسن]

اخوي الددسن يجي منه تماتيك
انا كانت معي قير تماتيك 2002
شف والله راحة تجيب الطبلون بالراحة
والعزم ممتاز جدا

[كلاسيكو]

النفارا حسب كلام اهل الخبره ان عزمه افضل واوسع خاصه المرتبه الخلفيه تفرق عن الددسن
ودليل العزم جاي انه هي البخاخ على اصوله يعني بتفرق بصرفية البانزين اما الددسن فهي نص بخاخ واغلب الناس مايعرفون ان الدسسن نص بخاخ مو بخاخ كامل زي طريقة الجموس الي جاء نص بخاخ بمودبلات 95

واعرف واحد لها سنتين معاه مااشتكى منها بي شي ويمدحها بعد
اما التماتيك فهو اريح ولاشفنى ناس اشتكت من خراباته لابالجيوب ولا بغيره
والبر الحين صار كل مكان فيه زفلت يعني لو انت على كامري طلعت للبر هههه
تقبل مروري

[الفهد 989]

السلام عليكم ورحمة الله وبركاته

اخوي اذا بتاخذ تماتيك خذ النافارا ولا تشاور

[ابوصالح3]

لاتحتار ولا شي - خذ الددسن لانه مجربه ولها تاريخ اما النافارا جديده -وتوه طالعه -